[poem=font="Arial,6,black,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black"]
قلبي خظر مار الشجر فيه يبــّاس=كل السبايب ف العروق اليباسي
اجلس وفي راسي ثمانين هوجاس=وامشي وكني بين ذاكر وناسي
حنّو علينا واعطفو يا بعض ناس=وأقفو لنا يا راكبين التكاسي
حنا ترانا زيكم دم واحساس= ولا خُلقنا للعنى والمئـــــاسي
خلك ضربك الله يعافيك بالفاس=بين العيون وخلفتك إمتواسي
ان صرت واقف كله اعماس بعماس=وان جيت تجلس ما تشوف الكراسي
يا زين من يصبر على ظربة الماس=وش صيرك جاير علينا وقاسي
يا سيدي لا ظيم لا شر لا باس=صاف الذهب ما ينخلط بالنحاسي
أنته تبا العربان تحني لك الراس=ولا يحطونك عليهم رياسي
ولا يجونك كل ما اصبحت حراس=ولا يمرونك عِشــا بالتباسي
وافكري اللي له نهارين محتاس=وليا نشدوني قلت واراس راسي
مدري جلست بدرب ما فيه مجلاس=ولا لبست الثوب ماهو مقاسي
ادخل على الله منك يا ضبي الاطعاس=لا يلحق القلب العليل انتكاسي
قلبي غدا من جور الايام حساس=إيضيق لو انه على ضلع راسي
أما تجي ونبدل الهم بينــاس=درب الهوى يبغى الحكيم السياسي
ولا نروح ونظرب اخماس بأسداس=واشّــر يا لين انه تجيك التكاسي[/poem]