[align=center]
.. بسم الله ..
عذرآ لـ/ هذآ الغياب
لكم صوت وصدى بيني وبين المبدع عبدالرحمن مازن العطاوي
واقول انا في ..( بـارود المعـاني )..
.
.
[poem=font="Simplified Arabic,5,crimson,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
يثـور بـارود المعانـي إذا صـار=حربٍ ضروس تقوم مابيـن الافكـار
واضيـع واغنـي عليهـا الهلالـي=واقول ويـش العلـم ياشعلـة النـار
واسلى مع السالين واشـوف حظـي=بين السراب وبين جمهـور ونـوار
وياصاحبي ياللـي عروقـك اصيلـه=مساك ربي بخير والخيـر لـك دار
تعال واقلط مرحبـا الـف واهليـن=في مجلسٍ مايدخلـه غيـر الاخيـار
مجلس ولد عـزام نسـل العطـاوي=شيخٍ يعـز الضيـف ويقـدر الجـار
وسمع سواليفٍ على الطيب والخيـر=سوالفٍ وضح النقى ماهـي اسـرار
ومن بعدها بشكـي وحالـي عليلـه=من سالفة حبٍ علـى مـر الاعمـار
حبٍ سكنـي يارفيقـي وانـا حـي=وجلسة اسولف به على كبار وصغار
وعشته سنه ياخـوك حـب ومـوده=ماهمني عاذل ولا حاسـب اخطـار
لعيون خلي سايـق الـروح للمـوت=تفداه روحي لو بـدى طالـب الثـار
وإذا لفانـي وقـال ياحسيـن احبـك=يضيع تفكيـري علـى دقـة الطـار
واحس إني ( كنـق ) امـة محمـد=وإني ملكة الكون مع كـل الاشبار
وإني انا السلطـان فـي كـل ديـره=وكلٍ على شوفي ضرب خمس بعشار
لكـن بعدهـا صـد عنـي وقـفـى=صد وتركني فـي متاهـاة الاسفـار
اسهر مع الهوجاس اسهـر لحالـي=اسامر النجمه إلـى حـد الاسحـار
واجلس اغنـي بوحدتـي يارفيقـي=( تذكار عيشـي ياحياتـي بتذكـار )
ومن زود همي ضاقت الكون فينـي=ضاقت وسالت مني دمـوع الاوتـار
واشوف حالي في تردي وانا اخـوك=واقّلـب الاوراق وازيـد الاشعـار
واكتب قصيدٍ سال دمعه على الخـد=واشوف حظي قدم عينـي ومنهـار
واقـول ياربـي تسهـل امــوري=وترحم فؤادٍ مات من صالـي النـار
والحين انا ناصيك يابـن السلاطيـن=مـدام فينـي ياولـد حـارة افكـار
ابغاك تفزع لـي وتعطينـي حلـول=مادامك انت اللي على حـادي الثـار
وختام قولـي فـي نهايـة قصيـدي=افضل صلاة الله على خير الاخيـار [/poem]
ورد عبدالرحمن ويقـول .. في ..( غيـمـة شـرف )..
.
.
[poem=font="Simplified Arabic,5,crimson,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
حي الحروف اللي تغنـى بالأشعـار=من صاحبٍ له داخـل الصدرمقـدار
حسين ابن عـزام راع المواجيـب=سأس الكرم والجود في كل الأقطـار
تبقى ويبقى من شبيهـك وشـرواك=والعلم واضح ياولـد عـمّ الأحـرار
حرٍ نصيت الطيـب والطيـب فالـك=صقّار لكنّـك عـن الفيـن صقّـار
ناديتنـي وآبديـت ماكـان خافـي=سرّك فصحته من على كف الأسرار
مسـاك ربـي بخيـر والله يديمـك=دامك تعزّ الضيـف وتقـدّر الجـار
وياصاحبي مـادام جتنـي علومـك=من سالفة حبّك أنا جيـت بإصـرار
لنكّ نخيـت اللـي نخـوه الذيابـه=تختار .. وانتهّ . تعرف اشلون تختار
أنـا إلا منّـه نخـانـي رفيـقـي=أعطيه مايطلـب ولـو بيننـا ثـأر
مسنّد جميع اللي نصانـي وسيفـه=أطلب وتلقانـي علـى كـل الأدوار
ياحسين انا وإن جار وقتـي عليّـه=بقول لك وقتي ترى اليـوم ماجـار
الحب دوله وأنت حاكم على الحـب=لكن.! مع الأقدار نرضـى بالأقـدار
هذي هي الدنيـا تصـول وتجولـي=برق ورعود وكومة أمطار واعصار
تبغى الحلول وطالب أقـرب إجابـه=أبشرّ عسـى يفـداك نـذلٍ وغـدار
بعطيك اقرب قاعـدة فـي حياتـي=( حب التي تآتي بلايـأت آخطـار)
دولـة وملـك ويارفيقـي مليكـه=مليكةٍ خذهـا علـى سنـةّ البـار
علـى كتـاب الله وسنـةّ نبـيـك=غيمة شرف يالذيب تنثرلك امطـار
خـلّ القديـم ودورّ اللـي تـعـزّك=وردٍ مع الأزهار ياويـش الأزهـار
اسأل مجرّب لاتـردد وانـا اخـوك=خيرٍ ولاتلقى مـن خلافـه آضـرار
مالك ومال الهـم ومسامـر الليـل=والضيقة اللي داخلك دار ... مـادار
نصيتني وطقيـت صـدري عشانـك=وجيتك وانا لمواصلـك دائمـا بـار
سيرّ عليّه قهـوةٍ تطـرب الـرأس=أقلّط عسى دربك تساهيـل وانـوار
فلّ الحجـاج ولاتفكـرّ فـي شيّـه=ولالا تشيل إهموم إصـوار وعـوار
قـد قلتهـا لكـن بكـرر وابآعيـد=( صقّار لكنّك عن الفيـن صقّـار) [/poem]
وســلامتـكم ..
اخـوكم ../
إبـن عـزام
.
.[/align]
رد مع اقتباس
-new.gif)
