إخواني وأخواتي أعضاء غرابيل الكرام
تعرفوني طبعا
أنا ماغيري أبلتكم أبله عبير وفل
صدقوني ماهو بس أنتم اللي غاثتكم بكلمة أبلة
حتىأنا غاثة نفسي
مسوية ثقيلة في كل مكان
عندي إحساس إن المعلمة لازم تكون رزينة وما تخربط زي اللي يخربطون
حتى زميلاتي في الغرفة ما ني تاركتهم في حالهم
يعني ما يخربطون على كيفهم مو كل شي يقولونه وأنا جالسة
المهم بعد مشوار عمري في الرزة في هالمدارس والمنتديات ما حطم شخصيتي غير البنقالي
اتركوني لحالي شوي
ودي أصيح
ودي أجمع شخصيتي اللي لعب بها سيء الذكر
عاد يوم الأربعاء اللي راح
رحنا يم الملاهي
تعرفون يعني إيه ملاهي
يعني بزارين هنا وهناك
وحريم وبنات يلعبن ويصارخن ( أهم شي الصريخ )
المهم ((كل كلامي مهم ماني أبلتكم )
امهم إني طول الأيام اللي مرت وأنا محافظة على الشخصية
ولا عمري لعبت في لعبة
ولاعمري نسيت نفسي
دايما محافظة على خط السير
إلى يوم الأربعاء الماضي ((آآآآآآآآآآآآه يا ألبي ))
أول مرة
خلاص حرمت
قالت أختي
تعالي ياعبير وفل نلعب بذيك اللعبة
قلت أبدا
أنا أبله
كل الناس يعرفوني
قالت روحي بس
والله ما أحد داري عنك ياللي بالظلام
أنا كني حنيت للطفولة
كن عندي عقدة من الماضي اللي مابه مثل هاالألعاب
صابتني فجأة حماسة غريبة
قلت لها
طيب يالله
بسرعه لا أحد يشوفنا
وأروح مدرعمه أبي أركب اللعبة وأخلص
قلت أبي أداوي عقد الطفولة
عبايتي على الراس
دايم أصحاب المحلات يقولون لي ياخالة (احترام وتقدير طبعا لايروح بالكم لشي ثاني )
وأول ماطلعت اللعبة
وأنا حاسة كل العالم تعرفني وكل العالم تناظرني
أبي أحد يساعدني أبي أحد يوقف معاي ويسندني ماني وجه ألعاب
إلا العامل البنقالي
وآآآآآآآآآآآآآآآآه من يالبنقالي ( الله ياخذك )
إلا البنقالي يقول كذا عادي بدون أي مقدمات
هيه أنت ماما هذا لعبة بس أطفال ]الله قوم انزل
تعالوا دوروني
أحاول أداري الموقف قلت لالا مافي مشكلة
رد على : هيه ماما هذا مشكلة فيه كبير يالله قوم
يعني يوم حزيت عمري
أركب لعبة أطفال
والله من الفشيلة مدري كيف نزلت مناللعبة
أختي نزلت عادي
تقول تعالي نجرب اللعبه الثانية يمكن مسموحة لنا
وأنا لا أرد ولا أصد
ماقدرت أرجع المكان اللي كنت فيه
جاتني حاله غريبة
همت على وجهي
أحاول ألملم بقايا جروحي قصدي شخصية اللي بعثره عالبنقالي
كنت أمشي وأدعي عليه
ياربي عساه يموت
يارب تاخذه
هزأني
طيح وجهي
هيء هيء
أبي أبكي دموعي محبوسة
بعد مافقت من الصدمه جاتني حالة ضحك هستيري
وكل اللي حكيت لهم السالفة ضحكوا علي
بس أنا خلاص
طبت ما عاد عندي عقد طفولة
بجلسة وحده عالجني البنقالي ( عساه يموت ) ماني قادره
أنصحكم أي واحد عنه عقدة طفولة يروح يم البنقالي
ترى كلكم بطيبون
الله ياخذه
المشكلة إني شفته بعدين مركب واحد دب وزوجته معه
يعني أكيد كان قاصدها
أكيد فيه مؤامرة ضدي
هيء هيء
عاد لاعاد أشوف معلمه تروح يم هذيك اللعبة
ترى البنقالي يعرف المعلما خاصة ماركة أم رزة
بس وهذي أبلتكم عبير وفل يوم راحت الملاهي
مع تحياتي
أبله عبير وفل
الشخصية ( قبل البنقالي )