المشاركة الأصلية كتبت بواسطة أمل عبدالعزيز
,
,
,
[overline]
مساء الورد والعذوبة
جديدي للتواصل مع قلوبكم النقية .
.
.[/overline]
[poem=font="Simplified Arabic,6,silver,bold,normal" bkcolor="transparent" bkimage="backgrounds/26.gif" border="ridge,7,deeppink" type=1 line=0 align=center use=ex num="0,black"]
ياللي غدا شوقك سحاب=هما هما هما هما
بلّل كفوفي والثياب=سيله وسط صدري زما
واستوطن عروقي وذاب=حتى تخالط بالدما
سألتني وشهو الجواب=وليه الخفوق متيمّا
وليه العمر لاجيت طاب=وكفي ورمشي سلّما
عشتك حضور باغتراب=والحب في قلبي نما
لو كان من وصلك يهاب=ماجاك عاشق وارتما
انته رحيله والزهاب=وانت الطريق المغرما
وانته ثوابه والعقاب=من غير ليه وكيفما
وانت الحقيقه والضباب=وانت الوضوح المبهما
وانته خطايه والصواب=وانت الوفير المعدما
وانته نعيمي والعذاب= وانت الأكيد وربما
والقلب عمره ما استجاب=لاشان منطوقك سما
وان زاد لومك والحساب=أعلن صدوده واحتما
ياصاحبي للهجر باب=حذراك من بعض العما
لاتقتل اللحظه عتاب=ويجف شوقي مرغما
باكر بيطوينا الغياب=ونعيش لحظاته ظما
ولانشوف إلا السراب=لا أرض باقي أو سما
ونْحِنَِّ لرعود السحاب=اللي على صدري هما[/poem]
أمل بنت عبدالعزيز....
.
رد مع اقتباس
[
