قصيدةجديدة لم تكمل في حملها وولادتها أكثر من (نصف نهار ) عبارة عن رأي شخصي بحت يقبل كل حالات الخطأ ويتلمس طريق الصواب , تفاعلا مع ماقيل عن لجنة برنامج ( شاعر المليون) الذي حل محل أبي الطيب المتنبي فملأ الدنيا وشغل الناس ..
[poem=font="Simplified Arabic,6,black,normal,normal" bkcolor="transparent" bkimage="" border="double,2,black" type=0 line=0 align=center use=ex num="0,black"]
يالجنة التحكيم كيف احوالكم = ياليتكم نمتوا تراه اشوى لكم
خمسة كراسي ماتشيل حمولها = يالله عسى المليون دايم فالكم
منكم تعلمنا معايير الجهل = يوم انكم طحتوا بشر اعمالكم
الراي راي اللي صنعها سالفه = من يوم ياسر بالاهانه طالكم
خلاص صفوها على مايشتهي = ضفوا فناجيل الكرم ودلالكم
الراي للجوال ياحكم الفلس = شيلوا علامات الفخر من بالكم
لو انكم لجنه لها مفعولها = ماكان بعتوها على دلالكم
لكنها قصة مهابيل البــشر = واللي كتب كلماتها غنا لكم
يالجنة التحكيم ياشين الخطا = يوسف ولد رزاق وش سوى لكم
مثله مثل غيره ولكن الهوى = مشت عليه اقوالكم وافعالكم
حنا العرب هوشاتنا ماتنتهي = داحس وغبرا جات في منزالكم
الغرب يصنع مايهز قصورنا = وحنا تهاوشنا على جوالكم
ثارت صحافتنا وزاد خلافنا = والسب والتشهير طال عيالكم
الله اكبر .. وين تاريخ العرب = الى متى ياقوم هذي حالكم
ياامة الامجاد وين احلامنا = دايم علامات الفشل تبرا لكم
الشعر ديوان العرب ماننكره = لكن حرام يصير هم اطفالكم
ماشفتوا العدوان تجتاح ارضكم = وايران تصنع قنبلتها قبالكم
لو شاعر المليون يحمي دارنا = قلنا لكم عطوه كل اموالكم
رحى المعارك يوم تالد حملها = اكبر من اللي تشتهيه آمالكم
ياضيعة الاحلام في عصر الفضا = من عمكم شوفوه يذبح خالكم
يالجنة التحكيم ضفوا عفشكم = وين الجمال اللي تشيل أثقالكم [/poem]
وسلامتكم ,,,,