عاد ما يبى لها ..البحرين دار الزين تجذب كل شابن شين ...والله من زينها كلها على بعضها كبر اصبعي الابهام ضايعه بوسط خارطة الطريق مدري من لقاها يقولون في روايه تخانق عيسى مع ماجلان عليها قال عيسى خلاص كل واحد ياخذ الجزيره اللي على قده ...((من شاف بشته كنه ثوب سبايدر مان وانا غاسله ايدي )):هاها: قام الملك فهد ربطها بجسر عشان ما تضيع في وسط المحيط وتلصق مع جزر اندونيسيا ...
دخل اخوي ينادي يمه يمه كنه حامل خبر زين ..يمه بروح البحرين ..يقولون عندهم مهرجان الزهور ودي احظره ((ابو البرائه اللي تعرفها يالجلف))قلت انا بعد بروح معك ..قال لالالالالاع انتي بوديك معي المره الجايه ..قلت مره وحده ودي اشتري ثوب لزواج اختي ركلني ركله من قوتها انقطع شسع نعالي .. وقال قومي
ركبنا السياره وهو يتوعدني اسمعي وانا اخوتس ما له داعي نخسر بعض انثبري طول الطريق ان سمعت لك حس وربي لادوسك عشان تعرفين كيف تلحقيني برحلة العمر.قاطعته وقلت خير عسى ماشر بلاش هالحركات وتسوي علي رجال انا ساكته لك عشاني محترمه صلة القرابه اللي بيننا اقول اتكل على الله وسق وانت ساكت ..:11eatdrop وفكيت اللثمه وجلست اكل فصفص ومسويه حبل تحت برطمي ماشوف الا اخوي يصرخ عمى اللي يعميتس تستري فشلتينها وانا اقول ليه السيارات اللي بالخط ما غير يناظرون فينا ..اثاريك كاشفه انتي متى راح تصيرن انثى مثل باقي البنات قمت وطالعته من فوق لتحت وانا اتحمد الله قلت سق سق وانت ساكت والله شكلك ينرحم.
وصلنا للجوازات ..اول ما شاف الشرطي سيارة اخوي قال له اسفط اسفط على جنب خليني امشي العوايل جايك بعدين((شكله المخيس كل يوم مخيم عندهم هونيك بالبحرين)) قام اخوي يقهقه يضحك وقال لاء الحين غير جايب معي المره ..قمت عفست خشمه الحين انا حرمتك قال انثبري خل يمشينا ..تستري الحين بيجي يطل بالسياره ..جا من نافذتي قال من هالحسنا اللي معك؟:احم: قال اخوي وهـ اختي ..قال انطلق للاسف هالمره قدرت تفلت مننا
((تعرفون البحرين تطورت على غير سنع )) وصلنا لفندق بو ست ستين نجمه ..و اطالع مذهوله وانا اللي مفتكره فنادق البحرين من صغرها كنها بيت باربي :نأ: ...بس الحال ماش قال اخوي انثبري هنياء بالغرفه عندي شغل واذا جعتي اطلبي لك ..وبالليل اوديك تتبضعين بالسوق ..و ادخل ذا السويت الي عليه الكلام ..دايركت عالحمام اخذ الصابون الشامبو المغلف .لختي الصغيره ..كنه مابوه بالسعوديه صابون بس خبركم بلقمة الشارع ميرحلوه ..
وادق على تحويلة صفر واحد ويرفع السكيورتي قلت له اخوي انتم المطعم قال ايواا قلت ابغي رز بخاري مع شطه ..((فاهمه الدلع غلط)) قال ولك شوهاااض!! هيدا الطلب مو عنا (( مايبي لها القروي قروي لو سنعوه)) قلت طيب بدي ستيك لحم وعصير بردقان...قال: تأبريني(( طلع بحريني يتكلم لبناني)) معك محرم قلت :ايه بس هو طلع قالي طيب انتي بتحبي الازياء قلت يا فشه جا طلبك لتحتك قلت له ايوا اموت فيها
قال خوذي الكتلوج واختاري لك ملابس وافتح والله كني فاتحه ملف عمالة الاستقدام:هاها: قلت له اخوي انا طلبت كتلوج ازياء بس شكلك ضيعت وعطيتي ملف الاستقدام قال خلاص خووذي الازياء توها جايه من روسيا هالله هالله هالله وافتحه كلهن مزيونات وملابسهن بعد شي واخترت لي كمن فسطان قال حنا ما نجيب لك الازياء الا مع العارضات ..قلت والنعم والله قال بس عليها فلوس عشان تشوفين الزي زين قلت له ماش عطيته ثلاث ميه ..للعرض
اشوي الا ضربات خفيفه على باب الغرفه فز قلبي منها ..قلت من ..قالت :ايام سوزسي..عرفت انها العارضه الروسيه . .وافتح لها وتطلع لي بنت مزيونه ملعون خيرها من الجمال في اوج ميوعة صباها قلت لها كمان كامن هير يعني ادخلي بالعربي قلت: وير ار باقي فستان ..ما عطتني وجه دخلت وهي تتمشى على هونها قلت لا شعوري يا أرض احفضي ما عليكي :غمزه: ..واجلس على السرير عشان اشوف باقي العرض عليهم لبس ابن كلب ..
قلت لها وير نكست ذا ثوب؟؟؟ ..جلست تناظرني وتناظرني ورجعت لورا تتميل بخصرها يااااويلي ويلاااه ..وبعدين فسخت كمها:11eatdrop قلت لالالاع الحمام هونيك على ايدك اليمين ما تنلامين ما تعرفين الحلال من الحرام يالتسلبه ..عطتني غمزه قويه خقيت معها:غمزه:
قامت تتمايل الين ما جلست على طرف الكنبه وطالع نص كتفها قالت :مش حتأدر تغمض عينيك ..شكلهم محفضينها ذا الكلمه سنه وجلست تهز بطرف الكنبه وتبوس بالهوا يعني مسويه اغراء ((ساعتها اول مره اشوف وحده لابسه ضيق وعليه هيلا هوب))
انا انحاست علومي وجسمي قام يمطر من العرق ارجف مو عارفه وش اسوي ..عرفت ان هالتسلبه نيتها ماهي بزينه
وانها مو حقت عرض حقت ذاك مدري ش اسمه ..
اخذها من هيلا هوبها اللي لابسته ادخلها للمدير...قال لي اهلا وسهلا قلت له عيب عليك يا رجاال مسوي علينا اخلاق
والله انكم قاصين على عقول شبابنا بهاالعاهرات ..قالب لي الفندق الى فندق استقدام الخدامات ..ما تخاف على عيالك ينحرفون يالتسلب يا ولد التسلب ..ولك ما تستحي خربتوا الشباب ما غير يهذون بالبحرين اللي يسمعهم رايحين جزر المالديف ..ما تخاف ان الله يخسف بك هالجزيره ويسلط عليها امواج تسونامي تقحصك انت ربعك يا املحيكا أقول احترم هالشيبتين للي نابتين بخشمك ولك أخصصص على شيبان هاليومين الشايب يموت وعينه بالسبوس يا خزياااه...
اخواني
1/ عزوف الشباب السعودي عن الزواج بسبب فلونزا البحرين ..
2/ الشياب خير من يمثل المجتمع السعودي ..ووراء كل شايب عظيم روسيه اعظم!!
3/ يمدحون مطعم مرمريز عليهم شوي يدوووووووووخ..
[mark=FFFF00]ملاحظه : الفلم بحريني والاخراج سعودي[/mark]