[poem=font="Simplified Arabic,5,black,bold,italic" bkcolor="transparent" bkimage="backgrounds/47.gif" border="none,4,gray" type=2 line=0 align=center use=ex num="0,black"]
غايتـي شوفـك ولالـي وسيلـه=وان كان ماشفتك فلانيب معـذور
وجدي عليكي يالهنـوف الجميلـه=وجد الضرير الي هجر عينه النور
لامن ذكرتك واعتليـت الطويلـه=ولاح لي فوق الشفق سودك الحور
يهتز لك قلـبً قبـل فـي سبيلـه=واليوم تحكم به وتفرض به الشور
ياقو رمشك يـوم يآمـر واجيلـه=لبيه يارمشً من الزيـن مخمـور
انقل صوابه في حشايـه واشيلـه=واقول متعافي ولانيـب مخطـور
ولاحانت الذكرى نـوى يبتديلـه=شوقً يخالج ضامرً فيـه مجبـور
الروح مطنوخـه ولاهـي ذليلـه=مير الغلا حكمه احاسيس وشعور
عزي لمن مثلي غرامه حصيلـه=انقل غرامه له زمانيـن وشهـور
وان كان تبغى غايتـي والذبيلـه=الشوق يذبحني وانا اقول مشكـور [/poem]
الشاعر/// حسن السبيعي