[align=center]السلام عليكم
اعتذر لكم جميعاً لغيابي طيلة الفترة السابقة
والذي كان لظروف خاصة
عموما
أقدم لكم قصيدة موجهة للأخ الشاعر عشق ليل
وكعادته أبو عبد الرحمن يأتي بكل ماهو رائع
أترككم الآن مع القصيدة والتي أتمنى أن تنال أعجابكم واستحسانكم:[/align]
[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
ياسعد ياخوك تكفى ياحليفي في (شبابه)=الشبابي جاك يشكي طالباً فزعة شبابي
جاك (حربي) يا(عتيبي) كن ماهو في شبابه=والبلا اني ياسعد للحين توي في شبابي
وانت رجلاً من رجال(ن)كلهم حلم وذرابه=مجدهم هز الوسيعه من عزيزين الجنابي
من حرار عتيبه اللي تنذكر يوم المجابه=ماسمعنا غير ذكراً فوق هامات السحابي
جيت لك ياخوك حاير من جروحاً بي تشابه=ضيعنّي واذبحنّي وافقدنّي من صوابي
ياسعد مليت ليلاً يذبح الخافق كآبه=واشهد اني رحت فيها والبلا محدن درابي
ياسعد مليت وقتاً بالتزاماته رتــابه=رحت مع نفس الهضاب وجيت مع نفس الهضابي
ماجداي ألا القصايد وافضح همومي كتابه=والمصيبه وين انا والدرس وهمومي كتابي
كلها باسباب عشقاًجار في قلبي عذابه=ماتشوف ألا المدامع كلما عشقي سطابي
والزمن ياخوك شقق فرحتي في حد نابه=اطرد احلامي وتبعد واثرها امجرد سرابي
والهنوف اللي هويته شين حظي مارضابه=والبلا مابيه غيره مير والله لو حكابي
ماكسبت ألا الملامه بين ربعي والقرابه=مايلام اللي هوى له زين تلعات الرقابي
اعشقه ياخوك والله واعشق تراباً وطابه=لومشى ابجدب الاراضي اصبحت عقبه روابي
اقفى عني والمدامع غارقه منها ثيابه= ماجداي الا أواسي وآنا ميّت من مصابي
ياسعد جيتك وانا انخى ربعي ياربعي (شبابه)=من شبابي جاك قافن ينتخي بك يالشبابي[/poem]