[poem=font="Simplified Arabic,7,white,bold,normal" bkcolor="darkred" bkimage="" border="inset,4,gray" type=2 line=0 align=center use=ex num="0,black"]
عمر(ن) تنثـر مـن يجمـع شتاتـه=عسى الفرج من وال الاقـدار ياتـي
وش قيمة عهود الغلا وش حلاتـه=مـا دام خلي مـا يثمـن حياتـي
كيف اشترى جرحي وانا اشري هناته=مات الوفـا بيـن المحبيـن ماتـي
حب(ن) قديم ولا نقص فـي غلاتـه=وسط الخفوق اللي شهد فـي ثباتـي
حب(ن) به اخلاصي سما في سماتـه=يلقى الجزاء غدر(ن) وهجر وشتاتي
همـي عسيـر بقمتـه وهضبـاتـه=وحبي نهر دجلـه ونهـر الفراتـي
لاشفـت مغـرور متحضـن مراتـه=يفخر بزينـه مثـل فخـر البناتـي
ولاشفت من يغـرم بنفسـه وذاتـه=عشقت يوم(ن) فيه انا انكرت ذاتـي
ولا شفت من جمع الدراهـم غناتـه=ليلـه نهـاره ساهـرن مـا يباتـي
حمدت ربـن كاملـن فـي صفاتـه=جاعل غناة النفـس جملـة غناتـي [/poem]
رد مع اقتباس
![الصورة الرمزية ][ وريـــــف ][](image.php?u=68123&dateline=1169600760 "الصورة الرمزية ][ وريـــــف ][")
