السلام عليكم ورحمة الله وبركاته
اللهم صل على محمد وعلى آله وصحبه أجمعين ، وبعد ..
موضوع يتألق .. بكم .. وبأقلامكم ..
قصيدة تحت الأضواء
في كل مرة اطرح لكم قصيدة من إبداعات أعضاء غرابيل .. بدون ذكر اسم صاحبها .. لا لـ سبب معين ..
ولكن الهدف .. وهو الأهم .. الاستفادة من قراءتكم النقدية للأبيات ..
وأبدأ معكم بأولى المشاركات لـ شاعرة ..
[poem=font="Simplified Arabic,5,darkblue,bold,normal" bkcolor="transparent" bkimage="backgrounds/46.gif" border="inset,4,darkblue" type=2 line=0 align=center use=ex num="0,black"]
بديت بإسم اللي فرض خمس الأوقات =الباسط الواحد عزيزالجلالي
ياخـالق(ن) خلقك ومحيي الأمـوات= علام سرالغيب مرسي الجبالي
الشافي المنشي مجيب الدعوات =وحدك إلهي كاشف(ن)سرحالي
يافارج(ن) هم الصدورالغليقات =إليك وحدك ياحسين الكمالي
أشكي عليك الحال والدمع زافات= يالله أجرني من عذاب(ن) جرالي
مظنون عيني زينة الدارهيهات= ياد م قلبي رأس مالي حلالي
الدمع من عيني على كل حزات = الياطرى فالبال علم(ن)يقالي
أضمها وأحس للموت زفرات = وأصد بدموعي عن اللي حكالي
ثنتين ماغابن عن البال ساعات= لعل عمري عقبها بالزوالي
يردن سبع سنين ظميا محيمات= والجم عن ورده قصر بالحبالي
وأقفى عزاه(ن) بالضمايربحسرات=ودفع الثمن للعمر فأول وتالي
ودعتهن موادع الذات للذات= سود السنين اللي تقافن بأمالي
أدفع ثمن غلطة تقاليدعادات = أجمل سنين العمر..والعمرغالي
عزي لقلب(ن)شاف بالوقت نكبات=شاف وشرب كأس المهونه زلالي
شاف التعاسه والعناء والمذلات= ويصعب على فكره جواب السوالي
من لاعته دنياه مثلي بلوعات= يصبر على لوعاتها بحتمالي
صكتني الدنياء وذقت المرارات= وشربت من كأس المراره حثالي
عانيت ثم قاسيت مره ومرات = وعجزت لأقوى الوقت وأنا لحالي
أجسام من جور الليالي نحيلات= مدري حرام العمر ولاحلالي
وختامها يالله رب السموات =ياعالم(ن)عن سرغيب الليالي
عدل زمان(ن)شفت فيه التعاسات=يامنشي سحب المطربالخيالي
وصلاة ربي عد مزن(ن) مخيلات=علي النبي اللي مشى بالعدالي [/poem]
بانتظار نقدكم الهادف .. والبنّاء .. فـ ثقتنا بكم .. تفوق الوصف ..