ســــــــــمي الــــــــزعفـران..

[الدندووووونه]

سمي الزعفران ((مدغم أبو شيبه)) وإنفراد بأروع الإبداعات..

إقرأوه فلن تملوه....

12 كانون

[poem=font="Simplified Arabic,4,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
زملائي في بوظبي تبحـث عـن المليـون=وانا ابحث في شط الحزن عن نصفي الثاني
ياكم يومن اروح متعّنـي ولا القـى لـون=واعّود بعـد ماتعبنـي البحـث وأضنانـي
أدوّر على موطأ قدم فـوق هـذا الكـون=لاجيتـه وأنـا الطفـل اليتـيـم يتبنـانـي
ياربـي مـدام النـاس بالنـاس مايـدرون=لاتتكلنـي لجهـدي وضعفـي وحرمانـي
أحاسيسي بكف المواجـع غصـن زيتـون=مادانـي يطـرّون المفـارق ولا أدانــي
دموع الفقير اللـي منـع عنّـه الماعـون=وبشاعة يد الإنسان فـي أخـوه الإنسانـي
وأنـا مالـي إلا مـال حرّيـة المسجـون=تحت رحمـة الله بيـن قاضـي وسجانـي
ضريرن يقديني ضريـرن بـدون عيـون=أضيع الضحى واللـي معـه كنّـه إيانـي
غفيت وتداركني سبـات الجفـا المجنـون=ولافقت مـن غيبوبتـي .. ليـن صحّانـي
على فاجعة يـوم 12 مـن شهـر كانـون=نهارن يحفـظ اسمـي رباعـي وعنوانـي
على أول طريقن سار به ركبـه الميمـون=تركني حزين ..وينتظرنـي مـن أحزانـي
مسايير وضيوفن متـى مايجـون يجـون=وأنـا خيّـر ٍ مـن مـرّنـي ماتعـدانـي
وهو خنجره راعي مكـان ويديـه تمـون=يقـوم ايتخيّـر بيـن ضلعـي وشريانـي
عذابي من الدنيـا خذيـت اوّلـه عربـون=وعـذاب القبـر والآخـره مابعـد جانـي
لكن رحمة الله واسعـة ..والحيـاة ديـون=ماتعطي البنـادم ضحكـة السـن مجّانـي
لاعزّت علي بشوف غالـي وش المليـون=لـو يدبّلونـه عشـر مـرات ماأغنـانـي[/poem]

آخر العنقود


[poem=font="Simplified Arabic,4,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
بكيتك من الفرقـاوأنـا دمـع عينـي حـار=سلامٍ على الشرهه .. والاخر علـى المنقـود
يقولون مـن طينـة محنّـه !! وقلبـك بـار=لا والله من طينة عذاب.. وجفـا .. وصـدود
يـادوب أتحمّـل جمـرةٍ مـن جحيـم النـار=تلحّـق عليّـه بأختهـا اللـي بـراس العـود
خذيت الهوى طيش .. وعبث حب .. وأستهتار=على قولة العربان ( عيب وعليه شهـود ) !!
تبريـت منّـي والوفـا فيـك طيـر وطـار=عساك آخر العنقود .. منـت أوّل العنقـود !!
مخليني أعجوبـة زمـن فـي طريـق المـار=مضحك بي العاقل .. مشمـت بـي المقـرود
لاني داخـل الصـوره ولا خـارج الايطـار=عدوّك وأنا غايـب .. حبيبـك وأنـا موجـود
ورغم ماتسوّي بـي مسامـح علـى ماصـار=وخيـرك كثيـر وموقفـك ماعنـه منـشـود
معك مابعـد عديـت عمـري مـن الاعمـار=مخليـه ريشـه بيـن أصابـع هبـوب النـود
تذكر ولك بالذكـر ( مالـك مـن الاسفـار )=تذكـر وخـل الذاكـره بالـزمـان تـعـود
تذكر يوم أن حـدود وصلـك ثـلاث أمتـار=تخطيتهـا ماكـنّ .. ذيـك الحـدود حــدود
وصلتك وقمـت بواجبـك قبـل سابـع جـار=أخفّي عليك سدود .. وأبـدي عليـك سـدود
سدودٍ تبـي تبنـا .. والاخـرى تبـي تنهـار=مـن أبّـدع تصاويـر الله الخالـق المعبـود
أحـس أنّـي أبحـر فالسفينـه مـع البحـار=وأنا أقول .. يااااااالبّا هذيك الوسـاع السـود
أغازل حورهـا ..وأنصـب لرمشهـا تذكـار=وأثمـن عطاياهـا وهـي مـاوراهـا فــود
تذكّـر وأنـا ويّـاك فـي لـمّـة السـمـار=تقول البرا مـردود .. أقـول البـرا مـردود
تحديت فيـك الشاعـر اللّـي مـن الشعـار=بعد ماتقول أسمه تذكـر علامـة ( قـووود )
تـوارت نجومـه يـوم لـدّت لـي الانظـار=طلع في عيـون النـاس مهـوب ذاك الـزود
تذكـر يـوم أنّـك جيتنـي ياغريـب الـدار=أبشـر بشوفـك كـنّـي أبـشـر بمـولـود
فتحت الك صـدري ياحبيبـي زرار .. زرار=هذا بيتك .. وبيت أمّك .. وبيت أبوك العـود
وتحتلـنـي وتحطـنـي دولــة أستعـمـار=وأنا في السعوديه تحـت رايـة ابـن سعـود[/poem]





أسمر عبر

[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
اللّـي سـرى ليلـة الجمعـه وعلـى ولاه=عـز الله إن ليلـة فراقـه دروس وعِبـر
الله يسهل خِطـا رجلـه و يغفـر خطـاه=من يوم شفته .. وأنا دار ٍ إن عنده خبر !!
لو ما أستباح العيون اللي بكت فـي رجـاه=ماضاق صدر الرياض وضاق صدر الخُبر
خذ كل شيء وعطاني خنجر ٍ مـن جفـاه=توغلت فـي ضلوعـي .. قفلتيـن وشبـر
هوايـة ٍ يستلـذ إبهـا وهـو فـي صِبـاه=والظاهر إنهـا تبـي تكبـر معـه لا كبـر
لـو إيتمثنـى حريـره ضفتـيـن القـنـاه=قامت تغني له الامواج يا ( أسمـر عبـر )
وستـارة القلـب يـادوب إلتفاتـت مهـاه=وتقدها من قِدم !! وتقدهـا مـن دُبـر.. !!
أنا دخيل ٍ علـى ربّـي وأنـا فـي حجـاه=من كسرة الخاطر اللي لا إنكسـر ماجبـر
لو ماقرى إسمي بعلبة ( زعفرانه ) نسـاه=قسّتـه الأيـام وأخلفـه الزمـان الغـبـر
لا تامن الوقـت لاشفـت الحفـاه الرعـاه=يشيّـدون القصـور .. ويلبسـون الوبـر
وإن حاصرك زول من تغلي وضامك غلاه=إن ماذكـرت النعـش وإلاذكـرت القبـر
تدري متى تنفض يديـك وتعـاف الحيـاه؟=لأعطاك ربّي ( مُعاناه ) وحرمك ( الصبر )[/poem]





اغلى ثلاث

[poem=font="Simplified Arabic,4,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
انثر على خدي مـن الدمـع وانـوح=لين المدامـع جـف ماهـن وباحـن
ومشاعري من شان لاصير مفضـوح=اكذب على نفسي واقـول استراحـن
اهدي اعصابي وانـا افـور وافـوح=لوفوقـي الدلـه والابريـق فـاحـن
لني فقدت الروح مـع تـوأم الـروح=اغلى ثلاث(ن) في حياتـي وراحـن
راحن وباب القلـب للحـزن مفتـوح=والنوم عـن عينـي دروبـه تناحـن
ورثت من مرواحهن عشـرة جـروح=اسكت وهن سكوت ون صحت صاحن
والى لزمت الصمت مـاودي ابـوح=تجـردن مـن صمتهـن واستباحـن
يال النصيب اللي كتب لي على اللوح=علقتهـن بيـن المحاجـر وطـاحـن
طاحن ويوم الظل ميل علـى الـدوح=كن الحمايـم فـي ضلوعـي تلاحـن
ياكسرة الخاطـر وياقصـرة الشـوح=ضحيتين الحـرب والحـرب طاحـن
قفن عن عيوني بروق(ن)لهن ضـوح=واتلا العهد في شوفهن عقـب لاحـن
زينة حياة, ونصف دين, وغـذا روح=اغلى ثلاث(ن) في حياتـي وراحـن[/poem]

[الدندووووونه]

أكملوا إستمتاعكم..


الباب المسكّر


[poem=font="Simplified Arabic,4,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
يا بديع الحسن والعقـل المفكّـر=الوصال يحب والهجـران يُكـره
أنت تدري وش ورا الباب المسكّر=لا تواعدني على الليلـه وبكـره
عل وجداني من الوسـم المبكّـر=اللي والله ما حصلي غير ذكـره
من تذوق له عسل صافي وسكّـر=صار عنده صحوةٍ من عقب سكره
مـا يجـازى بالتجنـي والتنكّـر=من خذيت بنظرتك عقله وفكـره
كن لطيف ولطف الجـو المعكّـر=تستحق إجلال عرفانـه وشكـره
أنت ما يخفاك بس أحـب أذكّـر=وادرج الهرجه على موجه ومكره
لابسٍ ثوب الجميـل ولا تشكّـر=مير قلبي حرٍ أشقر وأنت وكـره
ماتبـي تفكيـر يالعقـل المفكّـر=الوصال يحب والهجـران يكـره[/poem]



التفاحه المنصوفه

[poem= font="Simplified Arabic,4,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
راكب اللـي لـو يطوفـك ماقـدرت تطوفـه=سـيّـد الالــوان لا فـضـي ولا فيـرانـي
يـوم سواقـه علـى سمعـي يعـدّ وصوفـه=والله ان كـنـك تـدورنــي ولا تلـقـانـي
اذكر انه قال فـي عـرض الكـلام اطروفـه=راح منهـا شـي وآخرهـا بـقـى فلسـانـي
اتحفوآبـه واعـذره لجـل بعـض ضـروفـه=واتركـه عنـد العمـل لا تنظلـه جيـرانـي
قلـت ويـن القـاه لا منـي بغيـت اشـوفـه=قال في قصر ( السلام ) وفي قصر ( دسماني )
الفخامـة تفـرق اسمـه قبـل تفـرق نـوفـه=( والفياقرا ) تجمع اسمه واسم ( شي ٍ ثانـي )
فيـه مـن هتلـر دهـآ عقلـه وزيـن وقوفـه=تقـدر تسمّيـه نصرانـي ولــد نصـرانـي
لا انفرش في الارض وارخى لَلتـراب كتوفـه=قطعـة السجـاد قـدم المتـحـف الايـرانـي
لوحتـه بالطـول وارقامـه سـوات حروفـه=تـازن اعقالـك علـى صدامـه الورّانـي !!
وشوشـة مراوحـه يـوم اشتغـل وبلـوفـه=( وشوشة عجمي يسولف له علـى قحطانـي )
صـوت حساسـه تقـول يسمعـك معـزوفـه=مـن كلِماتـي وادائـي وفكرتـي والحـانـي
وقفتـة وقفـة زعـولٍ فـي يدينـه طـوفـه=يحـذف الـبـي ام والفكـسـار والنيسـانـي
وان مشى كنه على المسرح يعـرض بروفـه=ودك تخـاويـه وتعـلـق علـيـه الـعـانـي
لادلهـم الليـل قـدمـه والهـبـوب تلـوفـه=اسرع من السيف الاملح فـي رقبـة الجانـي
ليـن ياصـل بيـت مـن تلويحتـه بكفـوفـه=كنـه يلـوح بهـا فـي منتصـف شريـانـي
مـن عرفتـه والـغـلا تفـاحـةٍ منصـوفـه=نصف خذه ونصفه الآخـر خـذوه خوانـي !
ليتنـي بالشعـر يـوم ابـرد حشاشـة جوفـه=يستـحـى مـنـي ويذكـرنـي ولاينسـانـي
مايخليـنـي لمـنّـة غـيــره ومـعـروفـه=لو اجيـه اطلـب ذنوبـه كلهـا مـا اعطانـي[/poem]



الحكم السعودي

[poem= font="Simplified Arabic,4,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
والله أنّي جيت مانـي بمحـدودي=ماخذك من زاوية .. طبّ وتخيّـر
لين خوفي من مساميـر الكبـودي=ردني لأجيك ضيف !! ولا مسيّـر
والغلا زاد وتعـدا بـي حـدودي=وأنت ما ترحم كبيرك .. يا صغيّر
لا رحم جدّك تقول انّـك يهـودي=ما تقول أنّك بري وإنسـان خيّـر
يا بري حالي عليك !! ويا وجودي=أحسب أنّك في يدي شيـكٍ مجيّـر
لين جيت ورحت ما شدّن عضودي=من حبالك لا طويل .. ولا قصيّـر
والحسود أن عـاد وإلا لايعـودي=جعل ماله فوق وجه الأرض ديّـر
كل مـا يقتادنـي للمـوت قـودي=ما ذكرت الا أنت !! يالريم المذيّر
يا أنتعاشي في الحياه .. ويا وقودي=دلّني لا صـرت بالـراي متحيّـر
لو تذعذع بك رياحيني .. و نودي=النصيب أن ماتسيّـر .. ماتسيّـر
لا يهمك لا عذول !! ولاحسـودي=هـد روعـك ياحبيبـي لا تطيّـر
أنت حبّك كنّه ( الحكم السعودي )=ثبّتـه ( عبدالعزيـز ) ولاتغـيّـر[/poem]




قسوة الأيام

[poem= font="Simplified Arabic,4,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
سلام الله علـى ظلـم الفـراق وقسّـوة الأيـام=عسى ربي يسهلّ لك طريقـك وتحيـا وتـدوم
رح ووجهك بياضه من بياض الصبـح ماينـلام=وانا من مدّة ايدين البخـت يرضينـي المقسـوم
وش بيدّي وقف حظ الفقيـر وماتـت الأحـلام=إذا حبّك من أوّل يوم وفراقـك مـن أوّل يـوم
رقبتي قفلتين وسيـف هجرانـك مسيـرة عـام=جلدني وأنكرتي ملحة العشـره وربعـي قـوم
يهونها لـو أن الحـظ يسّلـك مسّلـك الأقـدام=ماكان أوصل حدود الأرض وأعوّد وأنا محروم
تصافق لك معاليق الضماير يا بعـد مـن قـام=وخلاني خصيم لوسعة الصـدر ولذيـذ النـوم
أداري عبرةٍ ضامت عيونـي والعيـون تضـام=وأكبّر هقوتي لا كبرت الشرهـه وكبـر اللـوم
ياويلي من مناديب الضنـون وطرقـة الأوهـام=تساويني معك في خانـة المحمـود والمذمـوم
تشوف أنّك على حد اليمن وتشوفني في الشـام=وأشوف أنّا على وجه الحياه أثنين تـوم وتـوم
تذكّر وأنت عنّـي بعـد الأبـوّه عـن الأيتـام=رهين الغربه اللي مـن ديـاره ماتجيـه علـوم
بعد مادار عام من المفـارق يـا غـرام العـام=وروحي مابقـى الا زفرتيـن وتبلـغ الحلقـوم
لا ترخص قيمتي لامـن تذكرتـك وأنـا قـدام=وجيهن تذكر الظالم ولا تـدري عـن المظلـوم
مابعتك بالسحايب والبـروق السمـر والأنسـام=وساموني بتلويحـة وداع وبعـت بـأوّل سـوم
سئمت العيش (نون وصاد) واللذات (سين ولام)=بنـادم والبنـادم حيلتـه ماتـوجـد المـعـدوم
مادام الصحف جفت وأنت رحت ورفعت الأقلام=على حبٍ من أوّل يوم وفـراقٍ مـن أوّل يـوم[/poem]




تضايقت وبكيتك

[poem=font="Simplified Arabic,4,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
لايغرّك حجب دمعي عن ظهـورة=لاتقول أنّي سليتـك .. ماسليتـك
دايم أستر دمع عيني ستر عـورة=والاّ أنا يامـا تضايقـت وبكيتـك
أوّله يوم الغـلا فأربـع شهـورة=وآخره في يوم جيـت ولا لقيتـك
أعتبر مسياري لجارك.. ضـرورة=لجل أوقّف موتـري قـدام بيتـك
وأنتظر لي ربع ساعة.. عند سورة=ماخبرت أن دخلته.. ما أحتريتـك
وأنت تأخذني على عميا مشـورة=مسرفٍ بي لارحم حيّـك وميتـك
تحسب أنّي ناسـيٍ حبـك ودورة=لو نسيت أبوي وأمّـي مانسيتـك
الله اللي حطّ لك في العين صورة=والله أن يمحـا نظرهـا مامحيتـك
تلمحـك روضٍ يقلدنـي زهـورة=ناعـمٍ لـو أنّـك بتوكـل كليتـك
موج حبك في الحشا صفقه وفورة=والظنون تسـد نفسـي لأشتهيتـك
وش تعللها عليـه مـن الخطـورة=يامعللهـا علـى ليتـك وليـتـك
واحدٍ من طاري أسمك طق زورة=وش يقول أن سمع لبيـك وفديتـك
عذره بمخباة لـو يفقـد شعـورة=وأنت عذرك لارماك الله رميتـك
لاتهز الغصـن وتطيّـر طيـورة=أتق الله وأحترم مجـدك وصيتـك
وأن حداك مساير النفس الغيـورة=مرحبـا مـن واحـدك لكمبليتـك
أرمني فالنار من عميـا مشـورة=وأسرف أسرف لارحم حيّك وميتك[/poem]



خزاين الارض

[poem= font="Simplified Arabic,4,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
من ديرةٍ شرقي الطايـف شمـال (الغريـف)=يمطـر سماهـا فخـر وترابهـا يـرتـوي
دارٍ قطعنابهـا دابـر (حسيـن الشـريـف)=يـوم العمايـم تحـذّف والـذيـاب تـعـوي
نسيت ربعي وسجّات النفس فـي المصيـف=وخلّيـت وجـه الشبـح يـم الخبـر ينتـوي
الاسود اللي مثـل لـون الظـلام المخيـف=من سرعته كنّـك تشـوف النجـوم تهـوي
مترامـيٍ هيكلـه .. كنـه سحابـة خريـف=اللي ورى مستوي .. واللـي قـدم مستـوي
لا انساب فوق المسار اللي يميـن الرصيـف=لـو المسافـات زوليّـه .. طواهـا طـوي
لا هو شمالي ثقيـل .. ولا جنوبـي خفيـف=الشكل شكل حضري .. والطبع طبع بـدوي!
كشنه من العاج واسياتـه كراسـي مضيـف=من غالي الوصف .. تاصف فيه لين تغـوي
شقّيت به صدر نجـد وبطـن وادي حنيـف=وعقّبت جوده .. ولا مال الظـلال ضحـوي
الا وانا في كنـف دمـث الجنـاب المريـف=فـي واحـةٍ تهتـوي مـن جالهـا مهتـوي
شرايح المجتمع ترتاداها ضيـف .. ضيـف=لمحطميـن العـزوم .. الدافـع المعـنـوي
ما جيت ابا ابسط يدي .. واحتال حيلة ضعيف=جيت اتشـرف بمعرفـة (الاميـر جلـوي)
واصب مـن سيرتـه واقنّـد الـراس كيـف=وابجّلـه وامدحـه واصنّفـه ... مـن ذوي
الراحـه الحاتميـه .. والـفـواد النظـيـف=والعدل لا اقفى على حق الضعيـف القـوي
ابـوه مـا حطّـه معـزّي خلافـه رديـف=الا ان فعلـه لـوى عنـق الثـريـا لــوي
يـرد المنايـا ليـا لاقـا الحفيـف الحفيـف=(خمسين ينبوع) صبّن في فمـه .. مـا روي
كم من كبودٍ علـى نـار الحسـام الرهيـف=امـا قلاهـا قلـي .. والا شواهـا شــوي
اثنا .. وقبل .. وبعد .. ذاك النهـار الكليـف=مـلاحـمٍ دار حوليـهـا الحـديـث وروي
لو سمع عنها الاصم ولـو نظرهـا الكفيـف=لا كان هـذا سـوي .. وكـان هـذا سـوي
قادت خيالي مثـل قـود الرسـن للعسيـف=وانحيت معهـا وانـا سيلـي عليـه نحـوي
يوم الهوا هب .. وانساق البحـر للرصيـف=والمـوج يلعـب بمسباحـه ويــدوي دوي
صدّيت عن غيره من النـاس صـدّة معيـف=اقولهـا والحـجـاج الملـتـوي ملـتـوي
ما جيت ابا ابسط يدي واحتال حيلة ضعيـف=جيت اتظلّل تحت بشـت (الاميـر جلـوي)
خزاين الارض وارصدة الذهب فـي جنيـف=ارخص من عمامة اللي مـعْ سمـوّه خـوي[/poem]

[sha3noona almajnoona]

.



.




دندووووووووووووونتي


يابعدي عليك وعلى نقلك الرائع



والله ذوقك رفيع جدا جدا :)



شاعره ماعليكِ غبار واختيارك خطير




جاري حفظ الابيات :)

[الدندووووونه]

تابعوا مع سمي الزعفران..

دقّه وتسكيره

[poem=font="Simplified Arabic,4,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
رجم الهوى اللي لعـن كوثـر جماهيـره=عـز الله أنّـه مايستاهـل تعـب ساقـي
أتعبتهـا فــي مراقـيـه ومشـاويـره=ذي جرتي نـازل .. وذي جرتـي راقـي
لبيه يـا (سـاره) .. ولبيـه يـا (منيـره)=في مهبل الناس مدري ويش أنا لاقـي !!
صـدر الشمالـي عليهـن فـك أزاريـره=اللـي مـن آدم وحـوّا مابعـد ضـاقـي
جن المدينـه علـى غفلـه مـن الديـره=وتورّطـن بالرومنسـيّـه والأشـواقـي
مايكتـبـنّ أسامـيـهـن بالطبـاشـيـره=بيعلمنّـك عـن الموضـه والأذواقـي !!
وجيههـن طالعـات مــن الكوافـيـره=من كثر الألوان كنْهـا (سبحـة عراقـي)
مافيـه داعــي أجاملـهـن بتكشـيـره=وأقول مشتـاق .. لـو مانيـب مشتاقـي
ماهن بكفو السهر .. والحزن .. والغيـره=ودموعي .. وشعري الموزون .. وأوراقي
(كرت أحمر) و (باب طيّاره) و (تسفيره)=في (قلعة الوادريـن) و (بألـف طقّاقـي)
الهنـدي و وايتـه !! والعـود وبعـيـره=هـذا مـدوّر ذهيـب !! وذاك سـوّاقـي
لو ما أنصفتنـي سنيـن العمـر الآخيـره=ماطبّقت عينـي أحداقـي علـى أحداقـي
قفلت سيـرة علاقـات .. وبـدت سيـره=اللـي عليهـا الكـلام وهقـوة الهـاقـي
أبرك ضيوف الهوى !! وأغلـى مساييـره=ريحانـةٍ تقطـف اللهفـه مـن أعماقـي
ماهيب من قوم : (ابـو دقّـه وتسكيـره)=من قـوم : (لاحاسبـت ماتاخـذ الباقـي)
لهـا علـى الزيـن تهليـلـه وتكبـيـره=أنعم مـن الـورده اللـي فـأوّل الساقـي
مهيـب أميـره لكنْهـا جنـب الآمـيـره=ذات الحسب والنسب والمستـوى الراقـي
من (أغنياء الريـاض) ومـن (هواميـره)=شركات أبوهـا بضايعهـا فالأسواقـي !!
يومي لهـا الغصـن وتغنّـي عصافيـره=والأمـر ينـقـاد لرضـاهـا وينسـاقـي
غيـداءٍ سهـم عينهـا مـن قـوّ تأثيـره=مخسرٍ سـوق الأسهـم عنـد الإغلاقـي
البـدي والهيكـل اللـي ماتبـي غـيـره=(أصطب) و (أستبنتين) و (قير علاقي) !!
مازيّـن أخـلاقـي الـطـب بعقاقـيـره=لـولا عقاقيرهـا مـازانـت أخـلاقـي
من قبلهـا الحـظ مـن جفـره لدحديـره=ليـن أوعـزت للزمـان وحـرر وثاقـي
وأعتضت عن قوم : (ابو دقّه وتسكيـره)=باللي : (ليـا حاسبـت ماتاخـذ الباقـي)[/poem]


قسوة الأقراب

[poem= font="Simplified Arabic,4,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
سلام الله على أوّل من عزف جرحي من الاحباب=سلامٍ فيه من عمق المحيـط وعرضـه وطولـه
على اللي قبل اعرفه ما انفتح للحب عندي بـاب=جميع ابواب قلبي عـن جميـع النـاس مقفولـه
يصير البحر بعد الموج الازرق كومتيـن تـراب=وانا احبه واحبه مثـل حـب الارض لرجولـه
احبه واعشقـه واغليـه والدنيـا جنـاح ذبـاب=ما تسوى في عيونـي هندبـت كابـه ومريولـه
دموعي وابتهالاتي وحسراتـي عليـه اسـراب=يدور بها زمان الصمت من حولـه ليـا حولـه
وقف بينـي وبينـه مايسمـى قسـوة الاقـراب=وصار مواصلـه يانـاس لا جيتـوه قولـوا لـه[/poem]


رساله من تحت النار

[poem= font="Simplified Arabic,4,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
يالله ذراك وحجاك وسترك الضافـي=من معظلات السنين اللى تصادفني
العمر راح اكثره والصاحب الوافـي=هبت رياحه بمـا لا تشتهي سفني
اللى لعينـه مالـدت عينـي خلافـي=قـدام قـدام لـو راسي يخالفني
اوفى له من الوفا واصفى من الصافي=اقرب مايليه في عمري مناصفني
شهرة قصيدي لاخليّت منـه تنعافـي=حتى لـو الليـل والبيدا تعرفني
الله يجبر عزا سنافي علـى سنافـي=عزالله انـه قصى حالـي وكلفني
كانه رفيقي ولايـدري عـن الخافـي=لـو كـان بعيونه الثنتين شايفني[/poem]

ريالين اتصال

[poem= font="Simplified Arabic,4,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
للحـزن ساحـاتٍ بصـدري مثـل ساحـات القتـال=فيهـا الاصيـل مــن المـهـار تـعـوّد بخيالـهـا
ولا يطفـي حـر مابـي مـن حـرايـق وأشتـعـال=الا الدمـوع اللـي مـن عيـونـي يـهـل هلالـهـا
لازال فيـهـا دمعـتـيـنٍ لـلـفـراق ولاتـــزال=ذكـرى هنـوفٍ كـل يــوم أحطّـهـا وأشتالـهـا
راحـت عسـى الله مايلحقنـي مشاريـه الـرجـال=تقـول كنّـي ماخلـقـت مــن الـتـراب الاّلـهـا
عـزّ الله أنّـي مانسيـت أفعالهـا بـنـت الـحـلال=لـعـل ربــي مايجازيـهـا بـســو أفعـالـهـا
أكبـر جريمـه ترتكبهـا فالهـوى مـن وسـع بـال=هــذي ضحايـاهـا بقلـبـي شـيـدوا تمثـالـهـا
وشلون تهجرني وأنـا مالـي علـى الهجـر أحتمـال=وشلـون تهملنـي وأنـا مانيـب أطـيـق أهمالـهـا
وشلـون تقطعنـي بسيـف البعـد قطّـاع الـوصـال=وأنـا لـو أقطـع عـرق قلبـي ماقطعـت اوصالهـا
وشـلــون ماتشتاق,,ماترحم,,ماتذكـر,,مـ اتـسـال=وشـلـون ماتطـلـق يـديـنٍ كبـلـت بأغـلالـهـا
وشلـون مايـطـري عليـهـا لاتفـيـت فالـظـلال=متشـبـثٍ لاوقـفـت جنـبـه قـعـد بظـلالـهـا
مكسور خاطر والسوال أعـووووذ مـن ذل السـوال=يامـا أنتظـر مـن بـرج هاتفهـا يبـث أرسالـهـا
لكـنّ مـال الآدمـي حيلـه لامـن الـحـظ مــال=الميلـه اللـي فـال ربـي خيـر لـه مـن فالـهـا
هـي افقدتنـي مـن هنـا .. وأنـا فقـدت الاتصـال=مــن يــوم راحــت لارسايلـهـا ولا جوالـهـا
ياقـسـوة الايــام والـحـظ الــردي والاتـكـال=علـى مقولـة ( للمواقـف والـلـزوم ارجالـهـا )
يالله دخيلـك مـن تردّايـة نصيـب وشـيـن فــال=مـن حيـرة آمـري ليـت عنـدي حيلـةٍ وأحتالهـا
أن أرخصت قدري وطاحـت قيمتـي والهجـر طـال=قولولـهـا تـتـرك مكابـرهـا وتـاخـذ بـالـهـا
أنا من اللي فوق .. فوق و فوق .. فوق و عال .. عال=تركـد ويركـد عمّـهـا معـهـا ويـركـد خالـهـا
لاوصـلـت للـحـد هــذا لانـقـاش ولاجــدال=تبـعـد وتنـكـف الامــور دقاقـهـا وجـلالـهـا
لو المفارق صعـب والنسيـان ضـرب مـن الخيـال=ارخـاي راســي لايــروق الـهـا ولايحلالـهـا
احفـظ لهـا قيمـة غلاهـا وأنتظرهـا مـن شمـال=وإذا نستـنـي هــذي الدنـيـا وهــذا حـالـهـا
أمّا أني أنساها .. نسـى الله مـن نسـى ذاك القبـال=ياااااصـبّ روحـي صـب دلتّهـا علـى فنجالـهـا
قولولهـا لاستخسـرت فيـنـي ريالـيـن أتـصـال=تهـدي علـى ( جمعيـة الصـم البكـم ) جوالـهـا[/poem]


علمته الرمايه

[poem= font="Simplified Arabic,4,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
على ذكر الوليف اللي جفانـي=جزاه الله مثـل اللـي جزانـي
الأسم اللي من الأسماء ذكرتـه=وماتت باقي الأسماء في لساني
حفظته عن ظهر قلـب وبنيتـه=بضاهي به طويـلات المبانـي
وإثر من عاش بأوهام الحبايـب=يودي عشـر ويرجـع ثمانـي
أكـذب نـاس قالـوا لاتمنـى=ترى موت الأمانـي بالأمانـي
طعني بالفـراق وصـد عنـي=تركنـي علنـي وإلا عسانـي
وانا اللي من جنوبي لاشمالـي=لعينه كلـي إخـلاص وتفانـي
عطيته درس في فـن التعامـل=خلاصة علم الأحيـاء والبيانـي
وعلمته كـذا حاجـه وحاجـه=يارب لـم أراك إنـك ترانـي
تبنيـتـه ونبهـتـه لـديـنـه=وعلمتـه وش السبـع المثانـي
نقلتـه مـن مراحـل لمراحـل=حسب مايقتضي ظرف الزماني
وعلمتـه مـبـادئ الأبجـديـه=وعلمتـه تفاسـيـر المعـانـي
وهو غيـر القـراءه والكتابـه=لنطق إسمه يبي لـه ترجمانـي
وأنـا لـم أسلبـه مثقـال ذره=ولـم أجتـاز حـدي وإيتمانـي
ويوم أنـه تبـواء لـه مكانـه=لابو جده عطاني.. وش عطاني؟
جحد وأنكر وخـان الله يخونـه=تناسى عشرة العمـر ونسانـي
وذكرّنـي كــلام ٍ مانسيـتـه=قريته في كتابـي الأصفهانـي
أعلمـه الرمايـة كـل يــوم ٍ=فلمـا أشتـد ساعـده رمانـي[/poem]

[الدندووووونه]

وانهلوا منه المزيد...

فارعات الطول

[poem= font="Simplified Arabic,4,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
يـاصـاحــبــي لاتـبـاطـيـتــك وقــلــبـــي حـــزيــــن=رحــت أنـشـد الدالهـيـن الـلـي ( عليـهـم تـمــر ) !!
يامـعـشـر الـلــي عـلــى ضـــو الـقـمــر سـاهـريــن= مـامـرّكــم عــــود مــــوزٍ فــــي عــلــوّه ثــمـــر ؟!
الحـب مثـل ( العـبـاده ) .. و ( أنـفـس المؤمنـيـن )=أشــرّهــا مـانــفــر .. وآخـيــرهــا مـــــا أسـتــمــر
يـالـيـت روحـــي عـلــى روحـــك تـــذوب وتـلـيــن=وأنـــا اتـكــوّن سـحـابـه وأنـهـمــر .. وأنـهـمــر !!
نــظــراتــك يـعـلـمــنّــي ضــحــكـــة الـعـاشـقــيــن=والا يـكــتّــنّ فـــــي راحــــــة كــفــوفــي جـــمـــر
بـقـى مـــن الـلــي خـذيـتـه قـلــب بـيــن أصبـعـيـن=وأن قلـت : هاتـه .. ( مـن عيـونـي وتـامـر امــر )
وأن قلـت لـي : موقعـي مـن عالـم الحـسـن ويــن ؟=بــعــد الـثـلاثـيـن كــــان الله عـطــانــي عــمـــر ؟!
اقـــول : مـزيــون وأشـبـاهــك مـاهـيــب أربـعـيــن=أشباهـك أثنيـن يـا أمّـا ( شمـس ) والا ( قـمـر ) !!
يكـفـي أنّــك أوّل ظـبْـي يـاخـذ مــن الصـقـر عـيــن=ومـــــن الــذلـــول الـعـمـانـيّـه هـــيـــام وضـــمـــر
( مـعـنّـقـك ) شــبــر فــــوق مـتـونــك وقـفـلـتـيـن=و ( يديك ) منجم ذهب .. و ( شفاك ) حانة خمر .!!
مــدري وش الـلـي خــذا الله مـنْـك وأعـطـاك زيــن=مــا لا عـطـا فـارعـات الـطــول بـيــض وسـمــر !!
ماشـفـت ( هالوردتـيـن ) وشـفـت ( هالجمرتـيـن )=لــهــن ثـلاثـيــن عـــــام ولايــزالـــنّ حــمـــر ..!![/poem]



فدوة عيونك


[poem= font="Simplified Arabic,4,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
فـدوة عيونـك يامحبوبـي فديـت عيونـك=واحــدٍ لاقــوّم الدنـيـا ولاقـعّـدهـا

خـل سكينـك تغلغـل ليـن يكبـر كونـك=طعنتين..وطعنتين ..وطعنتين ..
وعدها!!

تل قلبي وأحطب ضلوعـي وأنـا ممنونـك=خلّهـا بيديـك واحدهـا تـلـو واحـدهـا

كـل ماتليـت واحـد قلـت لـك ياعونـك=كنّي أرفـع معنويـة ايديـك واساعدهـا!!

لأجل مأرسم شامـة التنكيـد بيـن جفونـك=اتظاهـر لـك بعافيتـي !! وأنـا ماجدهـا

إنس مرّة قلت لك مالي دخل فـي شونـك=وأعرف أنّي معترف فيهـا وأنـا جاحدهـا

الغنـي الله مابـي جـرد السنيـن بدونـك=لو تصير أغلـى سنينـي كلّهـا وأسعدهـا

لا تخاف .. القلب قلبك .. والطعون طعونك=والحنايـا رهـن رمـح منـك ياسيّـدهـا

أجرح .. أذبح .. سو ماودّك ترى مجنونـك=مايواعـد طعنـه الاّ جـات فـي موعدهـا

تحرسك عيني عسى الله يحرسك ويصونـك=يوم طيفٍ مـن جفـاك وغربتـك عاودهـا

ما أستعيـد الذاكـره ليـن أتهجـى لونـك=كنّـي أدوّر بوجهـك حاجـةٍ فاقـدهـا؟!!

وأن نزل شوفـي علـى تفاحـك وليمونـك=مالـي الاّ عظّـة شفاهـي تحـت ناجدهـا

وأن جذبت من اللحون اللي سـواة لحونـك=ودّع الله ليلتـك !! وأسهـر ولا ترقـدهـا

أنت ملهمني وأنا في الشعـر ابـن لعبونـك=لاطلب منـك الشهـادة زور .. لاتشهدهـا

والله أن أهزّ خصرك قبـل أهـزّ شجونـك=لا أنحنت روس القصايد .. وألتوى ساعدها

عادتي ماني بخونك .. وأن بغيـت أخونـك=قلـت ميـد الفاتنـه لامـن عطتنـي يدهـا

كنّ فنّ الشعر مستوحى من أصـل فنونـك=والفراهيدي بحور الشعـر منـك أوجدهـا

إنسي أسمك .. وأنسي أيّـة عالـمٍ يعنونـك=والبسي ثـوب القصيـده وأقعـدي مقعدهـا

فدوة عيونك يارعبوبـه .. فديـت عيونـك=شـاعـرٍ لاقــوّم الدنـيـا ولاقـعـدهـا[/poem]


فمان الله


[poem= font="Simplified Arabic,4,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
روحـي فمـان الله ورعايـه الله=مع السلامـه رافقتـك السلامـه
وانـا ليـا غنـا المغنـي لليـلاه=جريت صوتي في طويل العدامـه
وغنيت لك ياتل قلبي من اقصـاه=ولاحيت مع وجه العصير الحمامه
وضحكت من (دوّر حبيبك وتلقاه)=القاه عند العـرض يـوم القيامـه
روحي وخلي من نثرنـي بقايـاه=يمضي عليه العمر عامـه بعامـه
يومٍ بقايـا دمعتـه فـي مصـلاه=يبقى لهـا لادور يومـه علامـه
ويومٍ بهامه بيـن راحـة شفايـاه=من لوعة الفرقـا يعضـه ندامـه
ويوم يفضفض للمكـان وزوايـاه=عن كل شـي ولايكمـل كلامـه
يصيح صيحة من غوالـي دنايـاه=مامنهم اللـي جبـر الله عظامـه
حزنه من اقصى طعنةٍ في حناياه=ماجابتـه سبابتـه مـن بهـامـه
تمره اغلـى الذكريـات وتعـداه=ويموت بين الكبـر والانهزامـه
ما في الضلوع الا متاهه ومضماه=ومافي العيون الا زراقة غمامـه
رعاه همـك ليـن بيـح خفايـاه=واصخوخفت روحه وزاد احتدامه
ادنا مايزعل منه وادنات مرضـاه=مثل الغرير اللي على اول فطامه
وان هب نسناس الهبوب وتمثنـاه=في ليلٍ اغوى العاشقين بظلامـه
يسري ولا يدري على وين مسراه=ويسرح ورقاد الضحى في منامه
كم لي وانا الوم الزمان بسوايـاه=ولاحر من جمر العتب والملامـه
الا ضروفٍ ترخي امتون و اجباه=تختار معها الـذل والا الكرامـه
لو انها بالمال والوجـه والجـاه=كم مـن سنافـيٍ مقامـي مقامـه
لكنهـا رحلـة ضيـاع ومعانـاه=يقضي بها المغرم بقيـة غرامـه
اللي على ربـه مماتـه ومحيـاه=وعلى رقبة غاليه ذنبـه واثامـه
من كثر مايبدي على الناس شكواه=ماعـاد ياجـد هيبتـه وحترامـه
بحاول انسى ماحصـل وآتناسـاه=واظهر من الدنيا برجل العمامـه
احتاج وجهٍ بسمتـه فـي محيـاه=حاجة فقير راس مالـه حزامـه
يقول ياويلي على المـال ويـلاه=واقول ياويلـي علـى الابتسامـه[/poem]



كرت العايله


[poem= font="Simplified Arabic,4,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
علّم عيونك لاتطـوّل فـي الكـلام ولاتقـول=من قبل أعرفك مابعد شفت النجـوم .. القايلـه
خلك ترد العلـم عنّـي قبـل سالفتـك تطـول=رد الـرواه اللـي يـردون الكـلام لقايـلـه
ضيّعتني ضيّعك ربّي فـي مضيّعـة العقـول=من يوم أخايلها .. وأنـا ماكـل بـرق أخايلـه
وأن ضيّعتني ضحكةٍ بشفاك .. يادين الرسـول=غديت ملحٍ ذاب فصّه فـي الشعـاب السايلـه
وحلمت بأنّك عرش في قلبي على كف محمول=وفسرتها !! أن العرش هو حبّك وأنا اللي شايله
وليا نشدت الناس قالـوا : يامغفّـل يامهبـول=حلمك بعيد ولـو تمـد إيديـك منتـب طايلـه
يارجل وجهك بالرضا والمسك والنور مغسول=من حيث لاتعلم عمـل فيـك الزمـن عمايلـه
مامات من ظلم الغرام إلاّ الحياوي والخجـول=تحدّهم سو الطوالـع فـي الحظـوظ المايلـه
غاياتهم تحبس وتبقى فـي خواطرهـم تجـول=مثل الذي يمشي على ستايـل مهـوب ستايلـه
مدري ملكتك ماملكتك !! والتباهي والفضـول=يقول مالا تنتظر ياجـاي لـك !! ياجـاي لـه
خل الحسود يموت في ثوبه يقـول أو مايقـول=لاواهني اللي يحـط أسمـك بكـرت العايلـه[/poem]







ليلة السبت

[poem= font="Simplified Arabic,4,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
ياوجودي وجد من نفسه جزوعـه=باقـيٍ فيهـا عـلـومٍ مانستـهـا
لابغى عن سجتـه ينسـى دموعـه=مرتـه ذيـك العلـوم وحولتـهـا
واشعلت نارٍ حطبها مـن ظلوعـه=تاكل اللـي فوقهـا واللـي تحتهـا
كل ما اذكر من خذت قلبي قطوعه=واقتفاهـا النـوم وعيونـي قفتهـا
جوخةٍ من متن ابوزيـد مخلوعـه=لو درت عنها السلاطين اسرقتهـا

ظامـرٍ سرجوفهـا كنـه بجوعـه=ماتفـرق بينـه وبـيـن ارقبتـهـا
كنهـا ظبـيٍ قبـل ظلـه يروعـه=باقـيٍ فيـه التفاتـه مـا التفتهـا
اسم ابوها (اللي يحطه تحت كوعه)=واسمها (اللي تدرسه في مدرستها)!
ماتعلى فـي الخيـال ولا فروعـه=غيرهـا .. ولا تـبـوأ منزلتـهـا
كن عمري من سبوعه لا سبوعـه=تنظمه نظم الخـرز فـي سلسلتهـا
تجمعه لاشعشـع سهيـل بطلوعـه=وتنثـره لاحتـت الارض ورقتهـا
همها اشرب دلتـه وآكـل قدوعـه=من ظوتني ليلة السبـت وسرتهـا
روّحت وفـوادي الفرقـا تلوعـه=ماحسدت الا البسيطه فـي سعتهـا
القناعـه كنـز للنفـس القنـوعـه=مابقى الا روحي وروحي خذتهـا
ليتها مرواح من يرجـى رجوعـه=كان ماغمضت عيني مـن جهتهـا
والضياع اللي طبوعي من طبوعـه=ابركـات الله علـيّـه وابركتـهـا
ضاع عمري من سبوعه لا سبوعه=مابقى الا ليلـة السبـت وسرتهـا[/poem]

[الدندووووونه]

إستمروا فلن تندموا..

مولاتي

[poem= font="Simplified Arabic,4,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
عــلــى طــريــق الــغــرام اخـــر مـحـطــاتــي= نـــهـــايـــة ٍ رجــعــتـــنـــي لــلــبــدايـــاتـــي
لـو مـا امـتـلا الـعـمـر مـن غـيـمـة بـشـايـرهـا = لاكــــان عــمـــري فـــراغـــات فــراغــاتـــي
مــاجـــت تــقـــول الــهـــوى ربٍ فـنــعــبــده = ولا رســـولٍ عــلــيــه افــضـــل صــلاواتـــي
جـت تـلـغـي اسـوا مـفـاهـيـمــي وتـعـكـسـهــا = عــلـــى اتــجــاهــات غــيـــر الاتـجــاهــاتــي
تـاخــذ مــن اجـمــل مـراحـلـهــا وتـعـطـيـنــي = مـايـجــعــل احــلامــي بــرهــن اخـتـيــاراتــي
تـقـولــي خــلــك مـخــلــد عــلــى الـحــاضــر = بـلـغـي لـك الـمـاضــي وبـضـمــن لــك الأتــي
ابـقـا عـلـى تـسـعـه وعـشـريـن مـن عـمــرك = وبـاقــي الـسـنــوات ضـفـهــا مــع سـنـواتــي
الـحــب مـاهــوب طــيــرا فـــي ســمــا ربـــه = يـرحــل مـتــى يـرحــل ويـاتــي مـتــى يـاتــي
الـحــب سـلـطــان فــي ظـلـمــه وفــي عـدلــه = يـجـبـرنــي اقــول رغــمــا عـــن قـنـاعــاتــي
لــــك الــولايـــه ورث الــقــلــب والـبــيــعــه = الــمــلـــك لـــلـــه ثـــــم إلـــيـــك مـــولاتـــي
يـافـتـنــةٍ مــن انـــاء الـحــســن مـصـبــوبــه = عـلــى الـجـمــال الـطـبـيـعــي بـالـمـقـاسـاتــي
قـبـلــك وكــل الـقـلــوب الـخـضــر مـنـسـاقــه = ورا الــنــســا والـمــفــاتــن والــشــهــواتــي
ومـن يــوم حـولـتــي انـظــار الـبـشــر يـمــك = عـيــت تـلــد الـمـشــالــح فـــي الـعـبـايــاتــي
لايـمــكــن الــوقــت يـاخــذنــي ويـسـرقــنــي = عــن لـحــظــةٍ ذوبـــت ذاتـــك عــلــى ذاتـــي
كـن الـسـحـابـه وانــا عـيـنــي عـلــى جـيــدك = تـشـكــلــت فـــوق راســـي مـــن تـنــهــاتــي
حـديــقــةٍ بــيــن نــهــر ونــهــر مــزروعـــه = مــكــتــظــةٍ بــالـــفـــراش وبـالــنــبــاتــاتــي
فـســتــانــك الازرق يــحـــرر تـفــاصــيــلــك = وانــــا اتــهــجــاه واخـــونـــك بــنــظــراتــي
لــو لــم يــكــون اجــمــل الالـــوان ازرقــهــا = مــــا اخـــتـــاره الله لـــــون لـلــســمــاواتــي
ولـو مـاوقـف خـصـرك الـنـاحـل ورا شـعــري = مـاعـلـقـت فــي الـقـبــاب الـخـضــر رايـاتــي
حـبـيـبـتــي لا لـمـحـتــي الانـــس يـغـمــرنــي = لايـنــخــدع قـلــبــك بــزيــف إبـتـســامــاتــي
لـو يـولـد الـحــزن مــن صــدرٍ بــلا ضـيـقــه = مـايـولــد الـضـحــك مــن رحــم الـمـعـانـاتــي
جـيـتــك وانــا ذكـريـاتــي كـنــهــا الاســمــاء = يـشـيـلــهــا الــحــي لـــو انــهــا لـلامــواتــي
مـاجــيــت اراجـــع عـلاقــاتــي مـــن اولــهــا = جـيـتـك عـلــى شــان اكـفــر عــن عـلاقـاتــي[/poem]


هيبة جلاله

[poem= font="Simplified Arabic,4,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
العمـر مقفـي والمنـايـا مقابـيـل=كـلٍ وماجـابـه نصيـبـه وفـالـه
والشاعر اللي مايوقـف علـى حيـل=يدفـع علـى قصيدتـه مـن حلالـه
سـلام تسليـمٍ مـن البحـر للنـيـل=يهـب لـه ريـح الشمـال بشمـالـه
يسوق ريح المسـك والبـن والهيـل=والعـود الازرق والعلـوم الجلالـه
على الاصيله فالجة صبـح الاصيـل=صدر الشمـال وعيـن نجـد ودلالـه
عسى السحاب اللي تمثنـى الاقاذيـل=يصـب فـي راحـة يديهـا خيالـه
من غيرها يستاهل العشـب والسيـل=الا نـواة الارض مـهـد الرسـالـه
اللي غزاها من غزاهـا علـى الفيـل=واظلّهـا ربـي عنْـه فـي ظـلالـه
شعرٍ ماقيـل بصيهـد رمـاح ماقيـل=تنسـد أذانـي سامعـه عـن مجالـه
دارٍ لهـا قيمـه وحشمـه وتبجـيـل=يحدها فـي الصـدر جالـه وجالـه
تنهل من امجـاد ( السبيـه ) مناهيـل=هاك القـراح اللـي شربنـا زلالـه
وتنبت فخر ماهيب تنبـت محاصيـل=وتبرز مـن خيـار السلايـل سلالـه
ينرد عنهـم فـي الزمـان الاقاويـل=فرسان ابو تركـي وصفـوة رجالـه
كلـه لعيـن ام الرمـوش المظاليـل=يامـا نطحنـا دونهـا كــل قـالـه
ياللـي تحذفـون الجبـل بالفناجـيـل=مـدري تغرفـون البحـر بالبيـالـه
غنـوا علـى مـوال مطولـك ياليـل=واخذوا على عـض النواجـد وكالـه
المجد في حـد السيـوف المصاقيـل=والا الجمـوع اللـي تقاتـل بسالـه
تنقص من دونـه شـوارب رياجيـل=وتسقط جلالـه لجـل هيبـة جلالـه
علـمٍ يحفظـه جيـل ويعلمـه جيـل=واطرف جواب لمـن عطانـا سؤالـه
وقفاتنـا تشـف الكبـود المغالـيـل=ورجالنـا ينـطـح قبيـلـه لحـالـه
نميـل للبـارود فـي عجّـة الخيـل=مثـل الشمالـي يـوم ميّـل عقـالـه
نارد على حوض المنايـا مصاطيـل=مــن غيّـنـا معطينـهـا للثمـالـه
لنـا مـن الهيبـه فيالـق واساطيـل=ولنامـن المجـد الاصيـل الاصالـه
ولنا من السطوه وش طيـور ابابيـل=الا مـع ابابـيـل عـمـه وخـالـه
اللي تسوي فـي العروبـه اسرائيـل=حربٍ على الملـه وبطـش وضلالـه
واللي نسـوي عدلـة الميـل بالميـل=جهـالـةٍ تــرد كـيـد الجهـالـه
حنا هـل الغلبـا الدهـاه الحلاحيـل=عدونـا يقعـد علـى الارض عالـه
اليـا رضيـنـا للعـدالـه مداهـيـل=واليـا زعلنـا مانـعـرف العـدالـه
يا من كيانـك مـش حالـك وتظليـل=اسرع من ارماشـة عيونـك زوالـه
اقرب مثل ماعاش ( توقيع ابا الخيل )=عاش المليك وصورته في ( رياله ) !![/poem]



دم رجال اهدرتة مرة

[poem= font="Simplified Arabic,4,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
غابت نجـوم السمـا كلهـا والله درا=عن وليفٍ دار عامه ويومـه وشهـره
ياوجودي كل ماطرّف الليـل وسـرا=ماحدٍ بشّر بشوفه و لاجـاب خبـره
اليدين أمست من مصافح أيديه فقـرا=والعيون اللي فضح دمعهـا مايستـره
أن تذكرتـه تذكـرت دمـعٍ ماجـرا=قبل مايجمع زهابه على وجه سفـره
راكب اللي صمموه لمشايـخ وومـرا=مابعد حرّك سويكـه ولا دار كفـره
لو دفع متوسط الدخل دخلـه ماشـرا=لـه مديليّـة مفاتيـح والا منـظـره
رنّة بلوفه اليا فاع من فـوق الثـرى=كنّها صفق الهبايب على فنـد شجـره
رنج روفر ماقرا لونه اللـي ماقـرا=افتح من المستكا .. واغمق من السكره
ان نطحته من قدم وأن قفيته مـن ورا=كن (سحمان بن ملحم) ملقيك ظهـره
الحزام اللي يحزم الظهـور الياطـرا=طاري الفزعات والكذب مافيه ثمـره
في المنافذ والمسارات مايمسك سرى=البلاط يحشمـه .. والرمـال تقـدره
جرته يمشي على راحته ياهل تـرى=شفتها في دقة البشـت والا البنجـره؟
ياصله ويعلمه وأن درا و ان مـادرا=أن قلبي فـي غيابـه معلّـق بشعـره
لايحسب أنّي نسيـت ورب أم القـرا=ماتنسـا طلـع تينـه ونفحـة عنبـره
ايتداركنـي قبـل ضيعتـي والا تـرا=ضعت ضيعة دم رجالٍ اهدرته مـره
لايفكر في بـرا الجـرح والا مابـرا=واضح اللي في النعش رايحٍ للمقبـره
ويحفظ قدر المحبه ويبقا فـي حـرا=جيّةٍ منّي وغصـن الغـلا لايكسـره
ويخبر اللي في التمادي تطاول و افترا=يكسب المعروف بالعفو عن المقـدره
لايجاور وردةٍ في ظـلال وفـي ذرا=ماسقاهـا دمـع عينـه ولا دم نحـره
ويش عذره كل ماطرف الليل وسـرا=وألتفت أدوّر عيـال وأدوّر مـره !![/poem]


الصدور الجنوبيه

[poem= font="Simplified Arabic,4,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
يـاوجـود الـلـي عيـونـه شقـاويّـه=مـرّهـا حـلـو المـنـام وتـعـداهـا
كـن بيـن جفونـهـا جـمـرةٍ حـيّـه=مايطفـيـهـا سـهـرهـا ولا مـاهــا
بيّتـه لـيـل الشـتـا فـابـو حـدريّـه=واحتـداه و حـد نفسـه علـى أقصاهـا
مشكلـة بعـض الـصـدور الجنوبـيّـه=لـو تجيهـا دمعـة الطـيـر تمـلاهـا
العـوامـل والـظـروف الطبيـعـيّـه=غيّـرت مـجـرا زمنـهـا ومجـراهـا
ياوجـود اللـي عـشـق لــه (....!!)=فـي صـلات الرحـم ماهـوب وياهـا
مـن تحبّـه لـو تحبّـه عـلـى النـيّـه=برّكـت بأقصـى ضلـوعـه مطايـاهـا
ذوقتـنـي هجـرهـا ثـانـي ضحـيّـه=و اصطلت روحي علـى حـر فرقاهـا
طيّـرت مـن غصـن الاشـواق قمريّـه=ورهنتـنـي فــي هـواهـا ولامـاهـا
حايـلٍ مـن دونهـا حــول وشـويّـه=مـيـر مالله حـايــلٍ دون ذكـراهــا
كـل حاجـه باقـيـه مـثـل ماهـيّـه=ماسـرا معهـا عـلـى درب مسـراهـا
كـود عضـوٍ (فـي جهتـيّ الشماليّـه)=فـاع مـن عـوج الحنـايـا وخـاواهـا
ودمـعـةٍ نطّحتـهـا راحــة ايـديّـه=( افففف ) ياماحرّها و ( احححح ) مقساها
حوّلتـهـا يــوم قـالـت وداعـيّــه=و استباحـت سترهـا فــوق ماطـاهـا
حيلتـي لاهـبـت الـنـود عصـريّـه=قمـت مـع كـل الجـهـات آتحـراهـا
وأمسـت الفـرحـه يتيـمـه ومنسـيّـه=فـي عيـون حرقـة الوجـد تصـلاهـا
عـن خدينـات التـرف نفسـي امعـيّـه=لـو تجينـي مثلهـا كنـهـا ايـاهـا !!
مـن غـدت منـه ( الذلـول العمانيّـه )=ماتعـوضـه ( نـاقـة الله وسقيـاهـا )
دكّـت ضيـوف المعـازيـب رجلـيّـه=مابقـى الاّ ضيـفـةٍ فــوق مركـاهـا
سيـرةٍ مـن وحـي عاميـن هجـريّـه=ودّي أنـسـاهـا ولا ودّي أنـسـاهــا
المـعـالـم والـرســوم الطـلالـيّـه=مايحـفـظ أمـجـادهـا الا بقـايـاهـا
ذكـريـاتٍ تعـبـر العـمـر طرقـيّـه=وذكريـاتٍ فــي وطنـهـا ومربـاهـا
وصـورةٍ فـي متحـف البـال مطويّـه=كــل يــوم آفـلّـهـا وآتهـجـاهـا
مـن لهـا قــدر أوّلـويّـه وأهمـيّـه=ماشعـرت بغربـة الــروح لـولاهـا
والـذي نفـسـي بـيـده إنّـهـا لـيّـه=أقـرب مـن كفوفهـا عـنـد حنـاهـا
لــو جفتـنـي والعـيـون الشقـاويّـه=مـرّهـا حـلـو المـنـام وتـعـداهـا[/poem]


الضمير المستريح

[poem= font="Simplified Arabic,4,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
وادعينـي وأتركينـي عسـى دربــك سـمـاح=القنـاعـه كـنـز عـنـد الضمـيـر المسـتـريـح
أتركيـنـي ضـايـق الـبـال مكـسـور الـجـنـاح=آتـثــاقــل قـومــتــي وآتــحـــالا لـلـمـطـيـح
ياهـنـوفٍ علّـقـت قـلـب شـاعـرهـا وطـــاح=وأحفـرت لـه فـي مسابـل مدامعهـا ضـريـح
تنقله مـن بـورة اجـراح إلـى بـورة اجـراح=مثـل ماينقـل علـى متـن الإسعـاف الجـريـح
يــوم قـفّـت تـرّفـع اللـيـل وتـحـط الـصـبـاح=كنّهـا شـيـخٍ مــن الطـيـب مطغـيـه المـديـح
تــــدري أن الله وأكــبــر وحــيّــا لـلـفــلاح=لا علـى الديـن اليهـودي ولا ديـن المسـيـح
مـيـر ذمّــة شيـخـة الغـيـد سـيّــدة الـمــلاح=ذمة ( أحمد نور عبدالصمد عبدالسميح ) !!
لــه عـلـى كــل المـحـاور منـافـذ وإنـفـتـاح=مـــرّةٍ يـكــذب ومـــرّه يـعـلــم بالـصـحـيـح
مـادريـت أن إجتـيـاح المـجـاريـح إجـتـيـاح=ياطـريـح ألــزم فـراشـك وخـلــك يـاطـريـح
الـحـيـاة أحـلامـهـا تـذهــب أدراج الـريــاح=توهمـك بأشيـا تكـوّن عـلـى الـبـال وتبـيـح
أعذريـنـي يــوم أقـابـل طـعـونـك بـإرتـيـاح=كيـف لا والجـرح مملـوح والـجـارح ملـيـح
أعذب مـن النسمـه اللـي يمـر بهـا الصبـاح=لا أستقـرت فـي فـوادٍ مـن الفـرقـى جـريـح[/poem]

ياوجودي

[poem= font="Simplified Arabic,4,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
تروح الدروب منين وإلاّ تجي من وين=ياوجدي وياطول إنتظاري وياصبري
تعرف الغلا اللي مايقسم على قلبين=كلافه واشق من المسافه على العبري
شماليّة المثناه شرقيّة العينين=جنوبيّة الإحساس نجديّة الكبري
لاقامت تخطّى قلت تمشي لها في طين=خطواتها وحده عن الثانيه شبري
سوات الي أكبر من أخوانه بخمس سنين=يقول أتحدى منكم اللي يجي كبري
أشك إنها آيه منزله وإن لها في الدين=حديثٍ رواه أبو حنيفه عن الطبري
أحلي بهـا غفـل ٍ طبايـع ورِق وزِيـن=من الوضح مهديها عريني على جبـري
معرضة ٍ خلاف المغاتيـر مـع ثنتيـن=يبن يدخلـن وجافـلات ٍ مـن الكبـري
وأنا لاجفلت تقول حنّـا ماغيـر إثنيـن=وأقول أستحي وتقول منتب على خبـري
وتقرب شوي شوي .. وأشعر بنفسي لين=تلاقا يديني مـن ورى عودهـا المبـري
وأتمتم لها وأشّـر علـى حبتيـن التيـن=ليا مت .. حطيهم نصايب علـى قبـري[/poem]


تحيّتي لكم جميعاً... وإن شاء الله ينال طرحي للمبدع ((مدغم أبو شيبه)) على رضاكم..

ودمــــتم..

[][ وريـــــف ][]

سمي الزعفران
شاعر متميز بشعره ..
.. لك مني تراتيل الشكر .. ولن تفيك حقك ..

[الدندووووونه]

شعنووونه

هلابك ياقلبي....

وشاكره لك تواجدك الطيّب..

ودمـــتي