[poem=font="Simplified Arabic,5,indigo,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
من حقي اوصل غايتي يوم غنيت=ما دمت انا قايد وشاعر وربان
ومن حقها تحى وتكسب لها صيت=وتعيش بي ما عشت بفراح واحزان
وتصير لي غنوه وانا اصير للبيت=ساسٍ ليا مالت واحاسيس واوطان
وانشد بعض وتنتخي كل ما اقفيت=وتحى بي وتسكن ولو كان ما كان
وليا نويت اكتب وبالله سميت=تكون لي بحرٍ ولو كنت غرقان
وتسري المعنى ليا جيت واشفيت=مشاعرٍ لبت مجاديف والحان
وخصٍ ليا مني له الطرق سجيت=اللي له المعنى علي الطرق ظميان
ابو اليتيم اللي له بقلب حييت=بحروفي اللي تسكن بحس وايمان
اللي لو بعد به كان ما انهيت=قصيدتي لو كان بي شانها شان
مجد وزعامة هيبه وظلٍ وبيت=واحساس شعب وحلم وآمال واحسان
وعضيده اللي لا طرى لي عديت=في راس مرقاب وقطعت اله وديان
بحصر فعول كفوفه البيض وازريت=ازريت لاني لازم اعود ازمان
اللي ملكُ حرفي من البيت للبيت=هذاك ابو متعب ونايبه سلطان[/poem]