[align=center]السلام عليكم[/align]
[poem=font="Simplified Arabic,5,firebrick,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
كم لي على جمر الغضا واقف هنيّ = وانا انتظر من قال باكر يجيني
شمس ٍ تموت وشمس تزهم على الفيّ = وليل ٍ على مسراه ونّ لونيني[/poem]
[align=center]خطيئـــه أخرى لا أرجوا لها المغفره:icon_conf
مع أعذب تحيه لكل من مر من هنا
معقــــــــــــول
.
.
.[/align]
[poem=font="Simplified Arabic,5,blue,bold,normal" bkcolor="transparent" bkimage="" border="none,4,gray" type=1 line=1 align=center use=ex num="0,black"]
وش غيرك عقب المواثيق يا مـيّ=شاللـي جـرا لعهودنـا علمينـي
معقول انا صرت بحياتك ولاشـيّ=معقول انا من جيت لجله نسينـي
إن كان به حب ٍ جديـد ٍ بـتبـديّ=لا تتركيني لحيرتـي صارحينـي
وان كان حبي كاوي ٍ خافقك كـيّ=وش غيرك بآخـر لقـى فهمينـي
انتي مهم انك عـن البـرد تدفـيّ=ولاهو مهم يسكن أنا البرد فينـي
مشكلتي اكثر عاطفه منك بشـويّ=ومشكلتك انك ما شعرتي بحنينـي
أحط لا غبتي علـى قلبـي يـديّ=واقول مي راحت وراحت سنيني
ولا شفتك اقبلتي علىّ واقبل الضيّ=جاتك تسابق مع شمالـي يمينـي
إلغيرك انتي ما مشت يوم رجلـيّ=وان كان لك مشيي خطا سامحيني
كم لي على جمر الغضا واقف هنيّ=وانا انتظر من قال باكر يجيني
شمس ٍ تموت وشمس تزهم على الفيّ=وليل ٍ على مسراه ونّ لونيني
معقول انا صرت بحياتك ولاشـيّ=معقول انا من جيت لجله نسينـي
معقول يعني تحرقيني وانـا حـيّ=معقول من بعد الغـلا ترخصينـي
وشلون ابقضي باقي ايّامي كـذيّ=أمـا خذينـي حـي ولاّ اقتلينـي [/poem]
[align=center]وسلامتكم
أرتكبها مع الأصرار شـــــــاعر الهيــــــــل[/align]