[poem=font="Simplified Arabic,7,purple,bold,italic" bkcolor="burlywood" bkimage="" border="ridge,4,purple" type=2 line=0 align=center use=ex num="0,black"]
تدري وش اللي موجع القلب يا سعود=واللي ترك دمـع المحاجـر تهلـي
واللي نثر في جنتـي ملـح بـارود=وانا احسب انه وافي و منصفن لـي
هذاك خلن وهـق الـروح بوعـود=لا هو تناساني ولا هـو فطـن لـي
الوسم عدى والفيافـي غـدن سـود=وانـا برجـوى غيمتـه تستهـلـي
اخايل المنشأ عسى بـرق ورعـود=لقيت ما بـه غيـر نفسـي وظلـي
يا لعنبـوا وقتـن يخليـك ملهـود=ويـا لعنبـوا عـزن تنخـى بذلـي
كيف المطر يبخل على القاع والـذود=واللي يسوقه واحـدن لـه نصلـي
عزيل لامن صرت مجبـر ومحـدود=على الخضوع لخـل حيـل امتعلـي
لو سامك التعذيـب ماهـو بمنشـود=يلعب بـك الشطرنـج حتـى يملـي
البنت لا شافتـك طايـح ومصيـود=يا بـا النبـأ والا برمشـن مظلـي
لا شافتك تخضع لها خضعـة جنـود=لو بهذلت بـك لازمـن بـه تهلـي
تبدأ تسلى بك عسى مـا لهـا فـود=تفرح ليـا شافـت عذابـك تسلـي
ان ما غنمت بنقص لا تفـرح بـزود=محبتـن بــه ذل خـلـه تـولـي
[/poem]