[media]http://www.br2h.com/up/uploads/9029a94c7f.mp3[/media]
[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
عندما يكون الفراق لامحاله
أرجوك أرحل بلا وداع
هذه
وصيتي
تجدها
في
تابــوت الـــوداع
مع السلامه مالنا غير فرقاك = والله مالي في موادعك قدره
الله يسمّح درب مثلك وشرواك = والقلب خله عند الايام عذره
أن ماقدر يصبر تكفيه ذكراك = لوكان في بعض التفاصيل قبره
وان جادة الاحلام فينا وشفناك = هي عبرةٍ تقفي على درب عبره
أقفت تنشد عابرٍ عن مطاياك = اللي لها بين الزمانين هجره
تاقت وطاحت مالقت في زواياك = الا حنينٍ شلّع القلب جذره
قلبٍ يفيق وينشد الصبح وش جاك = واثرك ناوي من ورى العام هجره
هذي الحقيقه جعل ماجاك يفداك = والرجل مايجبر على فج صدره
أما تجي برضاك ولا عذرناك = أرحل ونا ادري مابقى غير شعره
بين الوداع وبين شوفت محياك = والقلب ماهو سلعةٍ وسط كبره
تبي تسلابي على جرف دنياك = صخرٍ تساويني على حد صخره
ماني صغير امك ولا من رعاياك = لو شفت دمعي ينسكب وقت غدره
هذيك عبرة شايبٍ عاف ممشاك = من جاه يشكي ضنوته قال بصره
خلوه يسرح بين ذولا وذولاك = وان مت خلوني على باب قصره
خـطو على التابوت هذي ضحاياك = وعساه يقنع بارك الله نصره
وان شافو دموعك على حلق شباك = ماهي محنّه واغلب الضن فطره
أدخل على اللي بدعك في شفاياك = الرجل وش قدره ليا فج صدره
مع السلامه مانبي غير فرقاك = دام انت مقفي مالنا فيك قدره
مشعل
بن
جريد[/poem]
لتحميل القصيده اضغط على الزر الايمن ثم حفظ الهدف باسم عن طريق هذا الرابط
http://www.br2h.com/up/uploads/9029a94c7f.mp3