[poem=font="Simplified Arabic,5,purple,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black"]
النار ياسرعها لاناشت الليفه=خذها حقيقة مجرب لاتغاربها
هذا كما الحب فعله ياعواريفه=عاقب رجال(ن) طويلات(ن) شواربها
أبترك الحب من كيفي قبل كيفه=يتوب قلبي عنه والنفس أتوبها
العين ملت من الوقت وصواديفه=قام النظر فالليال السود يسلبها
والقلب من كثر همه ضاع توصيفه=والنفس ماعادبه من شي يعجبها
والرجل ملت من الرجم ومشاريفه=روس الضلاعين تال الوقت يتعبها
الحب عفته وقلي ليه ماعيفه=عقب أريش العين قيل الموت طاربها
دمع(ن) تهله عيوني من مذاريفه=خمسين ليله ودمع العين غاصبها
لا مر حلم المنام وبان لي طيفه=فزيت والعين نوم الليل حاربها
حكم القدر ساطي(ن) للعالم بسيفه=ماهمه الناس لوتنقل مشاعبها
يمشي على بينه ماهيب تصريفه=نفس البنادم ليا وقفت يقولبها
فعول دنياك فعل الخبل مع ضيفه=يبغى الجماله مايعرف كيف يكسبها
ياضعيف ياللي في مالك نفسك ضعيفه=هو انت ترجي من الدنيا مصايبها
يقوله اللي مايحسب في تكاليفه=يعيش دنياه لوشانت مذاهبها
يالله حسن الختام وحسن تشريفه=ياواحد(ن) رحمته فالعمر نطلبها[/poem]
وسلامتكمــــ
ش
ا
ع
ر
غ
ر
ا
ب
ي
ل