عالميييية نادي النصر......!!!!!!

[الهلقماني]

فريق يلعب بطولة عالمية غير مسجلة أطلق من فريق ما شارك فيها مرة ولا شارك في مثلها .

[هلالي كايدكم]

أخ وجود... ياهلا فيك

أنا اتكلم عن عالمية النصر (المزعومة) ولم اتكلم عن ماجد

[هلالي كايدكم]

الهلقماني
ياهلا فيك....


ومشكووور عــ المرور

[^^ نصراوي ^^]

أخوي هلالي كايدهم <<< أبي أعرف من كايد

والله أحس إنك تعقدت من ردودي وإثباتاتي هههههههههههههههههههههه
ما تقدر تصرف لنا رد غير : (( غصب عنكم .. اللي يرضى يرضى واللي ما يرضى يطق راسه بالجدار ))
أنت طرحت موضوع , وحنا جينا وردينا عليك بالإثبات , وش اللي يزعل

المهم ما لك بالطويلة
تذكر كلامي في الرد الأول قلت لك :

عدنان جستنيه كاتب كويس << يعني منتاز
لكن الظاهر انتقال الواكد اثر على نفسيته شوي
ولا تلوم الرجال المصادر اللي وصلته كانت مغلوطة وتخبر ما كذب خبر وراح كتب موضوعه اللي انت ( رازه قدامنا الحين )
ولكن بعد ما يدري انه على خطا راح ينزل مقال يعتذر فيه من ( العالميين ) <<< اللي هم حنا طبعا

شف مقاله قبل يومين بعد ما اكتشف أنه على خطأ , بدا يلّمح أن ما له دخل , وأن الخطأ من اللي نقله المعلومة :واو:

يقول عدنان :

(( في مقالة يوم الأحد الماضي كتبت موضوعا تحت عنوان (عالمية الاتحاد بشهادة الفيفا) حرصت من خلاله على نقل معلومة (الكترونية) وضعت بالموقع الرسمي للاتحاد الدولي لكرة القدم ونشرت في جريدة (نجوم الملاعب) التي تصدر أسبوعيا كل يوم (سبت) وتأكدت من صحتها من زميل أحسب أنه (موثوق) في أمانته الصحفية هو الزميل (عوض رقعان) الذي أوضح لي عبر اتصال (هاتفي) وأنا أسأله عن أسباب تجاهل مشاركة نادي النصر في البطولة الأولى لأندية كأس العالم ضمن منجزات الكرة السعودية التي اعترف بها الاتحاد الدولي وبثها في موقعه الرسمي فرد علي بأنها حذفت على اعتبار أنها حسبت بطولة (تجريبية). - قد تكون عبارة (تجريبية) هي مجرد (استنتاج) شخصي من زميل (متخوم) فكره بمعلومات (الكترونية) اجتهد إلى حد ما في (اكتشاف) هذه المعرفة الذاتية والتي تفتقد بطبيعة الحال إلى (مستند) رسمي يؤكدها ويوثقها ومع ذلك قمت بنشرها كـ(فرصة) من أجل (جس نبض) النصراويين حول مدى اهتمامهم بحقوق ناديهم قبل أن أهتم بـ(أولويات) تخص نادي الاتحاد وهو (الغني) بها منذ تأسيسه. ))

عوض رقعان يقول حذفت من موقع الفيفا ( يعني ما لها وجود ) ههههههههههههههههههههههههه ههههههههههههه

وأنا حطيت لك رابط موقع فيفا الرسمي !
وش تبي أكثر
تبي أجيب لك بلاتر بكبره علشان يشهد <<< ترى عادي يسويها لأنه عالمي

أتمنى أقرا لك رد يبرد قلب اللي يقرا موضوعك
لكن للحين موقفك ضعيف والأدلة والشهود كلهم ضدك يعني إعدام ههههههههههههههههههههههههه ههههههههههههههههههههه

[هلالي كايدكم]

اخ نصراوي .......
ياهلا فيك...
كايد كل نصرااااااوي

ابي اعرف ليش ماذكرت البطولة ضمن بطولات المملكة!!!!؟؟؟؟؟
ليش ذكرت البطولة التي شارك فيها الاتحاااااااد ولم يذكر النصر !!؟؟


وانا لم اذكر كلام جستنيه حبا فيه بل انا من أشد الكارهين له ولكن جئت بكلام جستنيه كشاهد للعلاقة النصراوية الاتحاااادية.....



ولكم كل تقديري.......

[^^ نصراوي ^^]

8
8

من وين يفهم ذا ؟؟؟؟؟؟؟؟؟؟؟؟؟؟

الحين يا أخ كايدهم <<< للحين أبي أعرف من كايد ههههههههههههههههههههههه

جبت لك روابط موقع الفيفا بكبره وفيه البطولة ومعترف فيها إنها أول بطولة
وش تبي أكثر من كذا

أنا جبت لك الإثباتات
أنت الحين عطني إثباتك من موقع الفيفا أنها بطولة تجريبية

ما تلاحظ أني أنا اللي قاعد أجيب إثباتات من موقع الفيفا لحالي , وأنت جالس ترد وتقول ( غصب عليكم ويا ويلكم ومدري وش بعد )
هات رابط من موقع الفيفا ذكر أن البطولة ( تجريبية ) وبعدها لكل حادث حديث
أما الخراط الزايد ما ينفع وأنا أخوك

انتظرك طال عمرك

[sand]

هههههههههههههههههههه
وين المشرفين على القسم

ولا المنطق الروح الرياضية
لازم تطابق اهوائهم وميولهم

والا ينحذف الموضوع

شاكر ومقدر لكم اهتمامكم بالموضوع