[align=center]كرهت معنى الهوى من كثـرة اعـذارك
اعانـي اجـروح وانـتـه ماتعانيـهـا
[frame="2 80"]تضحك تسولف ولا ادري وش هي اخبارك
تقـول احبـك ولا ادري عـن معانيهـا
عطشـان ولغيرنـا همالـه امـطـارك
واحسبك ترفق بروحـن كنـت راويهـا
ان كان ودك تفـارق فارسـل اخطـارك
دنيـاي بعـدك تصافـق بـي بلاويهـا
قبل المفـارق بمـزق كامـل اشعـارك
كرهـت شكـل القصيـدة مـع قوافيهـا
وارجوك تمسح بقايا اسمي من افكـارك
واكتب بدالـه حزيـن الـروح شاقيهـا
وصورتي لاتجـي يومـن فـي انظـارك
حطـم براويزهـا دام انــت شانيـهـا
وانا بخبيـك فـي قلبـي مـع اسـرارك
اقسمت يـاروح عزتنـي مـا اعاديهـا
ادري بعاني واضم الجمـر مـن نـارك
والنـار ماتحـرق الا رجـل واطيـهـا [/align][/frame]