جديدي حصريا ً هنا .. لكل المتذوقين من الأحبة في ( غرابيل ) ..
[poem=font="Simplified Arabic,5,black,bold,normal" bkcolor="transparent" bkimage="" border="solid,2,black" type=1 line=0 align=center use=ex num="0,black"]
لايغرك حبيبي وجهي الضاحك = أبتسم لك لو ان النار تكويني
اخفي الهم حتى تكمل افراحك = لمحة الشوق بعيونك تكفيني
هيه يارمش عينه زود جراحك = نمت معها دخيلك لاتصحيني
صك بابك علي وشيل مفتاحك = واترك الهم عندي لين يطويني
دنيتي نورها من نور مصباحك= في يدينك تولعني وتطفيني
يابحر مد شطك يم سباحك = لين تاقف على ساحلك رجليني
من خساير حياتي تجمع أرباحك = ياكثر ماذكرتك وانت ناسيني
ليه تطعن رهين الشوق برماحك = يوم تزعل علي ويوم ترضيني
ياكثر لهفة العاشق لتفاحك = فيك تمنع دواي وفيك تعطيني
اعترف مامعي مايكسر سلاحك= وين مارحت طيفك مايخليني
ليت الاشواق ياجبار تجتاحك = لين تدري وش اللي فيك مغريني
هات كل السوالف هل مسباحك =دام راسك على صدري يواسيني
ليتني دون كل الخلق ذباحك = تطلب الثار عندي يامعنيني [/poem]