[align=center]بسم الله الرحمن الرحيم
السلام عليكم ورحمة الله وبركاته
أسعد الله أوقاتكم بكل خير
لن أطيل .. اترككم مع " قمة طموحي "
ياليتنا يابسمة القلب جيران ** الصبح اشوفك والمسا والظهيرة
أقسم برب الكون ماقول طفشان ** وشلون ابطفش وآنا وياك جيرة
ياللي سكنتي بين الاضلاع تحنان ** ثم استويتي وسط قلبي أميرة
اميرة تلبس داخل القلب تيجان ** تاج الجمال وتاج الأخلاق سيرة
انطق بملء الفم والعب بالأوزان ** ( لعب البطل زيدان بالمستديره )
شاعر واحوف القاف من دون نقصان ** وعندي ذخيره بس ياهي ذخيره
اقدر اخلي اسفل القوم شجعان ** والا الشجاع ببيت واحد اثيره
ازلزل بحرفي ميادين واوطان ** لكني ارحم هالقلوب الفقيره
لو يدري عني عنترة قال سبحان ** سبحان رب حروف صارت اسيره
قد قيل منهو يمدح النفس غلطان ** وانا ابمدح موتوا ياناس غيره
ارجع لروح الروح وآقول ولهان ** ولهان كثر امطار ربي الغزيره
ولهان اكتبها انا بكل الألوان ** وارسمها باللوحات رسمه خطيره
مشتاق اسولفلك واحاكيك من شان ** افضفض لقلبك همومي الكبيره
انتي جذبتي عالم الانس والجان ** ووحدك بنيتي بين الاضلاع ديره
لو غبتي عني ثانيه صرت تعبان ** وقلبي تورّم كن فوقه خميره
ماشفت مثلك حتى في دار لبنان ** والا بالأردن والا شبه الجزيرة
قمة طموحي ابسط ايدي بالأمتان ** واقول احبك يالعيون المثيره
واعلق قليبي معك طول الأزمان ** ودايم مصيرك زي قلبي ومصيره
وان كان قلبك يطلب الحين حلفان ** هذاني احلف : والله ماريد غيره
** اعتذر عن عدم التنسيق .. مو راضي يضبط معي مادري ليه !!
وسلامتــكم ...
صالح المرزوق[/align]