بسم الله الرحمن الرحيم
السلام عليكم ورحمة الله وبركاته :-
[poem=font="Simplified Arabic,4,darkblue,bold,normal" bkcolor="transparent" bkimage="backgrounds/2.gif" border="none,4,gray" type=2 line=0 align=center use=sp num="0,black"]
لا عدت بالخيرات يا يوم الاثنين = في ظرف ساعه حبّ قلبي حصدته
صحيح غرّات المواقف بها الشين = لو جات ريش الطّير عجل ٍ محته
جارت عليّ وقمت أغنّي مع البين = وان ما نشدني قمت يمّه نشدته
جتني على الشبّاك مريوشة العين = قالت من الوصفات عطني روشتّه
قلت أبشري لكنّ نبغى العناوين = حتى القلم حبره عليها يكته
إسمي مها والعمر خمسه وعشرين = ولا عاد تسأل طايل الهرج زدته
قلت اسمحي لي بس ممكن تعيدين = قالت علامك كلّ ما عدت عدته
قلت البلا والشر منتم بدارين = عشرين مع عشرين ما ليل بته
قالت أثرك خفيّف القلب مسكين = حساب قلبك في دقايق جردته !!
قلت العفو واخذي علوم وبراهين = ما كان في عقلي تراني فقدته
نظرتك تكفي عن جميع المزايين = ولولا مخاف الله غرامك عبدته
سبحان من صوّرك يا كامل الزين = اخذي كلام وموعد ٍ قد رصدته
الحب بلوى والاوادم مشقين = وانا على درهام شوقي عضدته
قالت كلامك فوق راسي وبعدين = موعدك فالارشيف عندي سندته
واقفت وانا أونس في ضلوعي سكاكين = على طريق ٍ قبل ساعه مهدته
رجواي من وقتي ثلاثة مضامين = مرسوم سامي فالضمير اعتمدته
ميقافها يبدي بعدل الموازين = ومحرافها عني بعيد ٍ مقته
يدري بها اللي يحفظون القوانين = ويجهل بها اللي همّ وقته يعته
ولا عدت بالخيرات يا يوم الاثنين = الحبّ من قلبي بعد فات شته[/poem]
وسلاااااااامتكمـ
رد مع اقتباس
المشاركة الأصلية كتبت بواسطة عبداللـه اليـامي
