[align=center]مساءكم سكر :
.
.
.
من القديم .. للتواصل مع قلوبكم النقية :
/
.
/
.
[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=1 line=1 align=center use=ex num="0,black"]
حبيبتي لا تسألي عن سر هذا الاغتراب = الله خلقني ( مغترب ) في عالم مثلي غريب !!
مرات بعض الاسئلة تموت ماتلقى جواب = ومرات بعض الاجوبة أقسى من الجرح العطيب !!
وأنا حياتي قبل اعرفك ( من عذاب الى عذاب )= كنت ادري اني بالهوى (حبيب مايملك حبيب) !!
اسافر بحزني كذا ذهاب مايعرف أياب = وتردني نحو الغياب ( يالمترفة ) شمس المغيب !!
ويوم إلتقت عيني بعينك وإنفتح للحب باب = رفعت كفي للسماء ياخالق الخلق استجيب !!
يارب عذبها مثل ماهي خذتني للعذاب = حتى تحس ان الجفا ( له من معاناتي نصيب ) !!
شفتك وحسيت الفرح اللي مع الايام غاب = بدى يعود لخافقي .. والهم والغربة تغيب !!
وإنتي مابين ( الاندماج ) بالحب وإلا ( الانسحاب ) =صرتي بوضع من رداة الحظ وظنونك مريب !!
وقريتي بعيني عبارة " أسقني شهد الرضاب " = دام اللقا (جمع القلوب) .. والهجر بين الناس عيب !!
لكن رحلتي في هدوء والقلب مثل الشمع ذاب = أصفق بيدي يد من همي وأودي بك وأجيب !!
شوفي وش اخر مابقى فيني من ( احلام الشباب) = إن غبتي عني للأبد ( لعل جرحي مايطيب )!!
لاتساليني بعد هذا ليه ( تنوي الانقلاب ) = مليت من حكمة زمان ( ياهي تصيب او ماتصيب ) !!
أبختصر عمر السفر دام النهاية للتراب = ياليتني ماكنت قبلك بالهوى ( طفل نجيب ) !!
وهذا الاكيد انه مضى عمري برحلة إغتراب = الله خلقني ( مغترب ) في عالم مثلي غريب !![/poem]
.
.
كل الشكر مقدما ً لعذب الزيارة ..!!
.
منصور الحربي ( مغترب )
2/6/2007م[/align]