[align=center]الغراللعوب[/align]
[poem=font="Simplified Arabic,4,darkred,normal,normal" bkcolor="transparent" bkimage="" border="double,1,gray" type=1 line=1 align=center use=ex num="0,black"]
يالهبايب سلميلي على الغَر اللعوب = وعلميه اني على شوفته كلي .. َوله
كان حبه ذنب ياما جنيت من الذنوب = يا حلاوة ذنب حبه وانا منه .. واله
لويتوب النحل قطف العسل والله ماتوب = لن حبه في عروقي تغلغل غلغله
لين دمي صار موجب بحبه ومحسوب = {او} زايد {بي} ماخذ من الأسم اوله
اول حروف اسمه اللي لها قلبي يذوب = من غلاه اغلي سميه . وربعه . واهله
بانياً قصر الغلا في فوادي طوب..طوب = ويوم خلص من بنا القصر سافر وقفله
علميه انه طواني فراقه طي ثوب = ناحلن حالي من البعد .. والهم .. اكله
كل ما ذعذع من الغرب ذعذاع الهبوب = هيض القلب الهواوي .. وغرد بلبله
وجد حالي وجد عود(ن) على الصبر مغصوب = البنات صغار والآبن واحد .. وخذله
راح عمره في شقا الوقت غالب ومغلوب = واشتغل مع حضرمياً بخيل وبهذله
الشويَب حالته قاضيه يادوب .. دوب = يتوجس خوف .. والحضرمي فيه عجله
لو كسر للحضرمي في صبيحة يوم كوب = ما شفع له كبر سنه .. وجهده فعمله
كل ما يذكر سنيناً مضن له فالجنوب = يوم هو با أول شبابه . وعزه . وعذله
يتنهت غبن والنار في صدره شبوب = وده ان الموت ما بطى عليه ولا امهله
ذاك وجدي مثل وجده على الطفل النصوب = الصغير اللي سبا العقل مني بجهله
غاب لكن في غيابه ما حد غيره ينوب = وان بغيت ادله القلب .. دونه مادله
صرت اشوفه وين مارحت في كل الدروب = نابتله في خفوقي من البعد .. نخله [/poem]
[align=center]مطلق بن حنيتم[/align]