[align=center]وش لون .. تظلمني ... وانا .. بين أياديـك
مخلص .. وعاني .. وبالغلا موفي (ن) لـك
وغيرك.. ينادينـي ..ولا .. قلـت .. لبيـك
عز .. الله .. أني .. بالوفا .. مخلص(ن) لك
نوخت .. لك عرفي.. ووقتي .. أبا ارضيـك
وعذلت .. لجلك من .. عذلني .. رض(ن)لك
ماهو .. بضعـف(ن) مـن محبـك ومغليـك
لاوالذي .. خلى الضنـا .. فرحـت (ن) لـك
كلـن .. ينادينـي .. عسـى الله .. يحييـك
والله .. لتقلط .. والصدر .. مجلـس(ن) لـك
يوم .. انت تجهلني .. وانـا كنـت أحاكيـك
اقول .. لك .. اهرج .. وانا .. منصت(ن)لـك
تقطع .. حبال .. الود .. من بير .. ضاميـك
وتقفي .. عن اللي ... بالعلا .. شاير(ن) لك
أجي .. وتمنعنـي .. جنـودك .. ولا أجيـك
وشفني .. على شاطئ البحر .. واقف(ن) لك
بقلبي .. همـوم(ن) لـو حكتلـك .. تبكيـك
وتطغي.. على .. هاك البحر .. دمعت (ن) لك
وأن كنـت ناسينـي .. فلانـي .. بناسيـك
والله ... لتبقى ... والغلا .. مرقـب(ن) لـك
وحتى لو .. انك جيـت .. والله مـا اجازيـك
لأضحك .. معك .. وأقول .. هذا .. جز(ن) لك
وحتى .. لو أني جالس(ن) بيـن .. أياديـك
لأفتح.. ضلوعي .. كلهـا .. مدهـل(ن) لـك
وعهد(ن) علي .. والله .. لاحـل .. طاريـك
لأقوم .. دونك .. للعـدا .. حامـي(ن) لـك
ومـادام .. ظالمنـي .. عسـى الله يهديـك
واللي .. بقى .. بالعمر .. جا .. باقي(ن) لك
لأنك .. عزيز .. ومهجتـي .. كلهـا.. فيـك
أموت .. وأُبعث .. والغـلا ... لوحت(ن)لـك
[/align]