السلام عليكم :صباح الخير والمسرات .
ليش إلا موظفة ياشبـــاب ؟؟؟
--------------------------------------------------------------------------------
ظاهره منتشره بكثره
اذا حبت الام تزوج ولدها غالبآ يقولها ابيها موظفه
ألا موظفه يعني ولامافيه زواج؟؟
صح البلد نار الحين
والراتب على قد الحال
والاسعار مرتفعه
وكل يوم يهددونا مره بيقطعون التليفون ومره الكهرباء ومره المــاء 00
وكله كوم وأيجار البيت كوم ثاني 00
لكن هل هذا معناته أنك مجبر تتزوج موظفه ؟؟
ممكن يا شباب تتكرمون وتقولون لنا ليش الا موظفه
ناس تقول ابيها تساعدني بمصروف البيت !!
وناس تقول أبيها بس تكفي نفسها وأرتاح من طلباتها خصوصآ الغير ضروريه !!
وناس تقول أتزوجها موظفه وجاهزه أحسن ما أني أبلش فيها كل يوم موديها الكليه وجايبها وأذا تخرجت بلشت في توظيفها وأذا توظفت بلشت في نقلها لمدينتي التي أسكنها 00أتزوجها جاهزه أريح !!
وناس عندهم نظريه تقول (( أشغلها لاتشغلك )) تكون لاهيه بوظيفتها ويالله تلحق توفق بين بيتها ووظيفتها وأنت ساعتها تكون حريتك أكثر من غيرك 00 هالنظريه شكلها عند العسكريين ؟؟
وناس طماعه تبي تلهف الراتب !!
والخ الخ الخ الخ 000
جريدة المدينه نشرت في أحد أعدادها بتاريخ 9 8 1425 هـ لقاء مع أحد الخطابات وتدعى أم فهد تقول فيه هذه المرأه أن أغلب الشباب بل يكاد يكون الكل يشترطون موظفه ؟؟
وفي أستفتاء قامت به الصحيفه على 500 شخص من مختلف مناطق المملكه ظهرت نتيجته كالآتي :
98% يفضلونها موظفه
2 % يفضلونها غير موظفه
======================
الســـــــؤال ؟؟؟
هل أصبحت الوظيفه بالنسبة للفتاة تمثل ورقة رابحه تضمن لها توافد العرسان من كل فج ونهج ؟؟؟
هل أصبحت الفتاة الغير موظفه عرضه للعنوسه أكثر من غيرها وما الحل بنظركم ؟؟
هل أصبح طلب الزواج من موظفات ((ظاهره)) أم أنه لايزال يمثل حالات فرديه ولم تصل ألى مرحلة ظاهره مع أن نتيجة الأستفتاء تبين أنه طامه مو ظاهره وبس؟؟
أتمنى من الجميع أبداء رأيه من كل الجنسين ذكرآ كان أو أنثى ونبي حلول كمان 00
مع تحيات أخوكم اللي يبيها ماتعدى بيتها شبر واحد .ان حصل
<<<<<<<<<<<<<<<<<<<<<<<<<صار هالحين العكس
منقوووول