[align=center]
السلام عليكم
طلبت قصيده تهز الغرابيل
وأردتها لأكثر من ذلك !
( للغرابيل أولاً )
عسى أن تنال الحد الأدنى من رضاكم
موت السواني
.
.
.[/align]
[poem=font="Simplified Arabic,5,blue,bold,normal" bkcolor="transparent" bkimage="" border="none,4,gray" type=1 line=1 align=center use=ex num="0,black"]
راح القصيد اللي يمتع نواظرك=فوق القِليب تموت عطشا سوانيه
ضاع القصيد ولا حصل من يبشرك=وقبل القصيد يضيع ضاعت موانيه
مابين شاعر قالب الأمسيه سيرك=وجمهور يهتف مخلص ٍ في تفانيه
يالشاعر التاريخ ماهوب عاذرك=بسبابك التاريخ ضاعت أمانيه
دامك لقيت اللي بفعلك يسايرك=دامه رفعك لفوق عالي مبانيه
لا تحسب ارباحك وتنسى خسايرك=ويطيح بك صرح ٍ بالاوهام بانيه
عين الصحافه لاغفت عنك تهجرك=وتشوف شي ٍ ما أظنك تدانيه
أما أنت قلي وش على الشوك جابرك=قلي وش اللي من ورى الشوك جانيه
كانه تكدر من غثا الوقت خاطرك=هاللي تعاني منه كم لي أعانيه
مانيب شاعر مبتدي جا يحاورك=ولانيب شاعر جا يسوّق لغانيه
شعري على روس النوايف يناظرك=ماهوب على المسحوب ترقص غوانيه
هذي قصيده سقتها لك على إرك=وباق القوافي كل ابوها على نيه
لابو قصيد ٍ ما يحرك مشاعرك=لابو قصيد ٍ ما تهزك معانيه[/poem]
[align=center]
وسلامتكم
(القِليب) بكسر القاف وهو البئر
فايز البذال[/align]
رد مع اقتباس
المشاركة الأصلية كتبت بواسطة سـعـد الحويماني
