مساكم الله بالخير
اضع بين ايديكم هذه الوجدانيه المتواضعه بتواضع شاعرها عسى ان ترتقي الى ادنى مستويات ذوقكم الرفيع ..
ضيقة الخاطر
[poem=font="Simplified Arabic,5,blue,bold,normal" bkcolor="transparent" bkimage="backgrounds/49.gif" border="groove,5,silver" type=2 line=0 align=center use=ex num="0,black"]
عزاه لي من ضيقة (ن)كل ما امسيت = تقبل مع اقبال المسا مدلهمه
يضيق بي من ضيقة الخاطر البيت = واسج رجلي مير من غير يمه
ياليتها فيها فرج يوم سجيت = هنيت من ينسى ليا سج همه
الفكر مركب تاه في بحر تشتيت = موج (ن)يحول به وموج(ن)يزمه
سبب ضما الواقع وحر التناهيت = قمت اعتبر سراب الاحلام جمه
كم قلت ليت وكثر ماقلت مليت = تعبت اطش الحلم وارجع والمه
لان ناتج ماحلمت وتمنيت = اطير من غمه واوقع بغمه
آمنت بأن الحي على الامل ميت= حتيش لو يظهر حماسه وهمه
مادام راس المال من ارصدة ليت = المربح المضمون هم ومغمه
عاندت واقع واحتزمت وتحديت = وعايشت ضيم القاع باحساس قمه
مدحت به واسرفت بالمدح واطريت = ادفع مدايح في محل المذمه
اخاف اقول العلم ياكيت ياكيت= ياللي سمعته حسب معناك سمه
ترجع لي بلهجة ضحكوك ومشاميت = من واحد(ن)برد فضا البال دمه
وابلش بهذه صبت وبهذه اخطيت = ومن لايخصه خير فالشر عمه
ياما عن انظار الحقيقه تواريت = بطريقة اللي شال موته بكمه
يظهر على وجهي من الحزن مانشيت = لكني ادفن بالضلوع التتمه
ابين الهين وللكايد اخفيت = والناس ماهي بالخوافي ملمه
قاسيت من ميلات وقتي وعانيت = والحال نكبات الليالي تسمه
على لحن بكره تساهيل غنيت = لكن ما لأيامي السود ذمه[/poem]
وسلاااااااااامتكم