[align=center][size=5]............... بدون مقدمات.... الطيب والفزعه ماهيب عيب ولاهيب خطاء
وانا اذكر بيت للشاعر/ مسلط بن شعيفان السبيعـــي
اللي يقول
قالو هبيل وجايزن لي هبــــالي (()) هبال طيب ولاصحاوة رخــامه
"""""""""" نتيجة كلمه وتصـــرف لغير عـــاقل """""""""[/size][/align]
[poem=font="Simplified Arabic,5,black,bold,normal" bkcolor="transparent" bkimage="backgrounds/20.gif" border="groove,4,gray" type=1 line=0 align=center use=ex num="0,black"]
دام الخطاء طيبي فلانيـب ندمـان=لانه ينومسني وانا أقدره واقـواه
مانيب جايز عنه لوكـان ماكـان=لاهلا من جرته .... ليـن ملفـاه
عدن رهـاوي ماتنيشنـه نيشـان=مايارده كـون الرجـال المسمـاه
لولاه حاتم مانسولف بـه ازمـان=ولاصوت أبن مهيد والضيف عشاه
والا ألردى مثل البحر شط وبطـان=غزيز لكن ماسقـا ضاميـا ً مـاه
راعيه مالي معه مقعـد ولاشـان=انا احمـد الله واشكـره واترجـاه
لاهوب لي صاحب ولانحسب أخوان=خله يولي جعلـه مقيـط ورشـاه
لي مع هل الفزعه مواري وبرهان=وراياتي ترفرف على راس مبـداه
ترجح موازيني على كـل ميـزان=ومحدن يدسم شاربه غيـر يمنـاه
لاني معرب جد ولسانـي حصـان=أدرى كلامـي وازنـه واتنـقـاه
فان كان مابينت في راس مابـان=عقبنـي الفنجـان عقبنـي أيـاه
الحمـل مايحتـالـه الابليـهـان=والجمر مايحرق سوى من توطـاه
واللي يقـول فلان..وفلان..وفـلان=انا المقفـي حالف(ن)مـا أتقفـاه
أصد لينه يحسـب أن مالـي أذان=وادهج سواليفـه ولوكثـر حكـاه
واليا تبلانـي رفيقـي ولـو كـان=ماجاه مني شي حاولت ما أجفـاه
ادمح له الزله واعاملـه باحسـان=واليا أنثنى صوبي لزوم أني القاه
لأنه حزامـي كـل ماثـار دخـان=وانا نهار الهوش درعـه وشلفـاه
وقصيرنا لودونه المـوت عـزران=نارد على شانـه ولعمـار تفـداه
ودخيلنا يزبـن وهقواتـه متـان=والجار لوبانـت خمالتـه نرفـاه
يعني لوان للطيب والجود عنـوان=صرنا عناوينه من أقصاه لقصـاه
مانستعير الطيب لوكـان ماكـان=الاهلا من جرته ... ليـن ملفـاه
وســـــــلأمتــكم [/poem]
رد مع اقتباس
-new.gif)
