[poem=font="Simplified Arabic,5,black,normal,normal" bkcolor="coral" bkimage="" border="double,9,sienna" type=2 line=0 align=center use=ex num="0,black"]
هب الشمال وجابلي عطـر الانسـام =
=ريحه دوى قلـبٍ بـه الفيـن علـه
وانعش حياةٍ صايبـه هـم وهيـام =
=وكل المشاعر صـوب حايـل يتلـه
ما اللام والله يا اهل العرف ما الـلام =
=حب الوطن واجب علـى كـل ملـه
يا دار حاتم طـي يـا دار الاكـرام =
=ما فيه مثلـك بيـن الاوطـان كلـه
من الجنوب لقاصي الغـرب للشـام=
=للشرق الاقصـى مـا وجدنـاك لله
غلاك في دمي وبـه خافقـي هـام =
=وحبك سكن وسط الضمايـر محلـه
(والله يا لولا الارض بسطت للاقـدام =
=اني فـلا اطـا ترابهـا حشمتلـه )
دار الكرم رفف لها بالسمـا اعـلام =
=ومنارةٍ مـن شـان ضيفـه يدلـه
تاريخها اللي ما وفت فيـه الاقـلام =
=حازت علـى الامجـاد دقـه وجلـه
الطيب مبداها قبـل عهـد الاسـلام =
=لاصحابهـم تدمـح ثمانيـن زلــه
دار الطنايـا مرويـة صنـع الاروام =
=يوم اللقـا عاشـوا اعداهـم بذلـه
عـدو شمـر دايـم الـدوم منظـام=
=يقضـي حياتـه والنكـد سقمتلـه
شمر خيار القـوم مـع مـر الايـام =
=وصلوا مكانٍ ما بـه احـدٍ وصلـه
شمر هل النخوة مـع الحـق جـزام =
=ريف الضعيـف ولنضهـد فزعتلـه
رديهم كنـه علـى الضـد ضرغـام =
=ترهـب صناديـد العـدا صيحتلـه
والمـر يامـنـه بصنديـدهـم زام =
=ليـا آمـر صـم الصفـا طاوعلـه
يرعب مناعيـر النشامـا ليـا قـام =
=وترجف مناصيب الدول هيبـةٍ لـه
شمر ليا ذكروا هـل الملـك حكـام =
=خصص لهم سطر الذهب بالسجلـه
وشمر بنوا في قمة المجـد مرسـام=
=بصروح مـن فـوق الثريـا تعلـه
امجادهـم تـزداد عـامٍ بعـد عـام =
=والكون يشهد والبشـر مقنـيٍ لـه
ولا اقول في باقي المخاليـق مثـلام =
=ولا ازحم عراض الناس خوفاً من الله [/poem]