[poem=font="Simplified Arabic,7,seagreen,bold,italic" bkcolor="black" bkimage="" border="double,4,seagreen" type=2 line=0 align=center use=ex num="0,black"]
به فرق ما بيـن الثـرى والثريـا=
مثل الذي يفرق جمالك عن النـاس =
عالي وغالي تهـدي الكـون ضيـا=
جميل روح ومعدنك صافي المـاس =
يا ليت لـو شوفـك لعينـي تهيـا=
كان انثر همومي على قـد ميـاس =
مار البلا كـان الزمـن فيـك عيـا=
واصبحت من عقب الامل عبد للياس =
ودي بشوفـك بـس مابـي شويـا=
ابيك لامن جيت تطرب لي الـراس =
لو رق لـي قلبـك وجيتـن هنيـا=
آمنت ان الحب مصـدر للاونـاس =
تكفى تجمـل كـان عنـدك حميـا=
ما دام بك نخوه وفي قلبك احساس =
عطشان لك مانـي بعطشـان ميـا=
اروي ضماي بلثم معسول الالعاس =
يا من فرقت عن البني بـا المحيـا=
ورموش للنجل المظاليـل حـراس =
يامن قهـرت الغيـد فـي ماربيـا=
في حسنك الخاثر وفي عطر الانفاس =
ارحم متيم مـا نـوى فيـك غيـا=
شاعر ولاهو يجهله طبع الافـراس =
صرت اتمنى وش بقـى فـي يديـا=
غير اني ان ما جيت باقول لابـاس =
يمكن يجـود ويتبـع الوسـم ريـا=
لجل يتهنى قلـب هدتـه الاتعـاس =
يا عزوتـي مابـه عليكـم خبيـا=
حبي لكم مالـه معاييـر وقيـاس =
به فرق ما بيـن الثـرى والثريـا=
انتم رجاي اليا تناسونـي النـاس =
[/poem]