ألف حمدلله على سلامتي ------> ادري كلكم تقولون وش فيك
اللي يبي يعرف يكمل القصة
<---- مسوي فيها صاحب الاسلوب المشوق
المهم ماعلينا
يازين السعودية واهلها ------> تبون تعرفون كملو القصة
(( صورة واحد ماسك عجرة ويقول يالله اخلص وخل عنك المصالة ))
في اجازة من اجازات الصيف
قرر ابوي يتهور ونسافر خارج المملكة طبعا واحد من اخواني جاته سكته مؤقتة من هول الصدمة وانا قعدت اهلل واكبر واقول النصر لنا والوالدة :واو:
تزغرط بالمطبخ ا:كلوش: لمهم تقدرون تقولون سوينا كرنفال بهالمناسبه بس والله ما احد يلومنا ماخلينا شارع ولا مكان
ولاشقة مفروشة بالطايف الا رحنا لها واذا مو مصدقين روحو شوفو الهدا ماخليت حجرة فيه الا كتبت عليها
ذكريات <---- ماشاء الله علي مؤدب من صغري فديتني ما اكتب عالجدران بس عالحجر
طبعا كل اللي عرفناه انا بنطس برى المملكة لوين الله اعلم ابوي يقول مفاجأة وقبل السفرة بيوم
وبينما نحن نتناول وجبة الغدا ويقول لنا ابوي المفاجأة انا يوم سمعت اللي قاله ابوي
غصيت لان الملعقه راحت بحلقي <---- ياكبرها عند ربي بس يالله لاتدققون واعتبروها من سيناريو القصه
وانا متأكد لو قلت لكم وين بنروح بيصير فيكم اكثر ابوي قال بنروح لباكستان يقول فيها خضره وجبال
المهم دقينا سلف وعالمطار ركبنا الطيارة وطلعنا لابوي نخله بالطيارة محاذف بالمخدات والجرايد
وحرقنا الزر حق المضيف من كثر مانضغطه وانا قاعد اصيح باعلى صوتي بالطيارة عشان اخوي ماخلاني
اجلس على الباب في الطيارة <--- ( لاحظو ) على بالي الطاقه تنفتح عشان اطلع يدي منها المهم الطيار مغط فينا الطبلون
عشان يوصلنا ويفتك منا ويوم وصلنا نزلنا بالمطار ورحنا استأجرنا شقة وقعدنا حوالي اسبوع ذبحنا المغص
خبركم مطاعمهم كلها فلفل حتى البيبسي حقهم يحطون فيه فلفل لوووووووول
وذاك اليوم كنا تعبانين من التمشية كلهم نامو الا انا مثل الجني قاعد بالطاقة (( بالشباك , بالدريشة )) استهبل على عيال ابو هنود المهم
وفي لحضة جيتكم مقلع من الدور الثاني وتنطبع خشتي بالارض بس كويس اللعب بالقايلة (( القايلة أي شمس على بلاطة بالظهاري )) كان له :36
كان له مردود ايجابي
والدليل ان عظامي ماتكسرت قويه ماشاء الله ويمر باكستاني ابن حلال وعالمستشفى:11sted_co انا كان مغمى علي
مر اليوم الاول والثاني والثالث اسوع شهر سنين وانا بغيبوبه ويوم صحيت والا انا فاقد الذاكره
ياقلبي على امي عاد وقتها ماتدري وين انا فيه حاولو يعرفون عني أي معلومات مافي امل
عاد تعرفون بعد الطيحه خشمي خشم اندنوسي وعيني عين كوري ووجهي تقول سكة قطار من كثر الخياطات
ماشاء الله علي جمعت صفات العالم الاسلامي بخشتي ومرت الايام وترعرعت وكبرت
واهلي ام النذالة راحو السعودية وخلوني هناك المهم بديت اصحصح شوي شوي بس عقلي للاسف
مفرمت ماعاد بقى فيه ولاشي ماقصر العم مشتاق خان تبناني عنده وصرت ولده يعني صرت الخجووول مشتاق خان درست وتخرجت
عاد عندهم اللي يجيب نسبة يبتعثونه للسعودية يشتغل سواق والا أي شي ثاني <---- امحق من ابتعاث
المهم جبت نسبة ويالله عالسعودية وصلت هنا واشتغلت لموزين وشفت الويل كم تفلة جات بوجهي وكم واحد وصلته وانحاش وكل شهر وانا صا
ف سرى بالبريد ورسايل لامي الباكستانيه حسبي الله عليها ما خلص راتبي الا هي وفي يوم من الايام جاي صاك الطبلون وخاش جو مع المسجل
اتذكر حبيبتي بباكستان الا وذيك السيارة اللي قدامي واجيب العيد فيها وانزل والا هذيك العجرا اللي تنصك بجبهتي وانبطح بالارض لمدة دقيقتين
وبديت استرجع الذاكرة من قوة العجراا شوي شوي سمعت الصوت قلت مو غريب يوم شفت الزبيريه تذكرت انها مثل حقت أبوي
حفظتها من كثر مايبصم بها على وجهي قلت لابوي صحيح مالك داعي ماعرفتني شاف علامة الجودة بوجهي
(( طبعة الزبيرية حقته )) وعرفني وامي شافت ضرسي اللي كسرته يوم صكتني بقدر الضغط وتاكدت اني ولدهم والتم شمل العائلة .......
وأيام حلوة كانت أيام حبك
كتابة وسيناريو واخراج : الخجووول مشتاق خان
وسوري عالاطاله