مساء الحب ..
[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
الجو هادي وانا فيني غرام ووله = والراس ماهوب خالي فيه علمٍ جديد
والقلب عن صاحبي زين النبا مادله = والليل هيضني اكتب من جديد القصيد
وحبٍ جهلت اخره لكن عرفت اوله = من قلبٍ اقسى واشد من الصخر والحديد
مسموح ياللي تنكّر للغلا واهمله = اصبر واكابر لوانه في صدوده يزيد
وحبٍ زرعته بقلبي لايجي يقتله = اللي لروحي قريب ومن عيوني بعيد
مره تشجعت يوم اني بغيت اسأله = لكن لقيت الجفا وانه بطبعه عنيد
ان كان حبّي خطا ماافكّر اعدّله = بمشي بكيفي وهو يمشي على مايريد
وجّهت لأصعب طريق ومابغيت اسهله = وهالحين مالي جدى ياكود نظم النشيد[/poem]