رحم الله الشيخ : مهدي بن قاعد المجلاد العنزي 00
هذه مشاعر بعثرها الحزن .. فعسى ان يرتبها من جديد
احساسكم .. اقدم لكم هذه القصيدة فـ اقبلوها كما هي وقت
خروجها للنور 00 وهي إهداء للاخ الغالي:
عبدالعزيز بن مهدي المجلاد 00
[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
يابو مهدي تلّها من اقصى الضلوع=ماورى طعن الحزن 00 صدر ٍ شمالي !!
وماورى جوع المشاعر أي جــوع=آه ياشيّ ٍ مسا البارح طرالي !!
يوم حرفك هزني واطفى الشموع=صار حزني في سنا البوح ارتجالـي !!
وتهت بحروف التعازي نوع00 نوع=ولا لقيت اللي اكتبه وقت انفعالي !!
وش ابكتب والمسافات : الدمــوع=وش اقول وسكتتي تفضح مقالـي !!
ادري انك منت رجال ٍ جـزوع=بس ..والله يذبح فراق الغوالي !!
صاحبي لاعك فراق الشيخ لوع=يرحم الله والـِدك اول وتالـي !!
والله اني من مسا يوم الربوع=موجس.. واسأل واجاباتي: سؤالـي !!
اتصلت وقلت وينك ياقطــو ع=واختصر ضيقك مسافات اتصالــي!!
ومن هذاك الحين وامالي خشوع=لين مادوّى الخبر في صمت حالـي !!
وجيت اصلي لاسجود ولاركوع=وجيت اعـّزي وكل م/فـ بالك فـ بالـي !!
كنت اشوفك بالعزا بين الجمــوع=صابر وحزنك ورى عينك خيالــي !!
حزْن متغطرس إلى حد الخضوع=ودمْع متواضع إلى حد التعــــالي !!
كل ما ( نيل ) المدامع جاك طوع=جيته وصبرك بصدرك سد عالـي !!
لك على هالحال شف حول السبوع=لين مالذكرى عرضت ذيك الليالي !!
وصار قلبك لاسيــــوف ولادروع=واضحت احزانك كذا من دون والي !!
صاحبي ما للقدر سكة رجوع=والمواجع مابها منفى مثالي !!
وانت .. ياطبع الوفا .. ووافي الطبوع=صب حزنك والمشاعر بالعلالي !!
تدري وش اسمى مشاعرنا: طلوع=دمعة ٍطاحت بعــَد توديع غالي !!
اختصارا الحزِن ماهو قنـوع=ولاعلى وجه البسيطة عقـْل خالي !!
عوع ياقلب ٍ مـ/مسـّه حـْـزن عـــوع=سالي ٍوالكون عن شرواه سالي !!
صاحبي .. والحرف: تضحك به دموع=واهنيّ اللي مبالي ومو مبالي !!
تلـّها او خلـّها وســْط الضلوع=ولاّ انا ما عاد لي صدر ٍ شمالــــي[/poem]