أسعد الله مســـاكم واسعـــد الله صباحكم
أقبلوهـــا كيبوردية
[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
هانت بعد ماكانت أصعب مشاوير=جرحي تشافى ياتعب واستقريت
لمت الضياع ولا قبلت المعاذير=والحمد لله من صوابي تشافيت
لاني رضيت ابما حصل والمقادير=الله فرج لي من عناه وتعافيت
أنا كسبت ولا حسبت المخاسير=هي مرحلة منها شربت وتقهويت
دنيا وهمّ دنيا غرام وتباشير=روح الحياة اليا تعبت وتناسيت
بعض البشر مافيه حشمة وتقدير=عنته .. غدربي .. وأحتزمت وتقاضيت
على الخيانة صوّر الطيب تصوير=باع المحبة من عقب ماتعنيت
راح وتناسيته ولا منه تأثير=دربه يدله وألا انا ماتواريت
هي سكته وأختارها دون تبرير=أختارها وأنا حقيقة تمنيت
أنه يروح وماحصل منه تكفير=للذنب الأول رحمة الله على الميت
والله لا أعيش بدون همّ وتفاكير=للعشق الأخر بالغرام استلذيت
جوري من الورد وعليه النواوير=هو منوتي لاقلت أنا صدق حبيت[/poem]
أخوكم
فيصل العتيبي