مع عودة المنتدى .. نعود بمايليق بهذا الصرح الشامخ ..
[poem=font="Simplified Arabic,6,white,normal,normal" bkcolor="darkred" bkimage="" border="none,4,gray" type=2 line=0 align=center use=ex num="0,black"]
خاب الامل في واحد ِ كنت مغليه = ماكان هجره يوم يطري على البال
غلاه عن كل المخاليق مخفيه = بيني وبين القلب نغمات جوال
ماهي بنغمة نوكيا يوم نشريه = ولا يبرمجها ضلالي ومحتال
برمجت له في شاشة القلب تنبيه = يدق في صدري على شكل موال
لادق هاجوسي تصورت راعيه = واقف وعيني ترسل الدمع همال
يجيبه الهاجوس والنوم غاشيه = عساه نوم العافيه ياهوى البال
يمديه يفهم واقع الحال يمديه = يصحى ضميره لو زمان الجفا طال
يسدني من باقي العمر تاليه = لحظات ياخذني معه طيب الفال
يكفي دقايق لو عيوني تراعيه = لمسة ترد اللي تردى من الحال
طال العذاب وخاطري مبتلى فيه = مهما يسوي بي على كل الاحوال
راحت ثمان سنين والعين ترجيه = ماشفته الا في خيالي ولا زال
يمكن يدور الوقت صدفه والاقيه = ترسي سفينة عاشق ٍ شاف الاهوال
ربيع قلبي يوم نلقى مراسيه = الارض يحييها المطر عقب الامحال
حطيت له تذكار سبحه وبوكيه = ورد ونقشت اسمه على الصدر سلسال
مدري يطيب الوقت في وجه مغليه = واقول مالا ينشكي له وينقال
والا انتهي والوقت يطوي لياليه = قصة وفاء ماتت على صدر رجال[/poem]