السلااااام عليكم ..
كييف الحال ؟ اخباركم ؟ ايش غداكم اليوم << كله تسالها جدتها هالسؤال
بصراحه انا موضوعي ماله دخل بالعنوان بس قلت اخليه مشووق واللي ماشوقه اجل ليييه داخل << يعنني صادتهم
وموضوعي يتكلم عن الكلابه..
ماهو تعريف الكلابه :
وهي حيوانات جدا اليفه لا تهوى العظ ولا تفكر في ان تقترب منك ابدا .. فقط تنظر اليك ثم تبتسم وتذهب
ياالهي ما اعظمها من قطط :بفكر:
<< مافيه اي مصداقيه في كلامها
عموما اليوم الله يسلمكم جالسين على الغدا < بالتفصيل
وشفت اخوي الا على طاري اخوي جبنا سالفه الكلابه < والله لو يقرا موضوعها كان هي في رحمة العالمين
وبصراحه قمنا تنذكر ايامنا السعيده والذكريات التي ترسم ابتسامه خاطفه < ايه هين
وانا راح اذكر لكم مجموعه قصصيه من ايامي التي لا تنسا
- يوم من الايام كنت انا واختي وصديقتي في كمباوند ( مجمع سكني ) وينقال لنا نبي نسوي سبووووورت ( انا كم مره قلت لا تتابعون ما الك الا هيفا بس محد يسمعني )
المهم ونحن في كامل رزتنا ماشالله لحد يقرب لنا وشوي التفت على يميني الاقي شي حلووووو كبييييييييير وليس له جناحان ولكنه يركض ركضا عجيبا .. الا وهو كلب :تصفير:
يااااااسلاااام فله واختي من زود الفلاحه تركض اقول لها يابنت الحلال لاتركضين لا تركضين وجاكم الكلب طاير مدري على ايش مستعجل ويلحقنا ونركض ويلحقنا في ذاك اليوم اكتشفت كل وحده فينا انها تمتلك موهبه جري ترشح للبطولات .. وانا بصراحه بيني وبينكم في وقتها ولا ادري مين اختي ولا صديقتي اصلا ماعندي صديقات ولا خوات وما اعرف احد .. ووالله العظيم شفتوا الجزم الله يكرمكم حذفناها حذفه ;) وقمنا نركض واحنا في معمة ركضنا اخر شي نكتشف ان راااح من زمان واختفى واحنا نركض زي المهابيل الله يغربل ابليسه خلانا اضحوكه:o ..
- الموقف الثاني كنت انا وصديقاتي راجعين لبيتنا ووقتها كان اخوي الفالح جايب كلب لبيتنا يعني صار عندنا كلبين << مقهوره
المهم صديقاتي مايدرون ان عندنا كلب ادري فيهم لو عرفوا ماراح يجون بيتنا ابدا انا قلت اسكت ولا من شاف ولامن درا < نذله ;)
المهم ومن زود الفلاحه اللي فيني قلت ابي افتح لهم باب الشارع واذا قرب عندنا بقفله يعني احنا برا البيت .. وجاكم الكلب طاااااير يركض يركض البنات استخفوا ماتسمعون الا صراخهم ووحده منهم من زود الذكاء بدال ماتركب سيارتهم دخلت داخل البيت وقامت تركض في الحديقه والكلب وراها وهي تركض وهذاك وراها .. واصلا الكلب ماهو مفترس يبي يلعب معاها وهي على بالها يبي ياكلها والا في الحديقه في لمبات في الارض مثبته ومسكييينه وتطيح طيحه ممزوجه بتفحيطه عجيبه وعلى راسها على الارض والكلب فوقها والله انا قلت بيصير فيها شي اكيد بتجيها سكته بس الحمدلله جا اخوي وسيطر على الوضع << بعد اييييش !!!
ومن وقتها البنت اخذت يمينا وقسما وعظما ماتجي بيتنا الا اذا راح الكلب بالاصح ياهي يالكلب فقررنا نخلي الكلب << ماسمعتها :تصفير:
بصراحه عندي مواقف ماتخلص ابدا والخافي اعظم بس انتظر مواقفكم مع مثل هالحيوانات اللي يتوجب علينا رعايتها بكل حب وموده << تخاف تسب وتلاقي كلب يقرا موضوعها