عساااااااااها المسكته يانشمي وتراني في وجهك ههههههههه

[محمد الدغيري]

[poem=font="Simplified Arabic,5,darkblue,normal,normal" bkcolor="transparent" bkimage="" border="none,4,gray" type=2 line=1 align=center use=ex num="0,black"]
يابو سعود البوك طالبك دنه=مدام عصر اليوم للقاف كايف
ابا احكر الطاروق ون زان غنه=غنه ليا روحت يم النصايف
ابا احكره فالشيخ نشمي لانه=يشكي عليه زاميات الردايف
مغير يقنب كن صاليه كنه=والعد من ظرب الحبال امتهايف
جاي(ن)لعوج ارقاب بالقيض حنة=من ظميهن بالقيض صارن صخايف
وده لهن راع الرشا وحترنه=وفك الرشا في جمة العد عايف
جا للقلص في قاعة العد دنه=ووما وثقلن عقب كانن خفايف
وصاح الصياح الي لهن وعرفنه=وتشاوشن وين الثلاث الولايف
وحازن وشلن وعتجل وقتفنه=وطارن عن الركبي اجنوب السفايف
اشمل لعد(ن)خابره وذكرنه=عدن يحده من جنوب المهايف
ظلع بعيد(ن) للضمايا مغنه=لكن غصب وراعي الطرش خايف
والصبح عن عد(ن)عصير اتركنه=شما ً قراحه وسبقاً العصايف
وذرع وجاب الي يبا وشرنه=وعلن وبلن يابسات الشفايف
ورجع علىنشمي وماشفت منه=شكواً بها بعض العلوم الطرايف
الوقت لو يضحك مع الرجل سنه=لا تامنه ونته من الوقت شايف
والود ياراع الغرام امحننه=بعض البنات الي هواهن كسايف
اليوم هاك وبعد بكره تمنه=ون قلت قالت منت زين الوصايف
موترك ماهو جخ مايركبنه=ونت بدوي والبدو دايم كرايف
هذا الهوى ينعاف يخرب مطنه=كبه مدام انه غدى اليوم زايف
الود عصر(ن)فات هذاك جنه=يقولها الي راقي(ن) كل نايف[/poem]

سمي يا بعد حيي الوجه على هذه الفاتنه

سلمتـ لنا دوماً مبدعاً

صح لـ سانكـ عدد بلا مدد

[محمد الروقي]

صح لسانك

جزله ومن راس جزل


وتقبل تحيتي

عوض الحربي

صح بدنك مرورك يسعدني فلا تحرمني

تقبل تحياتي وتقديري

[محمد الروقي]

[align=center]
محمد الروقي
ـــــــــــــــــــــــــ ــــــ
صح لسانك وقلبك يالغالي

تسلم يمينك

والله يعطيك العافية



لاهنت ياجزل
ـــــــــــــــــــــــــ ــــــ
أخوكـ/خالد
[/align]

خالد

يامرحبا تراحيب المطر

مرورك وسام شرف لا عدمتك وصح قلبك وكلك من كل شر تقبل تحياتي

[مشاعر حالمه]

محمد الروقي

صح السانك يالقرم ولاهنت

رااائعه

تحيتي لك / مشاعر حالمه

[صالح الروقي]

محمد الروقي

ونشمي


صحت السنتكم جميعاً حتى ترضون


مودتي

[عروق الظمأ]

افكـار عقلـي للقلـم سابقـنـه
وعسفتهن غصب ٍ وصارن ولايف
الحب فى قانـون الاحبـاب سنـه
وانا لما صارلـك يالقـرم شايـف
محمد جلبله حشو في ظهـر دنـه
وحرج على ذوده من الوضع عايف
وان كان قلبك يابن ذاكـر كونـه
سود العيون امعرقـات الشفايـف
وميس من الدنيـا وقلبـك خذنـه
ومن خاتمة حب الغناديـر خايـف
انا حكـرت الكيـف هيلـه وبنـه
فنجالها طـب القلـوب الولايـف
وقت ٍ مضى راحت سنين وطونـه
والضلع في وجه العواصيف نايـف
سود الليالي والزمن مـا اتعبنـه
لو حبهن بعـض الليالـي كلايـف
لوهـو يبيهـن صاحبـي مايبنـه
اللي رضاهن يابيض الوجه كايـف






اخي نشمي رد ممتاز وامتيازه يعووووووووووود لانك لم تاتي بجديد

لانك اعدت وقفاااااات الروووووووووقي

صح لسااانك ولساااااااااان شااااااااعرنا المبدع



مجنووونة الروووقي

[جارح الكسر]

صح لسانك

يامحمد

وبيض وجهك وجه نشمي فيك

اقووووووووول وينه

محمد


يانشمي؟؟؟؟؟

واثرك توزع درااااااهم على عيال الحاره
هههههههههههههههههه

صح الساااااااااانك وبيض الله وجهك

جارح

[منور العوني]

محمد
نشمي

صحت السنتكم

ورايتكم بيضا

وعساكم على القوه

اخوكم