بسم الله والصلاه والسلام على افضل خلق الله
اعزائي متواضعه اضعها بين ايديكم بلا مقدمات ..
العرف راس الطيب
[poem=font="Simplified Arabic,5,green,bold,normal" bkcolor="transparent" bkimage="" border="groove,5,limegreen" type=2 line=0 align=center use=ex num="0,black"]
ياصاحبي كانك تبعت السماجه = لازال شرك يارفيقي ولاطبت
واكثر هذاريف المجالس لجاجه = مابين وش وديت يا فلان وش جبت
وانا ترى مالي بدعواك حاجه = لا عيبوني عمي الابصار ماعبت
ان جات من رجال طلق حجاجه = لبيت صوت منادي العقل واجبت
بعد التماس العذر قبل انحراجه = ابحث وادور واتحرى عن الثبت
اما من اللي يندفع بالعجاجه = كل ماتبعدني عن الطيب قربت
من زينت عوج السوالف مزاجه = عن خيره وشره نحيت وتجنبت
ابعد مداجي عن محاري مداجه = وان شرقت به نية السو غربت
ماني بمن يظهر سريع انزعاجه = ولا اني على ابسط داعي عتاب عاتبت
العرف راس الطيب والصبر تاجه = وانا بأدب روس المعرفه تأدبت
منهاجي اللي ملتزم بأنتهاجه = ان كان ماحاسبت نفسك تحاسبت
اعطتني الايام درس (ن)نتاجه = على حسب ما انا مع الوقت جربت
ناصح لي اللي ينتقدني مواجه = الموت من يقضب شليلي اليا غبت [/poem]
وسلاااااااااااامتكم