النداء الاخير يا معشر الرجال
ارفعو الرايه البيضاء احسن لكم:p
[poem=font="Simplified Arabic,4,black,bold,normal" bkcolor="transparent" bkimage="http://s2ssss.********************************************/ss1ssss7.jpg" border="inset,10,royalblue" type=2 line=0 align=center use=ex num="0,black"]
هذه حروفي صغتها في عجاله=عشاي فوق النار والدله إتفور
[/poem]
[poem=font="Simplified Arabic,4,black,bold,normal" bkcolor="transparent" bkimage="" border="none,10,gray" type=2 line=0 align=center use=ex num="0,black"]
أنا أشهد إنك مع خويّك بحاله=ميؤوس منها لو يجي الف دكتور
ماهمني حزبك وكثرة رجاله=الرد جاهز يالدويبي على الفور
فيني من الحكمه وحسن المقاله=عقلٍ رزين وشعر نبعه من إبحور
أعْقَل مع العاقل وفيني جهاله=للجاهل اللي ودّه يِلِّف ويدور
لامن بغيت الحرب ما أقول لا له=وإذا بغيت السِلم مانخالف الشور
لو التفت لك صح ياهملاله= ضاعت دروبك بين جارٍّ ومجرور
قالوا الفتى لاطاب شوفوا خواله = صارت له أمه فخر وأبوه مكسور
لو تنشد أهل الخورو إلا صلاله = عن طيبنا ما ظنتي تكذب الخور
بتقولك حنا على كل حاله = نمشي بدرب كله ورود وزهور
حنا جواب الطيب وأنتم سؤاله = والمسألة ماتحتمل ياعرب شور
وان كان قل الجود صرنا دلاله = من جنسنا الخنسا تضاهي سنا النور
الكون منا راسياتٍ جباله= وبركاننا حاول تجنبّه لا يثور
حنا النسا رمز الوفا والأصاله=من ينكر أفضال النسا حيل مغرور
من حسننا الشاعر جميله خصاله = وعنتر بلا عبلة .. أجل كيف مشهور ؟؟!
منهو إالا جاك المرض ما غفا له=طرفٍ يسامر نجمة سهيل مقهور؟
يدعي ودمعه فوق خده هماله=ولا من خطاك الشر تلقاه مسرور
بعض الرجال إذا حكى صار عاله = كنه وضع له في التفاهات دستور
كثر الحكي يا خوك مالي وماله=عندي سؤالٍ لو تجاوبه مشكور
لو يجتمع في يوم ذيب وغزاله=من فيهم الغادر ؟ وهل فيه مغدور؟
هات الجواب أبغيه ما أبغي بداله=وإن ما قدرت إسأل صديقٍ وجمهور
واللي يعاندنا يوصّي عياله = من فيه حيل إذا نوى يمسك الدور
هذه حروفي صغتها في عجاله=عشاي فوق النار والدله إتفور
[/poem]