أكيد الكل يحب الرياضه ... بمافيها رياضة المشي!!<<داخله عرض بالموضووع..
اليوم بحكي لكم مواقف لأخوي تبيّن مدى تأثّره برياضة.. كرة القدم..
الموقف الأول/
دائماً يتهاوش مع ولد أختى اللي أصغر منه بأربع سنوات بس في يومٍ من الأيام وصل هواشهم للضرب.. وانتصر ولد أختي .. المهم أخوي قاعد يبكي ويتوعّد ولد أختي بضربٍ ماباقي أنضربه مخلوق بالدنيا...!!
وجايه أختي أم اللي بينضرب فيما بعد.. تبي تعرف السالفه وتسأل أخوي ..(( وشفيك حبيبي تبكي... عادي ترى ولدي يمزح معك))<<خافت على ولدها!
قال أخوي ... لا والله ضربني ضربه أقوى من ضربة صالح الصقري لطارق التايب!!!!<<القص عنده ضرب!
الموقف الثاني لنفس المذكور أعلاه..
أختي طلبت تروح لوحده من صديقاتها بس مكانها بعيد عنّا ورفضت أمي... تدخّل أخوي الرياضي وقال ليش يُمّه ماتخلينها تروح مثل فلانه ((يقصد وحده من خواتي)) كانت تروح لزميلتها وهي قريبه منهم .. قالت أمي لا ماهيب حولهم وماعاد فيه أحد بيروح مكان..
قال يالله بتصير الطلعات عندكم زمان يافن.... مثل أحمد الدوخي مع الهلال!!!!
وأخيراً... وليس أخراً..<<لأنه مايجيب سالفه إلاّ بشواهد رياضيه!!
قبل كم يوم جا شاعر في القناة الأولى السعوديه يلقي قصيده قدام الأمير سلطان.. المهم ختمها الشاعر ببيت يقول فيه/
((مسكٍ وعنبر وكادي.....إلى ألخ..))
وطول العصر وهو يردد البيت..
وفي الليل كنّا متجمّعين قام يقول لأختي... اليوم جا شاعر وقال((مسك وعنبر وكادي)) قالت له أختي .. طيّب وبعدين... وشفيه بيت عادي .. قال لها لا يقول محمد العنبر..!!!<< أختي زاد غبنها وأنا زاد ضحكي..:هاها:
اللي عنده أحد متأثر بهالشكل يتحفنا بعلووومه...
ودمـــــــــــــتم..