واصله من المدرسه وشنطتي تسحب لورا وكنها ذيل ناقه والغبره بعباتي ونص جبهتي طالعه من البرقع ((كنايه عن شدة التعب)) وريحت نعالي كفر مشبوب من التفحط والخمسات اللي اسويها من المدرسه للبيت رفست باب الصاله رفستن ذهب الباب معها في مهب الريح ..والقى ابوي متكي جالس يتتن وامي تقهويه ويوم شاف
عباتي بيضه قال : انتم تلعبون كره قدم .؟؟ قلت هااا حرام البنت تلعب كره بعدين تصير متشبه بالرجال ..
((الله يجزى قناة المجد نورت عقولنا))
دخلت غرفتي ووراي امي وهي تلعق الديرمه ببرطمها ناهيك عن عصير البردقان اللي بيدها ماسكته كنها تقول ((خدمة الطلب بالمجان)) يا حبني لأمي شغل عدل ..قلت لها يمه خير مو من عوايدك ذكرتيني بمعالي زايد لمن ولدها يذاكر تقوم وتجيب له كاس حليب (( يحليل هالعجزيشوفون الافلام ويقلدونها)) قالت يالمخيسه اليوم عيد الام يعني لازم احسسكم بالامومه اللي فقدتوها سنين واحسسكم اني امكم ..((يعني ما جات الحنيه الا اليوم )) :احم:
انكسر خاطري عليها واروح طردي دايركت لمكتب ابوي والقاه لابس بيجامه فوقها ثوب والصروال اطول من الثوب من طوله حسبته لابس هيلا هوب مسوي حسين فهمي على غفله وفوقهم غتره بدون عقال يغازل بخلسه ومسبل عنونه ياخذ مواعيد ((طول عمري فهيمه بذي السوالف )):غمزه: وماهو بماخذ باله اني موجوده واوقف قباله وااضرب ماصته ضربه قويه واقول له بسرعه سكر بكلمك بكلمة راس وخل عنك السربته تفل بوجهي وقال :انثبري شوي جايك جايك ....انا عادي مسحت التفله بكمي :11eatdrop واجلس مؤدبه مكن جايتي تفله من شوي وحطيت رجل على رجل وقاعده اطالع ثمه وهو يحتسي مليان سعابيل ينقال ان بنت الشوارع لحست مخه اشوي وتمر ذبانه جنب خشم ابوي وانا لي ساعه متابعتها وهي تدور حول خشمه وهو ما هو بحاس وبحركه لا شعوريه رصيت بطني بالماصه ومديت يديني اخذت طفاية الزقاير وافقع خشم اابوي وتطير الذبانه ..
عطاني كشره قوويه كنه يقول ((ياليت تاكلين لك تبن الين ما اخلص مكالمه)) والله انثبرت لمن خلص قال :وش تبين يالمتينه؟ مارديت عليه وش فيك انطرمتي قلت اعرف زين تحتسي مع كبيرة عيالك ..انا محترمتك لانك ابوي وولي امري بعدين تعال وش بك تارك امي وجالس تتغزل بالعبدات ..ترى امس بالمدرسه شفت بنت فيها بوهه من الحبشيات وتاخذ منك شبه ..سبحان الخالق الناطق ..شكلك يبه هاك اليوم مخاوي حبشيه ...انت شايف نفسك زين ؟؟ترى اللي يقول عنك مزيون فهو يلاطفك:نيني:
قال امك هي السبب انحرافي. .قلت يبه اقول لا تقط اغلاطك على امي ..ولا تغثها ترى اليوم عيد الام ولازم نفرحها بهديتن سنعه قال ماتستحين على وجهك يالمنحرفه ما تعرفين ان هالاعياد حرام قلت الله يصلحك يبه الحين اللي يشوفك يقال السديس على الحلال والحرام لو اسألك من الذي فتح الاندلس ما جاوبت!! اخلص علينا واللي يرحم والدينك ولا تقلبينها حلقة ذكرقال تتحديني انه حرام ..الحين اتصل على امام المسجد واحط على السبيكر عشان تسمعين..قلت يبه اذا الامام اللي جنب بيتنا ياذن مابيه يأجر له هندي ياذن بداله لا تساله عارفه بانه نايم تحت المحراب وحاط بجيبه جوال على المنبه ينبهه للاذان وفي نص الصلاة يرن المنبه ويخز في اللي جنبه ويقول له اقم صلاتك واجل اتصالات دام هو ذا مابيه..ضاع الدين بعده قعد ابوي يتقهقه يضحك .. قال يا ملعونة الخييير كنك شايفته ..
اخواني في الله
عيد الام يحسسك بالامومه المفقوده ..والمشاكل الاسريه سبب في انحراف الشياب مع الشباب
البنت محتاجه للرياضه بالشقلوب ليت وزير الزراعه متري الدراسه ينظر في ذا الامرالتسبير
بمناسبة عيد الام احب اسلم على امهات اليهود والاسرائلين واعايد عليهم بعيدهم واقول الله يلعن امن جابتكم يالتسلاب
كالعاده القصه من نسج الخيال ولا تمت للواقع بصله