[align=center]بسم الله الرحمن الرحيم
السلام عليكم ورحمة الله و بركاته
يسرني مشاركتكم بهذه الأبيات
التي إن شاء الله تحوز على رضاكم و اعجابكم
أقوووول فيها :[/align]
[poem=font="Arial,4,blue,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
الراس شاب وتوي صغير يا حسين = بسبـاب غــروٍ حـيـل يـذبـح جمـالـه
غروٍ عطاه الله من الحسن والزيـن = سبحـان مـن هـو زينـه وعـطـا لــه
لا هنـد لا هيفـاء ولا هيـب نسريـن = ولا هيـب لا حصـه ولا هـي أصالـه
مزيـونـةٍ غـطـت جمـيـع المـزايـيـن = لا العسـكـري زيـنـب ولا البرتقـالـه
الله خلقهـا مـا خـلـق مثلـهـا اثنـيـن = مثـل القمـر لا صــار يــوم اكتمـالـه
اليـا بعـدت الله علـى بعـدهـا يعـيـن = يــا سـقــم حـالــي آه يـــا عـزتـالـه
لبـيـه يــا ظـبـيٍ يـسـاوي مـلايـيـن = الـقـلـب عـيــا لا يــطــاوع بــدالــه
يا خوخ يـا رمـان يـا تـوت يـا تيـن = يـا عيـون ابـو نايـف وقلبـه ومالـه
يـا زيـن يـا جـذاب يـا داعـج العيـن = يا سعد من هو صرت يـا زيـن فالـه
لا من ذكـرت الزيـن سيـد المحبيـن = العـقـل يـســرح دام خـلــي طـرالــه
أسهر طوال الليـل والنـاس ممسيـن = ويـسـج فـكـري والعـقـل دوم دالـــه
أهــل المحـبـه فالمـحـبـه مسـاكـيـن = يـا حيـث مـا فالحـب قاضـي عـدالـه
لعيونهـا قمـت اتـبـع البـيـت بيتـيـن = شعـري و كلـي يـا جماعـه فـدا لــه
في وصفهـا مـا ظـن تكفـي دواويـن = بنت الرجال أهـل الشيـم و الأصالـه
بنت الرجال أهل الفخـر أهـل الديـن = أهل الكرم والطيـب و أهـل الشكالـه
تكفيـن يـا بـنـت المطالـيـق تكفـيـن = روفـي بحالـي و ارفقـي يـا غـزالـه[/poem]
[align=center]و سلامة الجميع
أخوكم الشاعر : مسفر الدوسري .[/align]