[grade="00008B FF6347 008000 4B0082"]من نظر عينه حبيبي قال للدنيا السلام
ودع انفاسه وسافر والمدى نظرة عيون
يرتعش قلبي بقربه ويرتبك حلو الكلام
والعزا بنظرات عينه حلم اقرب للجنون
ياأمير الحرف وحدك من له بنفسي مقام
لو تشتتني حلالك ولو تبعثرني تمون
هيه احبك هيه احبك دام تحملني العظام
شامخه بأجمل وفايه شامخه بأجمل شجون
اخذت من طبعك طباعي مااحب الانهزام
وصار احساسك قصيدي يمطر بصدري مزون
دام وحدك من تمكن يمسك خيوط الظلام
وبدد الخوف بحنانه وقال قدرك مايهون
ماتهون انته وربي عندي حبك مايظام
صادقه باحساسي يمك ماأخل وماأخون
ولو وقف هالكون ضدي ولو كثر حكي الملام
أعشقك ماهو بكيفي ولو يكون اللي يكون[/grade]
هدى الفهد