الدرس الرابع من دروس الشعر النبطي ( الشيباني ) ... أمل عبدالعزيز ...

[أمل عبدالعزيز]

,
,
,
,






[img]http://sams4.********************************************/photos/166161_l.jpg[/img]

[img]http://sams4.********************************************/photos/166444_l.jpg[/img]


الأحِبة الغالين روّاد المدرسة الشعرية ...

أهلاً بكم في درسنا الرابع من دروس الشعر النبطي ... وكنّا قد تطرّقنا في الدروس الثلاثة السابقة لبحور ( الهجيني ) و ( الهزج ) و ( الصّخري ) ودرسنا الرابع سيكون عن بحر من أعذب بحور الشعر النبطي وأشهرها... وذلك بسبب اللمساحة الكبيرة التي يمنحها للشاعر للتعبير عن فكرته ببيت واحد بشكل رائع متى ماتمكّن الشاعر من اختيار مفرداته والقافية المناسبة وهو بحر ( الشيباني ) وهو كما أسلفت أمتداد لدرسنا الثاني عن الهزج والفرق بينهما هو عدد التفعيلات في كل شطر فالهزج والشيباني تقوم على تفعيلة واحدة وهي ( مفاعيلن ) ولكنّها في الهزج تفعيلتان فقط بينما في الشيباني تتكرر التفعيلة أربعة مرات فيصبح :

[poem=font="Simplified Arabic,5,crimson,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
مفاعيلن مفاعيلن مفاعيلن مفاعيلن=مفاعيلن مفاعيلن مفاعيلن مفاعيلن[/poem]

من هذا الدرس الذي أعتبره محكّ للجميع لمعرفة تمكنهم من تطبيق الدرس ومدى ادراكهم للوزن من خلال إنشاد التفعيلة ومن ثم تطبيقها على الأمثلة الشعرية الغنائية الموجودة بالدرس .. ستكون البداية لمحاولة الإبحار في البحور الطويلة القادمة فالشيباني في رأيي الخاص أسهلها لسهولة ترديده وغنائه ومن المعلوم أنه من أشهر بحور المحاورة أيضاً للأسباب المذكورة ...

وهذا مثال من أبيات لقصيدة لي :

[poem=font="Simplified Arabic,5,crimson,bold,normal" bkcolor="black" bkimage="" border="ridge,7,crimson" type=2 line=0 align=center use=ex num="0,black"]
همـا وبـل الغـرام وهلّـت مزونـه علـى الولـهـان=ودارت فـي حنايـا القلـب صرخـة حــب مجنـونـه
سقـت قطراتـه العذبـة خفـوق العـاشـق الظمـيـان=ألا لبـيـه يــا بـحـر الـغـرام وقـطـرة مـزونـه
أنا مالـي وطـن واحـد أنـا لـي فـي غـلاه أوطـان=خفوقه ,, ضحكته ,, دمعه ,, ضلوعه ,, وأسكن عيونه !!
حبيبي لـو طلـب روحـي تجيـه ومـا طلبـت أثمـان=غلاته ديـن فـي قلبـي وألا يـا مـا اكثـر ديونـه [/poem]



وهذه قصيدة للأمير الراحل ( عبدالله الفيصل ) رحمه الله :


[poem=font="Simplified Arabic,5,orange,bold,normal" bkcolor="black" bkimage="" border="ridge,7,orange" type=2 line=0 align=center use=ex num="0,black"]
الا واشيب عيني يوم قالوا لي فمان الله=وتحققت انهم من عقب جمعاهم مقفيني
ترايا لي خيال الموت يومه مد لي يمناه=ولد بعينه الخرسا عقب ماقفى يراعيني
صرخت وقلت مماجال بالصندوق واعزاه=سراب اللال باكر يطّرد مابينه وبيني
حلفت برب خلقه لو يطول البعد انا منساه=انا وشلون ابيع اللي من العربان شاريني
تصبّر ياخفوق صار داه اليوم وسط ارداه=على رجوى ان رب العرش يدنيهم ويدنيني
مثل ماخذت قلبي المحبوب عطني اياه=على شان انتساوى في المحبة بالموازيني
الا قارنت غيرك بك خجلت وقلت وانقصاه=انا وشلون اقارن كامل الاوصاف بالشيني
ولو هو في حلى يوسف كسف بالنور نور اضياه=وختم القول رب بك تبلاني يقويني[/poem]

وهي بالمناسبة من ضمن الأمثلة الغنائية في الدرس للفنّان محمد عبده.....
.
.
.


وهذه قصيدة قرأتها اليوم في قسم الشعر النبطي للشاعر محمد مساهج رائعة بالفعل :


أبحرق هالورق و أكتب جديدي و ألوي الأرقـاب
و بأجعل كل غصن يطرح مدايح ينثنـي صوبـي
مدام إن الخجل أحيا ... العقارب بأنفي الأسبـاب
و أخلي كل عقاربهم ( تهج ) و تكـره دروبـي
و أبنفض هالبساط اللي ( ملا ) عين المسير تراب
و أبحيي كل بساتيـن الطمـوح بغيمـة أسلوبـي
و أبسقي دفتر أيامي قبل قطرة ( ألوا الألباب ) !!
و أبرقي غصن أنا برقي إلين أوصـل لمطلوبـي
و أعطر كل مواويل السوالف و أجني الألقـااااب
و أهيجن لين يندهني الهلالـي بجـر مسحوبـي
كذا و إلا بلاش من القصيد و كربـة الأطنـااااب
كذا و إلا جعل ريح الثنا ... مـا عانقـت ثوبـي
و إذا كان الحطب عاجز يبدد رعشـة الحطـاب
أموت و لا أشوف الغير يلبس معطـف عيوبـي
قصيدي يا قصيدي لّم زخات الرضا .. بكتـاااب
و بلل سيرتي و أشعـل سنـاك فعتمـة دروبـي



والأمثلة الغنائية هي نفس الأمثلة في درس الهزج تقريباً وهي :


1 - أغنية عبد الجيد عبدالله ( أنا ماشير بالفرقا )

2 - أغنية خالد عبدالرحمن ( حبيبي آسف أزعجتك )

3 - أغنية محمد عبده ( ألا واشيب عيني )

4 - أغنية خالد عبدالرحمن ( من أول نبضه بقلبي )

وقد أعود بأمثلة أخرى على هذا البحر إن أسعفتني الذاكرة ..
..
.


في الختام ..

أنتظر تفاعلكم الرائع في هذا الدرس كما كنتم في الدروس السابقة ولايفوتني هنا أن أشكركم من أعماق قلبي فلولا وجودكم والتفافكم من حولي لما تسنّى لهذه الدروس أن تتواصل لتصبح علامة فارقة في هذا المنتدى الراقي فلاحرمني الله منكم جميعاً أيها الأنقياء !!!

ولكم منّي أعذب الود وأصدقه ....

مُحِبَّتُكُم للأبد :
أمل بنت عبدالعزيز .
.

[عبدالهادي الجهني]

،

،

الاستاذه / أمل عبدالعزيز

اتقدم لكى بجزيل الشكر لما تطرحينه لنا من دروس شعرية متسلسلة من السهل الى الصعب باستخدام أمثلة متعددة ومتنوعة لكى نستوعب الدرس جيدا

انتظريني بتطبيق اولي

مع خالص شكرى وتقديرى

،

،

،

[عبدالعزيز بن محمد]

الاستاذه الرائعه
سبق وان اخذنا الهزج مفعاعيلن مفاعيلن
واتقناه ... بعد ذلك قمت بالكتابه على الشيباني وهذي ثلاث ابيات
كتطبيق مبدأي
وكنت كاكتبها قبل الدرس

حياتي آمري قولي وش اللي بس تبغينه
خذي عيني خذي كلي فداك القلب يازيني
ابعلنها ببينها ترى هالقلب تحيينه
من مزون(ن) من اقوالك بعد موتي تنجيني
للان القلب كالصحرى ويروى يوم تروينه
ويصبح جنت(ن) خضرى ويمسي رايق(ن) زيني

ولكن لدي سؤال
الحرف اللذي قبل الاخير في الشطر الاول
في الامثله السابقه رايت الحرف ساكن
اما في الشطر الثاني رايت الحرف ماقبل الاخير متحرك ..!!!
لماذا لم تكن جميع الاحرف ماقبل الاخيره متحركه في كلا الشطرين ..؟؟

والف شكر لك

[نياف العتيبي]

هلابك امل ..


وهلا بهذا البحر العذب ..


من اجمل البحور عندي واعذبها ..


وكتبت .. عليه بعض القصايد


واذا تبون تطبيق .. ابشروا ..


الناايف

[عبدالرحمن الجبابرة]

السلام عليكم ورحمة الله وبركاته

الأخت العزيزة على قلوبنا جميعا
الشاعرة أمل عبدالعزيز
الإخوان والأخوات الشعراء المشاركين في هذه الدروس المميزة
.
.

لكم مني جميعا خالص الود والتقدير على هذا المجهود العظيم
ونسأل الله لكم عظيم الأجر والثواب والتوفيق في الدنيا والآخرة
.
.



[poem=font="Arial,5,green,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
هلا باللي لها حشمة وتقدير وغلا واتباع=عساها دوم في عز ورفاع تنوِّر الديره

بديعة بالمواقف قالها الجمهور بالإجماع =حدن قاله نقا واحدن يقوله غل (ن) وغيره

مخاويها على وضح النقا يبشر بطول الباع=ومن عادى (أمل عبدالعزيز ) يموت في حيره

هلا بك ياعظيمة ياكريمة يا (نهر إبداع ) =(أهلي بك ) وأحيي فيك حسن القول والسيره[/poem]

أتمنى بأن يكون التطبيق صحيحا وبانتظار توجيهكم
.
.


مودتي

[صلاح الأحمدي]

.

.


وعليكم السلاااام ورحمة الله


واخيرااا الدرس الرابع حضررر ... مربووع الهزج الشيباني ..


يبغالي اذااااكر كويس وارااااجع وبشوووف احد من الزملاااء اذاكر معاااه خخخخخخ


نياااف ولا جرح .. >>>> ما يحب البحوور الطويلة خخخ


ان شاء الله يجهز التطبيق اليوم ولا باااا نبدع




تحيتي


.

[لــيــل]

لاتعلمين مدى تشوّقنا للدروس!!؟؟.....


وبإذنِ الله غاليتي سترين منّا مايسرّك.....

في الختام ..

أنتظر تفاعلكم الرائع في هذا الدرس كما كنتم في الدروس السابقة ولايفوتني هنا أن أشكركم من أعماق قلبي فلولا

وجودكم والتفافكم من حولي لما تسنّى لهذه الدروس أن تتواصل لتصبح علامة فارقة في هذا المنتدى الراقي فلاحرمني

الله منكم جميعاً أيها الأنقياء !!!

ولكم منّي أعذب الود وأصدقه ....

مُحِبَّتُكُم للأبد :

أمل بنت عبدالعزيز .

الشرح السلس...والوافي...


والتشجيع... والرّقي في الفكر والتعامل الذي تلمسّناه منكِ....


وروح التعاون بين الطلبة......


كلّ ذلك يستحقّ الشكرايضاً......


ونحنُ بدورنا ايضاً نشكركِ جزيل الشكر على هذه الدروس الرائعةْ...والممتعةْْ....


والتي ساعدتنا كثيراً ونمّت لدنيا الموهبةْ... وملكةْ الشعر.....


ولا ننسى الحبّ الواضح الذي يجمعنا للشعر النّبطي......


واذا كانت هذه الدروس علامة فارقة في هذا المنتدى الرّاقي......


فأنتِ روحُ هذا المنتدى......


محبتكِ للأبد:


"ليـــــل"

[أبوعبدالرحمن]

الله يعطيك العافية يا استاذة امل

واسمحي لي بالمشاركة البسيطة


[poem=font="Simplified Arabic,5,red,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
دروس الشعر من يدّك تراها احلى دروس الشعر=إضافة للفوايد تمنحين الدرس مجاني
ولو إنّك طلبتي للدروس من الخلايق سعر=تجي كل العرب تبغاك قاصيها مع الداني
( مفاعيلن مفاعيلن ) بحر يهتز منه الشعر=يحرّك كل إحساس الطرب ويهزّ وجداني
بحر حسّاس في طرقه ولاهو مثل غيره وعر=وأنا بغني ألحانه ما دام البحر شيباني
وأنا بقول للي ما فهم منّك وصابه ذعر=إذا إنك ما فهمته من ( أمل ) ما فهّمك ثاني[/poem]

[أبيات خجلى]

اغلب قصائدي أكتبها على هالبحر

وصار لي فتره أبغي اعرف وش اسمه هالبحر والحين عرفت

عاد ان شاء الله تطبيقي صح

التطبيق قديم بس حبيت أتأكد من اني امشي صح او لا

والتطبيق

[poem=font="Simplified Arabic,4,burlywood,normal,normal" bkcolor="black" bkimage="" border="ridge,4,burlywood" type=2 line=0 align=center use=ex num="0,black"]
أببكي دامها قصة ألم في داخلي يلهب=أببكي دام لحن الآه لا غنى رقص ضدي
وأبتعب بس يادنياي لاشفتي التعب ينهب=تفاصيل الوجه فيني ويسلب حلمي الوردي[/poem]

هل هالمثال صح او امشي عكس التيااار

بغينا أمثله أكثر على الاغاني لهالبحر

[عبير العنزي]

[align=center]


حضوري للشكر

والاشاده

ومن ثم الاستفاده

والاستزاده


وربي اكتب على عماها


ولا احد يسألني وشلون


اللي بقلبي اترجمه

كيف ما جا


والحين بطبق الدرس


استاذه امووووووووول



كيبورديه سريعه
[poem=font="Times New Roman,6,deeppink,bold,normal" bkcolor="transparent" bkimage="" border="none,4,gray" type=2 line=1 align=center use=ex num="0,black"]


تمنيت الغلا والحب .... وقلبي ضاميٍ شفقان = وعشته من كرم ربي إلين أصبحت مجنونه
لقيته نصفي الثاني , لقيت لغربتي أوطان = وصرت أنا جميع الشعب تراثه وأجمل فنونه
عطاني بالوفا عهده حلف لي وغلظ الأيمان = وأنا مثله عطيت العهد " قسم بالله ماأخونه"
فديته حبي الأول ... وآخر حب ... أغلى إنسان = فديت اللي تملكني عساها تسلم عيونه
(حبيبي لوطلب روحي تجيه و ما طلبت أثمان = غلاته دين في قلبي وألا ياما أكثر ديونه)[/poem]



وتراني لقيت في جعبتي قصيده على هذا البحر بعنوان قصه حب في حياة الدلووووعه
بنزلها ان شاء الله




مع خالص حبي وتقديري



عبير العنزي[/align]

[وجــــدان]

السلام عليكم ورحمة الله وبركاته

معلمتنا الغالية وشاعرتنا الكبيره ومحبوبة الجميع أمل عبدالعزيز
تسلمين ويسلم فكرك على هالدرس الرائع عن الشيباني والشكر لك انتي على ماتقدمينه لنا بكل حب وصدق
والدرس هذا شكله بيكون فعلاً قوي من بدايته ومن تفاعل الجميع معه
وبالنسبه لي لو ماذكرتي الا أغنية " ألا واشيب عيني " فهي كفايه لأنها من أجمل أغاني محمد عبده بالفعل
واليوم حضوري مقبول يعني ماهو زي أول في الصفحه الثالثه هههههههههههه

وهذي كم بيت كيبورديه كحضور أول

[poem=font="Simplified Arabic,5,teal,normal,normal" bkcolor="black" bkimage="" border="ridge,4,teal" type=2 line=0 align=center use=ex num="0,black"]
هلا باللي تعلمنا طواريق الشعر والقاف=هلا باللي تعرفنا على بحوره واسلوبه
هلا في ليـل مع كاتب هلا في جرح مع نياف=هلا بك ياصلاح وحي كل شاعر ومكتوبه
هلا بكل القلوب اللي لقت في دروسنا ميقاف=وأكيد اللي حضر معنا بيلقى كل مطلوبه[/poem]

تحيتي لك ولكل من حضر

ودعواتك

[أبوعبدالرحمن]

ماشاء الله عليكم

وعن اذنكم بشارك معكم بكم قصيدة لي على البحر الشيباني


[poem=font="Simplified Arabic,4,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
جمعت الشعر ,, كل الشعر ,, أبيه يوصّل الإحساس= لبنتٍ لو أبوصفها ,, أقصّر ,, وأكتم شعوري
خذت أجمل وصوف الكون خذت من روعة الألماس= بها أطيب قلوب الخلق حازت طيبة الجوري
أنا لو جيت أبكتبها قصيدة ,, ينتشي القرطاس=مدام إن اسمها عنوان لأصدق وأجمل سطوري
عظيمة في محبتها ,, كريمة بنت أصل وناس= سلامي يا السنافية ,, لقلبك والغلا فوري
أنا دوري أدللها ولا اقبل اسمها ينداس= ولا هو ذنبي إن البعض مات اليوم من دوري
لو ضلوعي لها كلمة تصوّت لأقرب الجلاّس= لو إن الحكم في قلبي (( ديموقراطي)) و((جمهوري ))
ولو إن اسمها بيغيب في زفرة من الأنفاس =لأعارض كل أنفاسي وأقوّم (( مجلسٍ ثوري ))
ولو نظمّت في قلبي بطوله دوري معه الكاس = هي اللي بس في قلبي تحوز الكاس والدوري
هي اللي ناسبت وضعي هي اللي تطابق المقياس= سفينة حبها أرست قواعدها على بحوري
أشاور فكري ويسكت وأخاوي نبرة الهوجاس= وانا من قبل ما اعرفها ,, خيالي يستمع شوري
وإذا ضاقت بي الدنيا وعانى قلبي الوسواس= أنا في وجودها ما اطلع أبد في يوم عن طوري
وإذا كان الخبر ينشر على لسان الوكالة (( واس ))=تراني اغيب لا غابت ومعها اسجل حضوري
قصيدي يوم يذكرها تعدّى شعر (( أبو نواس ))= ويكفيني من العالم تجي هي بس جمهوري
لها كل العرب تنشد قصيدٍ مرهف حسّاس= كتب فيها (( نزار )) الشعر بالفصحى وبالسوري
يجي فيها الطرب نغمة ,, يحرّك راعي النوماس=بها لو كنت انا بحلف تغنّى (( وائل كفوري ))
محد عندي يساويها وأعلن غيرها الإفلاس= هي العملة من (( اليورو )) تساوي عملة الكوري؟!!
وإذا كان (( البدر )) يرفض مسافة وسور مع حراس= كذا وشلون أنا برفض وهي حرّاسي وسوري
مثل ما للعواذل ساس ترى لأغلى الحبايب ساس= وأنا محبوبتي ساس الغرام اللي بعث نوري
بقول لعاذلي (( آسف )) هي اللي ساكنة هالراس= وإذا يبغاه (( بالغربي )) بقول لعاذلي (( سوري ))
كتبت الشعر ,, بعض الشعر ابيّه يوصل الاحساس= ولكن الشعر قصّر ,, وليته وصل شعوري[/poem]

[أبوعبدالرحمن]

امحيك من فكري


[poem=font="Simplified Arabic,4,black,bold,normal" bkcolor="white" bkimage="" border="outset,4,black" type=2 line=1 align=center use=ex num="0,black"]


أببدع في القصيد اللي يكدّر راعي الفله=وأبكتب في القوافي اللي تزيح الهم عن صدري

وأبكسر حاجز ( الروتين ) وأنتي مثل خلق الله =محيتك من خفوقي قبل انا ما امحيك من فكري

أنا قلبٍ وقف نبضه وحزن وروح معتله =ولا عادت تناسبني عبارة (( يا بعد عمري ))

وأنا في الحب لي ملة ولك أنتي مية مله =ولك كذبك ولك غدرك ,, وأنا مالي سوى شعري

ترى بعض الغلا ينعاف لا من خالطه ذله =درست إني أعز النفس وأرقى فوق من صغري

أسوق الرجل للعليا ,, ودرب الذل ما أدله = وابيع أغلى محبيني ولكن ما نقص قدري

ترى ما كنت أحبك موت ابي تصفيقة الشله =ولا هوب الطموح إن الجميع بحبنا يدري

عرفت إني ( خوي الصمت ) لو زادت بي العله =سكوتي عن تفاهاتك حشيمة حبنا العذري

تمنيت الغلا بعضه وانا ما ابي الغلا كله =على لسانك تكسّر كل حلمٍ والجفا يطري

غموضك شئ ذابحني عجزت ايام عن حله =وإذا كنتي تلوميني على هالصمت ,, من عذري !!

وأنا دايم إلا مني بغيت الشئ اوصله =واشوفك كل ما قربت يمك زدتي في هجري

ما عاد ابغى دفا شمسك وقلبك ما ابي ظله =وما عاد ابغى تحبيني وحرفك يرفضه سطري

سمعت إن العرب قالوا (عدوك وش تبي خله) =وانا كلي ترى ضدك (خفوقي وحرفي وحبري)

وسمعت ( إن الخليل إليا تضايق راحته خله ) =وأنا عكس الخلايق يفرح الخلان في كسري

صبرت أيام ,, إلا شهور ,, ألمّ الجرح وأفلّه =ولو إن الصبر ينطق تعجّب من كثر صبري

حرام إني ما عاد اشتاق لك لو كنت متولّه=خذيتي قبل احساسي ,,, تعالي جربّي نذري

وأنا لو كنت أبنوي لك زعل وأدوّر الزله =لك الله كان فارقتك قبل أهواك من بدري[/poem]

[نياف العتيبي]

ماشاء الله عليك يابوعبدالرحمن


متهيض ياولد


صح لساااانك


وشهادتي فيك مجروحه يابرنس



وتسلم على هالتواااصل العذب



الناااااايف

[نياف العتيبي]

هذي مشاركه بسيطه...... على هالبحر

وهي قديمه عندي .. لكنها لم ترى النور الا هنا..



[poem=font="Simplified Arabic,5,black,bold,normal" bkcolor="transparent" bkimage="backgrounds/24.gif" border="solid,2,black" type=1 line=0 align=center use=ex num="0,black"]
تعالي واجلسي جنبي تعالي وارمي همومك= على قلب ٍ قوى همي مهو عجزان عن همك
تعالي واظهري الخافي عطيني رمز موضوعك= عطي قلب ٍ يحفظ السر خصوصا ً كان من يمك
تعالي وامسحي دمعك تراه يجـــرّح خدودك = الآ ليتك تكفينه لو إنه في طرف كمك
تعالي وانثري عطرك وفلي زين مجدولك = على صدر ٍ حوى حبك ودمه خالطه دمك
تعالي نطوي الماضي تعالي ضوي شموعك= تعالي داوي جروحي عساها رحمة ٍ لأمك
تعالي عاد مافيني ترى مشتاق لرجوعك = ترى قلبي يحنّ لشوفتك يازين مع ........
تعالي واجلسي جنبي وانا بجلس بعد حولك= تعالي واقهري الحاسد وبقهر كل من ذمك[/poem]