[align=center]السلام عليكم ورحمة الله وبركاته
مساكم الله بالخير جميعاً
هذه اول مشاركـــه لي في هذا المنتدى الرائع[/align]
[poem=font="Simplified Arabic,4,darkred,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
ياشاعر المليون فيك التفاكير = اسمع كلام ابن العتيبي يقوله
لازانت الفكره تزين التعابير = وتمشي وراه بيوتهن بالسهوله
يصوغهن صوغ الذهب والدنانير = من غالي الاثمان وأكبر عموله
المشكله فالنقد مسيك بالخير = الضعف عيبه والمجامل حلوله
لانهم نقاد في عالمٍ غير = كلٍ ورى العيشه إدرهم ذلوله
غسان ريسهم يقود الطوابير = من شاعر الاعلام عينه خجوله
وابن السعيد ادلا على جمة البير = دلو النفاق ارخاه عرضه وطوله
وبن العميمي لمعوه المناصير = بعض العرب تشناه لاشفت زوله
وابن المريخي موترٍ عاكس السير = على طريقٍ بين دوله ودوله
مالك ومال الشعر ياراعي العير = النقد خله عنك منته بحوله
يالجنة التحكيم ياخير ياطير = ترشيحكم مجان والاسيوله
قامت تقالبكم شعوف المعاصير = او واديٍ فاضت عليكم سيوله
ترشحون مدمر الشعر تدمير = الي سجع صوته ودقت طبوله
الشعر طاح بفعلكم يامعاثير = وتكسرت فيه الضلوع النحوله
وصار يتنازف بين فلقه وتكسير= ورضوض في متنه واسافل رجوله
يشكي على الشعار غفله وتقصير = وينخا شواعيرٍ خذو فيه صوله
ومني لبو خالد كثير المعاذير = حراً يعوق الذايره والجفوله
شيخٍ على عز ومعزه وتقدير = والمسك يكفي منه لو كان توله
وأختم كلامي للرجال المناعير = المعذره فالراكده والعجوله[/poem]
رد مع اقتباس
-new.gif)
