ألــغــاز شــعــريــة

[سيف العدالة]

وانا ماعقدني غير اللهجة النجدية ..........انا اطلب مترجمين لبعض الكلمات الي بالمنتدى ماافهم عليكم

طيب قربي لي اللغز عشان ابي احضر الدكتوراه فيه

[جواهر عبدالله]

وش اللي عقدك بالضبط ؟ .. أنا أترجم لك .

[سيف العدالة]

قربي اللغز وخلي اللهجة سلسله

.....>>>>>>>>>>نصابة

تستدرجك عشان تسهلين اللغز الين ينطق

[ماجد]

مرحبا


لغز حلو وخفيف جواهر

والحل .........الكشاف ...حسب مااطلعت

صح او خطاء..؟؟

[جواهر عبدالله]

ما شاء الله عليك يا نبض الشمال ..

الكشاف ومعناه :

البنت : اللمبة ، والشايب : الكشاف نفسه ، وثلاث عيال : البطاريات .. إذا ماتت البنت ( اللمبة ) مات الشايب وعياله .. وش يفيد الكشاف بدون لمبة ؟

[جواهر عبدالله]

تحدي آخر :

[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
أنا بنشدك عن رجلٍ يبهذل كاسبين الجود = وراعي الطيب مهما عمل طيب ما سلم شره
لحق شره نبي الخلق والحاكم ابن مسعود = وترى ما فيه منا اللي في هالكون ما مره[/poem]

[ماجد]

يعطيك العافية

جواهر

مو شطارة مني لكن اللي يسأل مايتوه

هههههههههههه


طيب

اللغز الثاني

اتوقع الكرم / العلم

مو اكيد... اهم شيء قريب او بعيد

[بـيـبـرس]

لحق شره نبي الخلق والحاكم ابن مسعـود

ابن مسعود
و بن سعود
وضحي عشان ما توديناااا بستين داهيتون
والواحد موش ناقص مشاكل
تحياتونا يا جواهر

وعلى فكرتون
متى واين وكيف حل اخونا خالد اللغزووو
اذا في واسطتون ولا اتفاقيتون ما بين المشرفين
اسمحيلي بنسحب
واكلم اخونا عبدالرحمان يسوي للغلا به اللي زيي
منتدى لوحدهم يتناقشون فيه ويحلون جميع الالغاز
بس البسيطتون

[جواهر عبدالله]

نبض الشمال .. لا .. حاولي مرة ثانية ..

،

،

بيبرس .. أنا أقصد أخيراً يا خالد مر عليك لغز وما عرفت تحله !!

،

،

يا الله شدو حيلكم .

[جواهر عبدالله]

ابن مسعود
و بن سعود
وضحي عشان ما توديناااا بستين داهيتون
والواحد موش ناقص مشاكل
تحياتونا يا جواهر

هو ابن مسعود

وعموماً .. ابن مسعود وإلا ابن سعود .. الكل مر في الشي هذا :

وترى ما فيه منا اللي في هالكون ما مـره

[صالح المرزوق]

[align=center]بسم الله ..

اول تواجد لي في هالقسم المميز ..

يعطيك العافية اختي جواهر عبد الله وما قصرتي ..


الاجابه : الموت

ماني متأكد والله ..

صح والا امسك الباب ازين لي :d


.
.
.

صالح المرزوق[/align]

[ماجد]

نبض الشمال .. لا .. حاولي مرة ثانية ..

طيب قربي لنا اكثر

عطينا خيارات .......

نبضـ الشمالــــ

[بـيـبـرس]

شـوكـرن يـا جـواهـر يـابـنـت عـبـدالله
مـن وجـهـة نـظـري المـحـولـة الـضـاربـة للـفـنـتـكـه عـبـر مـر الـتـاريـخ والـطـبـوغـرافـيـا
أسـتـبـعـد تـمـام المـوت
لـو تـسـألـيـنـي / بـقـولـك لـيـش
الـبـحـر لـونـه أزرق والـصـحـاري قـفـار
<<< يـدري إنـه راح يـنـطـرد طـردا مـبـرحـا
بـجـد
لأن المـوت للآن مـاذقـنـاهـ / الله أسـأل أن يـمـن عـلـي بـالـشـهـادة
( مـو أفـجـر وأقـتـل إخـوانـي المـسـلـمـيـن ) والـعـيـاذ بـالله
لا / إن شـاء الله / مـجـاهـدا فـي سـبـيـلـه
ثـانـيـا مـدام تـقـولـي / وترى ما فيه منا اللي في هالكون ما مـره
فـأعـتـقـد راح يـكـون أمـر مـثـل الـهـم الـحـزن أو الـحـر أو الـبـرد مـو بـعـيـد
يـكـون الـحـسـد أو الـسـحـر
بـس أعـتـقـد والله أعـلـم إنـو أي إنـه ههه
المـرض
صـوح يـا جـيـجـي ...
ولا أرجـع وأحـاول أشـغـل الـديـنـمـو المـوجـود بـالمـخـيـخ الأيـسـر الـشـمـالـي
تـحـيـاتـونـا للـجـمـيـع

[جواهر عبدالله]

صالح المرزوق .. حياك الله .. نورت المتصفح ..

الإجابة مو صحيحة :مدري: .. بس لا تمسك الباب

حاول مرة ثانية ..

،

،


أنتم من إجاباتكم عارفين إنه شي محسوس وغير ملموس ..

[جواهر عبدالله]

فـأعـتـقـد راح يـكـون أمـر مـثـل الـهـم الـحـزن أو الـحـر أو الـبـرد مـو بـعـيـد
يـكـون الـحـسـد أو الـسـحـر

لا لا مو لهالدرجة .. هو حاجة .. لو ما قدرت عليها ممكن تتجاهلها .. وممكن تضايقك لحد ما تقدر تسويها .. << التقريب عشان نبض الشمال .