[align=center]أولا: صيفت عليكم لكن والله الأشغال الله لا يشغلنا إلا في طاعته
آمل أن تلتمسوا لي العذر .
ثانيا : هذه القصيدة ترحيبية بمحافظ المهد
وأعضاء المجلس المحلي للمحافظة
عندما زاروا قرية صفينة ((مقر عملي )) حاضرة المهد ووجها المشرق ديرة الخنساء
تشرف بإلقاءها أمام المحافظ وأعضاء المجلس المحلي وأهل القرية
كل من عبد الرحمن سليمان المندهه العزيزي
وخالد سواعد العزيزي
وعيسى عيفان الهجلة
لتحميل الملف الصوتي
وسماع القصيدة بصوت شاعرها
محمد السفري
اضغط
هنا[/align]
[poem=font="Simplified Arabic,5,blue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
اِسمُعُونِي زين يا أصحاب العقول أَهْلَ الفْكَرْ=أُصْغُوَا الآذان يَمِي وافْهَمُـو قـول ٍ نِظِيـمْ
بَكَّرَ الوسمي وزار بعارضه وقـت السَحَـرْ=وانهمر غِيث القصيد ودنت رعـود العتيـمْ
والعزيز أللي جنابه مورقٍ صايـر خَضَـرْ=يِحْتِسِي خِيرَ البلاد ليوم يصبـح كالرميـمْ
الفرزدق لِنْ نحت شِعرِه من أصلاب الصَخَرْ=والتميمي يغرف أشعاره من البحر اللِطِيـمْ
فالصخر عِنْدِي قصيدة والبحر عندي بَحَـرْ=أركب أمواجه وأخوضه وأنظم المعنى وأَقِيمْ
أَشْعَبِ رِكَابَ القِصايد وأسْرِجِ الخِيلَ الظِفَـرْ=واطلب جزَالَ المعاني وأترك الهزل الرِخيمْ
من سرى فليل القوافي شاف مبروم الخَصَرْ=الجادلَ الغِرْوَ الفُتُونَ أللي بها العاشق يِهِيمْ
أللي مكانه فالأضاة وحولـه الـزور الأزَرْ=أللي يِحِدِه مِنْ ِشمَال وينحني وقت النسيـمْ
الشاهق العالي يِظِلِه دِرْع لا جالـه عَسَـرْ=والسيف بيدين الرجال أللي لها قدر ٍعَظِيـمْ
وأللي جحد فضل البْنَيَّة جِعْل رَبْعِه للدهَـرْ=أظمأ وجِوِيرِكْ يا صفينة فالرخا دايم مُقِيـمْ
هل عرفتوها تراها ديرتـي بنـت المطَـرْ=دار عِزْ ودار جود ولو بها جَـفَ العَمِيـمْ
يا هجوسي خَلْ عنك وهات من جزل الدررْ=هات من حِيلَ المعاني واِبْهِرَ أَللي به فهيـمْ
وقبل ما نبدأ القصيدة مرحبا بلـي حَضَـرْ=مرحبا بك يا لمحافظ يا لكِرِيمْ ابن الكِرِيـمْ
مرحبا بلي معاكم مرحبا مـا هـي عَشُـرْ=مرحبا في مرحبا مليون من وسط الصميـمْ
دولة هـذا نهَجَهَـا جِعْلَهـا دايـم ذُخُـرْ=جِعْلَها ذُخر ومَعَزَة لشعبهـا وأللـي مُقِيـمْ
وجِعْل من يجحد عطاها رُمح يضرب فالنَحَرْ=ولا نشوفه في ثراها صاحب الفِكْرَ العقيـمْ
وش هَلَكْ فرعون غير إنه تجبـر وانبطَـرْ=ولا تِبَعْ نهج الرسالة ولا سِمِعْ نُصْح الكِلِيمْ
بعدها ربي بـلاه بيـم فـي جوفـه عَثَـرْ=ثُمْ جا يطلب من الله يا عَفُّـوُ ويـا رحيـمْ
اِيخَسَا الخاسي وتبقى جثتـه درس وعِبَـرْ=اعتِبِر في قول ربك خـل عقلـك فالسليـمْ
اِحْذَر الغـاوي يجـرك للمهالـك والحْفَـرْ=والعقول المستخفة شِـدْ عنهـا ولا تُقِيـمْ
الوطن خيره عظيـم وخيـر دولتنـا بَهَـرْ=بس وينك يالمطالب اُطْرُقِي بَـابَ الزعيـمْ
قلدك ربـي أمانـه وانتبـه خلـك حَِـذِرْ=يوم تُسأل عن رعاتك وش ردودك يا فهيمْ
اِقتِدِي بالعادل أللي ما يجـي مثلـه بِشَـرْ=بغلةٍ عِثْرَتْ فدجلة خاف من بطش الحليـمْ
درب شِفتِه يا المحافظ هل ترى هذا مِمَْـر=كيف تمشيه المِطِيَّة خَطْ ما هـو مُسْتَقِيـمْ
مِْن وقع فيه وتعثر قـال آه مـن القَهَـرْ=ومن سِلِمْ تعرج خطاه من الأثر أصبح سَقِيمْ
وش تكلفكم صيانة ثـم ترصيـف وشِجَـرْ=تِكْسبَكْ دَعوَة مواطن في دجى الليل البِهيـمْ
ودنا بمركز وعسكر ولا ترى فيهـا عُـذُرْ=الأمِنْ لا كان حاصِلْ تصبِحَ الفوضى عَدِيـمْ
وغيرها صُلْبَ القصيدة بينت وش هو يُضُرْ=وينها خُضْرَ المِزَارِع صارت أعجاز وهشيمْ
وصارت العالـم تِهِـجْ وتِتِقِـي ذُلَ الفَقُـرْ=لا مِزَارِع لا مَنَافِع ضامها الوقـت الظليـمْ
شي ء واحد لِنْ فعلته أشهد إنك حُرْ حُـرْ=وأنت حُرْ بدون ذلك لكـن المطلـب قِدِيـمْ
سَدْ سَدَ الرزق دُكـه لا تخلـي لـه أثَـرْ=كان لابد من وجـوده اِقلعـه يـم الرِجِيـمْ
شرق عنا حُطْ ساسه نمون ما هو لك أَمُـرْ=جِعْل تقراك الطويلة يالحشيم ابن الحشيـمْ
بس ما قلته كِفَانِي واعذروني لِـنْ قِصَـرْ=فِكْرِي مْتَيمْ قصيدة والقصايـد بـه تِهِيـمْ
بالسلام أختم كلامي يالوجيـه أللـي تسـر=دِيمَهَـا يالله مَحَبـة أسأَلَـكْ يـاربْ دِيـمْ [/poem]