[poem=font="Simplified Arabic,4,skyblue,normal,normal" bkcolor="black" bkimage="" border="ridge,7,skyblue" type=2 line=0 align=center use=ex num="0,black"]
أصعب أحاسيس القلب لين أغترب في ثورته=وين الوطن وين أنتمي..نفسي في نفسي ضايعه
مثل الكسير ابعالمه دون الدوى عن علته=زعزع كيانه هالسهر والنوم أكثر زعزعه
أقسى مراحل هالألم قلبن يداري دمعته=يكبت شعورن زلزله وسط الصدر ويجمعه
أقسى مراحل هالوجع لو ثار يعلن كبوته=ماصار يوسع هالصدر ضغطة محاني موجعه
ضاقت ضلوعي ابحملها ثقل القلب وشكايته=وشعور يرتد بغضب إلجوف قلبي ويصفعه
ماعادت ضلوعي حمل تحنان طالت غيبته=وعيون يرسمها الخيال اللي لنفسي أصنعه
من دون موطن شاللذي أقدر بشعري أنبته=أغصان روحي أثمرت..ثمرن فجعني مصرعه
أكذب على نفسي إذا قلبي سهى عن حالته=الاحساس يوجع خافقي ورغم الألم بسترجعه
أوقات أنوي أبتعد..عن طيش حسي وغربته=من قال أقدر لو غدت ثلث الثلاثه أربعه
بشرب شعوري بالألم فوق الوجع في غصته=وأروي ظمايي بالعطش وأثمار ماتت يانعه
يامصعب الغربه إذا حس المشاعر طالته=والإغتراب بعالمي من بادي سني أرضعه
بأول سنيني وللأزل قلبي عذابه دقته=بين الضلوع تزلزله لهفة مشاعر تفجعه
مكتوب أحياها بألم في جوف ضلعي ومحنته=وحدي غريبه ابعالمي بين الصحاري الشاسعه
يامن لشوقي يحتضن غيث القلب في لهفته=لو ثار في جوف الصدر يامن لحسه يسمعه
مكتوبه من دون الوطن أحيا شعوري وأكبته=غربة مواطن داخلي..ما ارتاح لحظه ابمهجعه
لاعاش لحظة إنتماء تحوي شعوره وشدته=مُبعد ولاجىء يحتمي فيه الإراده خاضعه
بهرب من شعوري الى عالم خيالي وحسرته=أحمل شعوري في النعش وأمضي بهويه ضايعه[/poem]
رد مع اقتباس
-new.gif)
.gif)
