قصيد ه في سمو الامير راشد بن عبدالعزيز بن سعود آل سعود
[poem=font="Simplified Arabic,4,black,bold,normal" bkcolor="transparent" bkimage="backgrounds/27.gif" border="ridge,6,orange" type=2 line=0 align=center use=sp num="0,black"]
ياسلامـي لاميـرٍ مايدينـه شحاحـي=ياسلامـي لاميـرٍ مـد كفـه جزيلـه
حرٍ أشقر وشوفه يبعـث الانشراحـي=شوف وجهه يكفي عن كثيـر وقليلـه
منبع الجود كله والوفـاء والصلاحـي=من طويله تعلا فـوق راس الطويلـه
بين عبدالعزيـز وبيـن جـمٍ قراحـي=وبين راشد وبين سعـود مافيـه حيلـه
وجده اللي بوقته يوم زرق الرماحـي=يومها ظرب سيـف ويومهـا بالفتيلـه
ماتركها ولد تركـي لحكـم الرياحـي=حافظٍ ملـك ابـوه وحكمهـا مرتكيلـه
=
سيدي جيت زابن وانت تشف الجراحي=جيـت يمـك دخيـلٍ يامزبـن دخيلـه
من زمانٍ حداني من جميـع النواحـي=ومن حمولٍ عليه طال عمـرك ثقيلـه
من عرفت الحياه وخافقي ماستراحـي=وارجـي الله يبدلهـا بـيـومٍ وليـلـه
راح عمري وشبت ومني السد باحـي=وليت منهو من الايـام يشفـي غليلـه
كني الطاير اللـي فاقـدٍ لـه جناحـي=وده يطيـر لكـن طيرتـه مستحيـلـه
وكني الفارس اللي منه طاح السلاحي=بالغدر حولوبه يـوم ركـب الاصيلـه
والله أني فلاأدري سيدي ويش أناحـي=الحيـاه أتعبتنـي والمـوارد محيـلـه
كل ماشفت برقٍ في سماء نجد لاحـي=قلت يالله كريم وقمـت بالعيـن أخيلـه
وانت غيثٍ الى منه على القاع طاحـي=أخضر الروض منه وكل شعب ومسيله
وارجو المعذره يامير منك السماحـي=طال عمرك على الطاعه وفعل الجميله
واطلب الله يحفظك بالمساء والصباحي=من عيون الحسود ومن نفـوسٍ غليلـه [/poem]