السلاااااااااااااااام عليكم ورحمة الله وبركاااااااته
اتمنى انه هالقصيده المتواضعه تنال على اعجاب الكل
[poem=font="Simplified Arabic,4,white,normal,normal" bkcolor="transparent" bkimage="backgrounds/22.gif" border="solid,4,red" type=1 line=0 align=center use=ex num="0,black"]
يانوم لاتدخل على غرفة النوم=ماقدمك الا ساهر الطرف واعي
في غرفةٍ يقرأ هواجيس وهموم=وينشد عن اللي خابره وين ضاعي
في غرفةٍ فيها معاليق وهدوم=وغير آتخيل صورته بالشعاعي
عز الله انك ياهوى البال مذموم=ماقلت لي يوم السفر بالوداعي
وانته تعرف الود راعيه متهوم=حتى مع اصحابه قليل المساعي
ودك دخل بالقلب لازم وملزوم=بصورة بطاقة حب واسمٍ رباعي
واصبحت مثل اللي من الديد محروم=امه توفت بعد ذاق الرضاعي
جاها من المولى مقّدّر ومقسوم=راحت وكبّت ورعها والمتاعي
والا كما اللي ذايقٍ زاد مسموم=بالكبد صاير زي سم الافاعي
والا مريضٍ بين قرحه ومحموم=والا عليه الضغط زاد ارتفاعي
والا غريبٍ بين حاكم ومحكوم=ضاع الجواز وخايفٍ لايداعي
يالله بجاه اللي عن الزل معصوم=رد الغياب وامرك المستطاعي
واختامها مني تحيات واسلوم=على نبيٍ جاء بالاسلام داعي[/poem]
وسلااااااامتك
اخوكم المحب الدويبي
رد مع اقتباس
